by aimee | Sep 4, 2013 | Local News / Bohol Balita, National News
TAGBILARAN CITY, Bohol, Sept. 4 (PIA)–Hugot nang gipatuman sa Commission on Elections (Comelec) ang gun ban sugod pa niadtong unang adlaw sa Setyembre 2013 ug molanat kini og tulo ka buwan.
Ang maong gun ban kalabot sa nagsingabot nga barangay ug SK eleksyon sa Oktubre 28.
Nanawagan si Comelec Commissioner Lucenito Tagle sa mga wala pa niduso sa ilang application for exemption nga moadto na samtang sayo pa mga buhatan sa Comelec aron ma-proseso dayon ang ilang exemption.
Apan gitataw ni Tagle nga ang mga aduna nay aplikasyon kaniadto pang niaging midterm election, subject for renewal na lamang. (PIA-Bohol/ecb)
by aimee | Sep 4, 2013 | Headlines
TAGBILARAN CITY, Bohol, Sept. 4 (PIA)–Plano sa Bureau of Internal Revenue (BIR) nga manduan na ang mga propesyunal sa pagpaskil sa ilang rates sa mga opisina ug klinika.
Matud pa ni BIR Commissioner Kim Henares, parte kini sa ilang kampanya batok sa ubang doktor, abogado ug uban pang propesyunal nga wala magbayad og saktong buwis.
Giingong agig pagsunod usab kini sa mando sa Department of Finance (DOF).
“Kasi maraming nagrereklamo na ‘pag sinisingil ho sila, humihingi kayo ng resibo, tataas ho ‘yan ng 12% minimum dahil dun sa VAT (value added tax)”, pasabot pa ni Henares.
Sa gihikyad nga kamanduan, angay apil na ang VAT sa ipaskil nga singil sa matag serbisyo sa mga propesyunal.
Sa mga abogado, ipaskil ang per hour rate depende sa posisyon. Per hour rate usab ang sa mga accountant.
Ipaskil ang listahan sa rates sa lugar na daling makita sa mga kliyente ug pasyente.
Sigun pa kang Henares, ipagawas nila ang regulasyon kalabot niini sulod sa usa ka buwan ug target sugdan ang implementasyon niini sa 2014 diin adunay tukmang multa sa mga dili mosunod.
Kini ang unang higayon nga i-require ang mga propesyunal nga ipaskil ang ilang mga charges. (PIA-Bohol/ecb)
by aimee | Sep 4, 2013 | National News
TAGBILARAN CITY, Bohol, Sept. 4 (PIA)–Dili na ipatuman sa Supreme Court (SC) sugod sunod tuig ang five strike policy sa mga mokuha og Bar examination.
Kini ang gibutyag ni SC Spokesman Atty.Theodore Te, human gikauyonan sa mga mahistrado sa SC ang rekomendasyon sa usa ka study group.
Nagpasabot lamang kini nga dili na tugotan pang mokuha og Bar exam ang labaw sa lima ka higayong pakyas nga makapasar.
Matud pa ni Te nga ubos sa maong polisiya, ang mga dili makapasar sa tulo ka higayon kinahanglan unang mo-comply sa pipila ka mga kondisyon sa dili pa tugotang mokuha og balik sa pasulit sa ika-upat nga higayon.
Apil usab niini ang mga dili makapasar sa ika-upat nga higayon sa dili pa mokuha sa pang limang exam.
Gi-klaro ni Te nga dili pa kini applicable sa Bar exam karong tuiga tungod kay napagawas na ang listahan sa mga examinees. (PIA-Bohol/ecb)
by aimee | Sep 4, 2013 | Headlines, National News
TAGBILARAN CITY, Bohol, Sept. 4 (PIA)–Gipahibalo sa Office of the Ombudsman nga modawat na usab sila og online complaints gawas sa regular nga pagdawat og reklamo gikan sa mga sulat ug personal nga pagbisita sa mga petitioners sa ilang opisina.
Tuyo niining mahatagan og kahigayunan ang netizens o internet users nga makatabang sa pagpangita sa mga baglongon nga kawani sa gobyerno.
Apan giingong mo-agi kini sa makuting berepikasyon aron masiguro nga dili lamang pagpang-daut ang mga impormasyong ilang pagagunitan.
Gi-angkon ni Ombudsman Conchita Carpio-Morales nga siguradong modaghan pa gayud ang masuko niya tungod sa hugot nga pagpangita nila sa mga nalambigit sa nagkalain-laing kontrobersya sa mga ahensya sa gobyerno.
Alang sa mga netizens o internet users nga adunay ipadangat nga reklamo batok sa mga badlongon nga kawani sa gobyerno, bisitaha lang ang www.ombudsman.gov.ph ug e-click ang online filing sa ibabaw ug tuo nga bahin sa maong homepage. (PIA-Bohol/ecb)
by aimee | Sep 3, 2013 | Features, Headlines
Ang pagbibigay ng panahon sa negosyo ay mahalaga
upang mapaunlad ito. Subalit, higit na makabubuti
kung magkakaroon din ng sapat na oras
para sa pamilya. Narito ang ilang tips
upang maging balanse ang dalawang ito:
• Sundin ang work routine. Hatiin ang oras habang
tinitiyak na mabibigyan ng angkop na panahon
ang negosyo at pamilya. Maaaring itaon
ang pagtatrabaho sa panahong nasa paaralan
ang mga anak.
• Maghati ng mga responsibilidad. Kung mag-asawa
ang nagpapatakbo ng negosyo, ang isa ay dapat
full-time dito. Samantala, ang isa naman
ay salitan sa pag-aalaga ng mga miyembro
ng pamilya at pagtulong sa negosyo.
• Turuan ang mga anak. Ang paghubog sa munti
nilang kaisipan, tulad ng pagiging matulungin,
ay magbibigay daan upang lumaking responsable
ang mga bata. Makatutulong din sila sa
pagpapatibay sa negosyo.
