PGMA mipagawas ug pamaagi aron dili makuwang sa pagkaon
Si Presidente Gloria Macapagal Arroyo di palang dugay mipasalig sa mga katawhan nga ang kagamhanan adunay “lig-on nga plano aron pagsiguro nga adunay suplay sa pagkaon, labina sa bugas”.
Ang pasalig nahilatid sa mensahe sa Presidente sa pagsaulog sa Adlaw sa Kaugalingnan.
Matud pa sa Presidente, lakip sa maong plano mao ang pagsiguro nga sigurado ang situasyon og suplay sa bugas, sakto ang pagapod-apod niini, ug ang pagpatuman sa balaod sa pag-protehir sa katawhan batok sa “hoarding” ug “corruption” sa suplay sa bugas.
Iya usab nga gipangusgan nga ang kagamhanan walas pu-as sa ilang mga programa aron masiguro nga adunay pagkaon sa talad kan-anan sa matag Pilipino sa tibuok nasud.
Nalipay usab ang Presidente nga bisan grabe ang pagsaka sa presyo sa pagkaon sa kalibutanong merkado, ang kagutom, base sa talaan sa nasud, mi-usos.
“Kon dili man nato malikayan ang problema tungod sa nasinati sa tibuok kalibutan, atong tulubagon nga atimamanun ug tabangan ang mga na-apektuhan niini”, hagit sa Presidente. (PIA/Bohol)
