by anyajulia | Sep 12, 2008 | Headlines, National News
KON mapamatud-an nga tukma ang nahatud nga taho sa gilubluban ni Kumander Bravo, hayan ikaganti na ang P10M nga pabuya alang sa pagkatanggong sa labing gikaintapang lider sa rebeldeng MILF.
Kini segun sa pamahayag ni Police Chief Inspector Arneil Catarata, Chief PNP, Operations and Intelligence, sa syudad sa Iligan.
Hinuon, matud niya, tinuon pa kon kasal;igan ang tinubdan nga nagbutyag sa gitagoan ni Bravo sa dili pa ipagawas ang pabuya.
Kini dungan usab sa iyang paghimakak nga may mga armadong bahan sa mga bounty hunters sa Lanao del Norte nga buot magkumkomsa balaod sa ilang mga kamot.
Bisan pag kriminal ang pag-tratar kang Bravo, matud ni Catarata, dili ang mga maghatag sa impormasyon ang magpatuman sa balaod kon dili ang military o ang kapolisan didto. (rachiu/PIA)
by anyajulia | Sep 12, 2008 | Headlines, National News
GIPASALIG sa mga sakop sa pwersa militar nga nag-padayon pa sa paglutos nila ni Kumander Bravo ug Pangalian nga ilang gitamod ang gitahud ang batakang kalagdaan sa tawhanong katungod.
Sa pamahayag ni Major Ben Manquiguis, tigpamaba sa 1st Division sa Phil. Army, matud niya ang Armed Forces of the Philippines (AFP) mga propesyonal ug makamao mutamud sa tawhanong katungod isip bugtong palisiya sa combat operation.
Kini nga pasalig ilawom usab sa gi-alegar nga pagkatap unya sa pagyatak sa tawhanong katungod ilabi na sa giplastada nga mga alegasyon batok sa mga militar ug kapolisan nagdto sa mga sakop sa aktibista nga pundok ug ug sakop sa media. (rachiu/PIA)
by anyajulia | Sep 12, 2008 | Headlines, National News
Usa ka masusing imbestigasyon ang gimando sa Malakanyang kahabin sa pag-pamomba sa usa ka eroplano sa militar sa mga suspetsadong grupo sa MILF sa Mindanao. Sumala pa sa taho, unom ka sibilyan ang nanga-angol.
Matud pa ni Kalihim sa Prensa Jesus Dureza, tan-awon kon aduna bay “extreme need” o gikinahanglanon ba gyud ang pag-gamit ug kusog sa militar nga ila mang gi-labag ang “operational guidelines.”
Adunay “operational guidelines” nga gi-dili ang paggamit ug bomba ug dagkong kalibreng armas sa panahon sa Ramadad.
Kon gamiton man gani ang ing-ining kusog sa militar, gitu-ohan nga adunay “extreme need” nga nakita. Kon wala, ang palisiya nga dili mogamit og bomba maoy tumanon, apas sumpay ni Dureza.
Sumala sa pasi-unang taho migawas nga mipa-ulan ug bala ang grupong MILG lulan sa 10 ka pumpboats sa milabay nga abyon sa militar, gumikan nga kini mibalos.
Bisan pa sa maong taho, kinahanlan gihapong imbestigahan ug susihon kon adunay bay sayop nga nahimo sa militar o napugos lang ba sa maong sitwasyon. (PIA/Bohol)
by anyajulia | Sep 11, 2008 | Headlines, National News
Ang Disarmament, Demobilization ug Reintegration (DDR) nga palisiya ni Presidente Gloria Macapagal Arroyo usa ka gikinahanglan ug angayan nga pama-agi aron makab-ot ang malungtarong kalinaw sa Mindanao. Kini mao ang gibutyag ni CRS/CRG, 1ID Chief Major Ben Manquiquis.
Matud pa ni Manquiquis, ang bisan unsang negosasyon tali sa mga armadong rebelde gikinahanglan nga mo-base sa prinsipyo sa nasud nga ilhon ang kagamhanan ug ilhon usab nga usa ra armadaong kusog, ug usa ra ang PNP.
Ang DDR nga palisiya, kon tumanon sa mga rebeldeng MILF, siguradong makab-ot ang malungtaron kalinaw, ug usa ka “tinuod nga demokrasya ug tawhanong komunidad,” dugang ni Manquiquis.
Mao kini ang prayoridad sa kagamhanan kon hisgutan ang kalinaw, ug mamahimo usab kining “best model” sa tibuok kalibutan ug epektibo nga solusyon sa ubang nasud nga adunay usab problema sa kalinaw.
“Gi-awhag nato ang liderato sa MILF nga mosanong sa DDR nga pama-agi aron makab-ot ang malungtarong kalinaw nga gipangandoy natong tanan sa Mindanao, apela ni Manquiquis. (PIA-Bohol)
by anyajulia | Sep 11, 2008 | Headlines, National News
Bisan sa kagubot karon sa Mindanao, ipadayon gihapon ang Technical-vocational training nga programa sa Technical Education and Skills Development Authority kon TESDA.
Kini mao ang gipasalig ni TESDA Director General Augusto Boboy Syjuco sa iyang mensahe sa gihimong kina-unhang `jobs fair’ para mga trabahanteng Muslim miaging semana.
Matud pa ni Syjuco, ang mga taga Mindanao, labina sa mga igsoong Muslim mopadayon ug dawat sa mga pagbansay sa TESDA pina-agi sa ilang nagkalain-laing programa sa panginabuhian.
Ang Technical-vocational training nga programa molangkob sa mga pagbansay base diha sa eskwelahan, mga `training center’, mga kompanaya ug sa mga komunidad, dugang ni Syjuco.
Aron masiguro nga mopadayon ang maong serbisyo taliwala sa kagubot nga nasinati sa Mindanao, gi-mugna ni Syjuco ang usa ka “crisis management system” para sa Mindanao, gi-ubanan sa mga TESDA partners. (PIA/Bohol)
