by cathytej | Jul 7, 2008 | National News
DILI na kapugngan ang pagtaas sa pletehan, kini matud ni Land Transportation Franchising and Regulatory board (LTFRB) chairman Thompson Lantion.
Matud ni Lantion, human mabati ug matuki ang tagsa-tagsa ka mga posisyon sa dagkong pundok sa transport sa nasud, hayan ilang irekomendar ang gipangayo sa mga taxi, jeepney, ug bus, ngadto sa National Economic Development Authority (NEDA).
Kahinumduman nga sukad gihatag sa LTFRB ang katapusang usbaw sa pletehan niadtong 2003, makadaghan na nga misaka ang bili sa gasolina nga nakapa-alkanse sa mga tigdumala sa mga sakyanang nagsilbe sa publiko.
Hinuon, butyag ni Lantion, hayan sa katapusang semana sa Hulyo o sa sayong Agosto na mapatuman ang hangyo sa mga drivers kay magmugna pa ang LTFRB sa mga sumbanan kabahin niini.
Gipangayo na ang dugang P10 nga flagdown rate sa mga taxi samtang anaa sa P4-5 ang unang gisugyot nga pletehan sa PISTON.
Kini nagpasabot nga ibabaw sa P7 nga pletehan sa unang upat ka kilometro, mokabat na ngadto sa P11-12, kana kon aprobahan sa LTFRB.
Gipadayag usab sa National Council for Commuter Protection nga dili man sila supak sa gipangayo nga usbaw sa pletehan dala sa mahal nga gasolina, pinaagi sailang pamuno nga si Elvina Medina nga kinahanglan usab nga kahatagan sa tukmang batakan ang mga driver aron malikayan ang pag-pang-abuso. (rachiu/PIA)
by cathytej | Jul 7, 2008 | National News
GIMUGNA ni Presidente Gloria Macapagal-Arroyo ang National Committee on Intellectual Property Rights (NCIPR) aron hingusgan pa ang promotion, pagpanalipud ug pagpatuman sa balaod nga may kalabutan sa intellectual property rights sa nasud.
Pinaagi sa kamugnaan sa NCIRP ubos sa Executive Order (EO) 736, nga gipirmahan sa Pangulo niadtong Hunyo 21, 2008, napakita niya ang panginahanglan sa inter-agency nga bahan nga maghulma ug magpatuman sa mga plano ug palisiya aron magpalig-on sa pagpanalipud intellectual property rights dinhi.
Ang komitiba nga gilangkoban sa Department of Trade and Industry (DTI) ug Intellectual Property Office (IPO) nga mao nay coordinators sa tanang paningkamot batok sa piracy ug pagpang-peke.
Kauban nila ang Department of Justice (DOJ), Department of Interior and Local Governments (DILG), Bureau of Customs (BOC); National Bureau of Investigation (NBI), Philippine National Police (PNP), Optical Media Board (OMB), National Book Development Board (NBDB), ug ang Bureau of Food and Drugs (BFAD).
Ubos sa EO, ang NCIPR maghulma sa mga permanente nga intellectual property unit uban sa tukmang pahat ug personnel.
Sa EO, gimanduan usab ang NCIPR sa pagpalapad pa sa kampanya kabahin sa IPR, pagpatuman sa makanunayon nga paglutos sa mga makalapas sa IPR, makig-alayon sa DOJ aron mapadali ang paghusay sa mga kaso sa IPR.
Lakip usab sa ilang trabaho ang pagtinir ug database ug pagpasunod sa sistema sa monitoring, ang pag-hiusa sa mga kasayuran ug taho gikan sa laing mga ahensya ug pagsubmitir sa mga taho ngadto sa Presidente.
Ang NCIPR gipasubay sa Batakang Balaod nga nagmandu sa Estado sa pagpanalipod ug pagseguro nga ang exclusibo nga katungod sa mga scientists, imbentor, artista ug mga katawhang may gasa ngadto sa ilang intellectual property ug imbento ilabi na gayud niadtong mga may ikatabang sa katawhan. (rachiu/PIA)
by cathytej | Jul 3, 2008 | Local News / Bohol Balita
Sa iyang pagduaw didto sa Sugbo, mipadayag sa iyang pasubo si Presidente Gloria Macapagal-Arroyo sa mga banay sa mga biktima sa nalunod nga M/V “Princess of the Stars”. Nangapud-apud usab ang Presidente og P10,000 kada banay isip tabang pinansiyal.
Sa wa pa ang pangpanghatag, mitambong una siya sa usa ka Santos nga Misa didto sa Cebu City Disaster Action Center (CCDAC) kauban ang mga banay ug kaanak sa biktima.
Paghuman sa Misa, personal nga gitunol sa Presidente ang iyang pahisubo ug ang P10,000 sa naunang 30 ka mga banay.
Ang banay sa nahimiling 700 kapin nga pasaherong nanga-angol isunod ra og hatag human kini susihon ug kompirmahon sa mga hingtundang buhatan. (PIA/Bohol)
by cathytej | Jul 3, 2008 | National News
Gimanduan ni Presidente Gloria Macapagal-Arroyo ang Armadong Kusog sa Pilipinas kon AFP nga mohimo og mga lakang aron protektahan ang mga katawhan sa peligro batok sa mga grupong buot samukon ang kalinaw sa ilang dapit.
Kini human nga nakadawat ug taho ang Presidente nga adunay mga rebeldeng grupo nga misamok sa mga katawhan, labina sa Mindanao, matud pa ni Kalihim sa Prensa Jesus Dureza.
Sa maong taho, nasayran nga sa milabay nga semana, misaka ang pang-atake sa mga bandidong Moro Islamic Liberation Front kon MILF batok sa militar ug sibilyan. Ang labing ulahing hitabo mao ang pagpang-`hostage’ sa maong grupo sa 25 ka mga lumulopyo sa Barangay Rangaban in Midsayap, North Cotabato.
“Bisan nga atong gipangusgan ug nahinu-ang tuyo mao ang kalinaw, gimanduan nato ang AFP nga mag-bantayunon kanunay sa maong panghitabo, aron mapugngan ang bisan usang laraw nga mosamok sa proseso sa kalinaw ug mo-angol ug mga sibilyan”, ang Presidente nagkanayon. (PIA/Bohol)
by cathytej | Jun 30, 2008 | Features, National News
President Gloria Macapagal-Arroyo and Republican presidential candidate John McCain agreed to further strengthen the long standing bilateral relations of the Philippines and the United States.
In a brief meeting, the President and McCain exchanged pleasantries and discussed RP-US relations.
”The Filipinos are watching this elections in the US and hoping for the new government to continue the relations of the US and the Philippines,” the President told McCain.
The President said she and McCain also discussed US’s support in the achievement of peace in Mindanao, through the application of the ”hard and soft” approach.
She thanked McCain for supporting the Veterans Equity bill and also asked the US to lead the efforts in addressing food security concerns. (PIA/Bohol)
