by boholbalita | Mar 26, 2010 | Local News / Bohol Balita
WALAY suerte ang usa ka lalaki human gitulis sa duha ka armadong suspetsado samtang nakig-date sa iyang uyab sa usa ka beach resort luyo sa Shell depot didto sa Graham Avenue, dakbayan sa Tagbilaran niadtong Sabado sa gabii.
Biktima nailhan nga si Margarito Samonte, 38-anyos, minyo, taga-barangay Songculan, Dauis, Bohol.
Nahitabo ang insidente mga alas 11:45 sa gabii samtang ang biktima nag-hapi-hapi uban sa iyang uyab nga babaye didto sa Balongbalong Beach dihang giduol sa mga gikatahapan ug gitionan og usa ka mubo nga pusil sa liog ug gikuha ang iyang Alcatel nga cellphone,m usa ka relo de pulso ug gilakip ang yawe sa Ramstar nga motorsiklo.
Gigamit ang maong motorsiklo sa mga suspetsado dayong sibat paingon sa City Proper.
Gihulagway sa biktima ang mga suspek nga usa niini nagsuot og itom nga sinina samtang ang kauban nakaputi og t-shirt. Gibanabanaang nagtindog ngadto sa 5′ 5″ og nagpangedaron og 30-anyos ug straight ang buhok. (Anduy Nalzaro)
by boholbalita | Mar 26, 2010 | Local News / Bohol Balita
NEGOSYANTENG babaye nakuhaan og dakong kantidad sa salapi ug duha ka cellphone human gitulis sa duha ka wala mailhing lalaki didto duol sa iyang pinuy-anan sa Purok 4, barangay Dao, dakbayan sa Tagbilaran niadtong Sabado sa gabii.
Biktima nailhan nga si Teresita Escabarte, 31-anyos, minyo , tag-iya og usa ka tindahan sa City Central Market sa barangay Dampas.
Nahitabo ang insidente pasado alas 8 sa gabii samtang ang biktima naglakaw paingon sa ilang pinuy-anan kuyog sa iyang bana dihang pag-abot og pipila na lamang ka metros duol sa ilang kalit nga nibutho ang duha ka mga lalaki ug usa kanila nition og usa ka de kalibre nga pistola ngadto kanila dayong deklara og tulis.
Matud sa biktima nga dili unta niya ihatag ang iyang salapi apan gipabuthan kini sa suspetsado hinungdan nga iya na lamang gihatag ang salapi nga mokabat ngadto sa P48,000, duka ka cellphone (Nokia 8210 ug 5210) ngadto sa mga tulisan
Nibutyag ang biktima nga iyangh gidudahan nga giplano na ang maong insidente gumikan kay nasuhito ang mga gikatahapan sa ilang agianan.
Padayon pang gisusi ang insidente sa mga sakop sa theft and robbery section sa City Police Station. (Andy Nalzaro)
by boholbalita | Mar 26, 2010 | Local News / Bohol Balita
NEGOSYANTENG babaye nakuhaan og dakong kantidad sa salapi ug duha ka cellphone human gitulis sa duha ka wala mailhing lalaki didto duol sa iyang pinuy-anan sa Purok 4, barangay Dao, dakbayan sa Tagbilaran niadtong Sabado sa gabii.
Biktima nailhan nga si Teresita Escabarte, 31-anyos, minyo , tag-iya og usa ka tindahan sa City Central Market sa barangay Dampas.
Nahitabo ang insidente pasado alas 8 sa gabii samtang ang biktima naglakaw paingon sa ilang pinuy-anan kuyog sa iyang bana dihang pag-abot og pipila na lamang ka metros duol sa ilang kalit nga nibutho ang duha ka mga lalaki ug usa kanila nition og usa ka de kalibre nga pistola ngadto kanila dayong deklara og tulis.
Matud sa biktima nga dili unta niya ihatag ang iyang salapi apan gipabuthan kini sa suspetsado hinungdan nga iya na lamang gihatag ang salapi nga mokabat ngadto sa P48,000, duka ka cellphone (Nokia 8210 ug 5210) ngadto sa mga tulisan
Nibutyag ang biktima nga iyangh gidudahan nga giplano na ang maong insidente gumikan kay nasuhito ang mga gikatahapan sa ilang agianan.
Padayon pang gisusi ang insidente sa mga sakop sa theft and robbery section sa City Police Station. (Andy Nalzaro)
by boholbalita | Mar 26, 2010 | Local News / Bohol Balita
NAMATAY ang usa ka tawo human aksidenteng nabanggaan og usa ka motorsiklo dihang nitabok sa nasudnong dalan didto sa Sitio Candabong, barangay Canhaway, Guindulman, Bohol niadtong Sabado sa gabii.
Giila ang biktima nga si Teodoro Pelarada, hamtong ang pangedaron, minyo ug nagpuyo sa Sitio Pandayan sa samang dapit. Nahiagom sa daghang samad sa nagkandaiyang bahin sa lawas ang biktima ug wala na makaabot nga buhi dihang gihatud sa usa ka tambalanan sa dakbayan sa Tagbilaran.
Matud sa taho nga samtang ang biktima nitabok sa pikas bahin sa karsada mga alas 7:30 sa gabii dihang ang usa ka Honda XRM 125 kolor itom nga may plaka 5371 GK ug gimanehoan ni Asterio Ayuban, 18-anyos, taga-barangay Guinsularan, Duero, Bohol kuyog sa
usa ka wala mailhing backrider aksidenteng nibangga sa maong biktima.
Ang naasoyng drayber ug backrider gidala sa Gov. Celestino Gallares Memoroial Hospital sa siyudad samtang ang motorsiklo gi-impound didto sa Guindulman Police Station. (Andy Nalzaro)
by boholbalita | Mar 26, 2010 | Local News / Bohol Balita
NAMATAY ang usa ka tawo human aksidenteng nabanggaan og usa ka motorsiklo dihang nitabok sa nasudnong dalan didto sa Sitio Candabong, barangay Canhaway, Guindulman, Bohol niadtong Sabado sa gabii.
Giila ang biktima nga si Teodoro Pelarada, hamtong ang pangedaron, minyo ug nagpuyo sa Sitio Pandayan sa samang dapit. Nahiagom sa daghang samad sa nagkandaiyang bahin sa lawas ang biktima ug wala na makaabot nga buhi dihang gihatud sa usa ka tambalanan sa dakbayan sa Tagbilaran.
Matud sa taho nga samtang ang biktima nitabok sa pikas bahin sa karsada mga alas 7:30 sa gabii dihang ang usa ka Honda XRM 125 kolor itom nga may plaka 5371 GK ug gimanehoan ni Asterio Ayuban, 18-anyos, taga-barangay Guinsularan, Duero, Bohol kuyog sa
usa ka wala mailhing backrider aksidenteng nibangga sa maong biktima.
Ang naasoyng drayber ug backrider gidala sa Gov. Celestino Gallares Memoroial Hospital sa siyudad samtang ang motorsiklo gi-impound didto sa Guindulman Police Station. (Andy Nalzaro)
