by anyajulia | Nov 14, 2008 | Headlines, National News
AGI ug abag sa mga labing kabus nga banay sa nasud, ihatag sa kagamhanan ang 2.1B nga pundo alang sa Pantawid Pamilyang Pilipino Program (4Ps).
Mokabat sa tag P15 mil kada tuig ang madawat sa kabus nga banay kon matuman niini ang mga kondisyones nga nalatid alang sa mga banepisaryo sa programa.
Kini maoy unod sa Memorandum of Agreement nga gipresentar ni DSWD Secretary Esperanza Cabral uban sa mga gobernador ug city mayors nagdto sa Malakanyang.
Ang DSWD maoy mangulo sa pagpatuman sa 4Ps aron ugmaron ang kahimtang sa mga kabus.
Cash grants nga mokabat sa tag P500 matag buwan alang sa galastuhan sa health un nutrition, P300 alang sa galastuhan sa pagpaeskwela sa matag usa ka anak.
Ang 4Ps, usa na usab ka flagship project sa administrasyon ni Arroyo aron kunhoran ang kawad-on. (rachiu/PIA)
by anyajulia | Nov 14, 2008 | Headlines, National News
BOUT sa Malacañang nga ikapatin-aw sa Philippine National Police (PNP) ang na-kontrobersyal nga palisiya kabahin sa pagpagawas sa mga police blotters.
Butyag sa Malakanyang pinaagi ni Press Secretary Jesus Dureza, ang mga blotters sa kapolisan public record ug kinahanglang ikapa-ambit sa publiko. Hinuon, gipasupot ni Dureza nga buot usab sa Malakanyang nga makita una nila ang direktiba sa PNP.
Hinuon, si Dureza, kinsa usa ka abogado mipadayag nga may mga kasayuran sa police blotters nga dili usab angay ikabutyag sama sa mga salaud batok sa mga bata o kadtong mga may mga kalabutan sa nasudnong seguridad.
Ang pahayag ni Dureza, bunga usab sa giingong mandu ni PNP Chief Jesus Versoza kabahin sa pagdili na sa pagpabutyag sa unsay unod sa blotter sa kapolisan. (rachiu/PIA)
by anyajulia | Nov 14, 2008 | Headlines, National News
Sa paglagda sa Implementing Rules and Regulations (IRR) sa Cheaper Medicine Act, makasiguro na ang publiko nga mobarato na presyo sa tambal.
Mao kini ang gipasalig ni Kalihim sa Maayong Panlawas Francisco Duque sa ilang DOH website.
Matud pa ni Duque, gumigan sa IRR, maka-awhag kini sa Philippine Health Insurance Corporation (PHIC) sa paghatag ug maayong serbisyo, lakip na ang pagos-os sa gastuhonon sa pag-“package” sa tambal aron mobarato na kini kon ibaligya sa publiko.
Tungod usab sa IRR, masiguro ang kaligdan ug barato ang mga tambal nga ‘generic’, ug mapalit na usab ang mga “over the counter” nga tambal sa mga ‘supermarkets’.
Gilagda-an ni Presidente Gloria Macapagal-Arroyo ang balaud sa Cheaper Medicines Bill niadtong Hunyo 6 ug ang IRR ma-implementar kinse diyas sugod sa pag-pasibya niini niadtong Nob 5. (PIA/Bohol)
by anyajulia | Nov 14, 2008 | Headlines, Major Events, National News
Motambong si Presidente Gloria Macapagal-Arroyo sa United Nations Interfaith Conference on Dialogue of Civilizations adto sa New York City.
Matud pa ni Kalihim sa Prensa Jesus Dureza, si Presidente Arroyo mao ang ika-duhang mamumulong sa maong tigum, isip usa sa nag-unang nagpasi-ugda sa “interfaith dialogue”.
Pagahisgutan sa Presidente kon unsa ka importante ang maong dayalogo ug kooperasyon ayon makab-ot ang maluntarong kalinaw dili lang sa rehiyon sa asya, kon dili sa tibuok kalibutan.
Gi-ila ang Pilipinas isip nangulo sa kalihukang “interfaith dialogue” sa Tinipong Bansa niadtong tuig 2004 sa dihang gi-pahigayon ang Tripartite Forum on Interfaith Cooperation for Peace ug gisundan sa Ministerial Meeting on Interfaith Dialogue and Cooperation for peace, dugang ni Dureza. (PIA/Bohol)
by anyajulia | Nov 14, 2008 | Headlines, National News
Gibutyag ni Maj. Gen. Nehemias Pajarito nga dili na kinahangalang dugangan pa ang tropa sa armi nga nadistino sa Lanao.
Mao kini ang tubag sa heneral sa hangyo ni Congressman Abdullah Dimaporo sa 2nd Distrito sa Lanao nga dugangan ang tropa sa militar sa ilang dapit.
Matud pa ni Pajarito, igo na ang duha ka dibisyon sa Philippine Army nga mao ang First Infantry Division (IID), PA, nabase sa Siyudad Pagadian ug ang 4ID nga nabase Siyudad sa Cagayan de oro, para masiguo ang kalinaw ug seguradad sa maong dapit.
Mihangyo si Cong. Dimaporo og dugang tropa aron mapadali ang pagsikop sa mga rebeldeng MILF (MLP) nga mihimo ug kadaut dili lamang sa kabtangan, kon dili apil ang pagkalas sa kinabuhi didto sa lalawigan Lanao.
Bisan sa hangyo, gidayeg gihapon ni Dimaporo ang militar sa ilang gihimo sa Lanao ug mipatin-aw sa iyang tingunga nga ang kaugmaran ug asenso sa Mindanao makab-ot kon moghari ang kalinaw. (PIA/Bohol)
