by magnolia_eic | Aug 12, 2011 | Headlines, Local News / Bohol Balita, National News
TAGBILARAN CITY, Aug. 11 (PIA) – GIPASIGARBO sa Department of Agriculture (DA) nga record breaking ang ani sa humay ug mais sa unang unom ka buwan ning tuig 2011. Matud pa ni Agriculture Secretary Proceso Alcala, miabot hangtud 7.57 million metric tons ang gi- aning humay nga mas taas og 14.4 percent sa susamang mga buwan niadtong tuig 2010.
Mas taas og 37 percent ang ani sa mais nga niitala sa 3.3 million metric tons karong tuig kun itandi sa 2.4 million metric tons niadtong milabay’ng tuig. Sigun pa kang Alcala, ang pagsaka sa ani tungod sa paglapad sa yutang gitikad gikan 1.8 milyong ektarya niadtong tuig 2010 nga nahimong halos duha ka milyong ektarya nga gitamnan og humay sa nasud karong tuiga.
Kini usab tungod sa mas daghang umahan nga gitikad nga giabot sa irigasyon. Giingong nakatabang usab ang maayong pagkalendaryo sa pagtanum tungod kay naka-ani na ang kadaghanan sa mga mag-uuma sa wala pa niabot ang mga bagyo.
Maayo usab ang presyuhan sa mga produktong agrikultura tungod sa mas gihingusgan’g kampanya batok sa smuggling. (PIA-Bohol/ecb)
by magnolia_eic | Aug 12, 2011 | Headlines, National News, World
TAGBILARAN CITY, Aug. 11 (PIA) – TULO ka Pinoy na ang naapektuhan sa mga nahitabong riot sa London.
Sa pag-atubang sa House Appropriations Committee, miingong si Foreign Affairs Secretary Albert del Rosario nga usa ka Pinoy ang naangol human makaagi sa lugar nga diha’y riot.
Giingong nihangyo kini nga dili na lamang ibutyag ang iyang pangalan aron dili maguol pa ang iyang pamilya sa Pilipinas.
Usa usab ka Pinoy ang nawad-an og sakyanan sa riot apan wala kini naunsa. Samtang ang ika-tulong Pinoy, nga usa ka babae ang nagub-an sa iyang tindahan apan wala usab kini hilabti.
Matud pa ni Del Rosario, padayon ang pagmonitor sa Department of Foreign Affairs (DFA) sa sitwasyon sa London dungan sa panawagan sa mga Pilipino didto nga mag-amping ug likayan una ang pag-adto sa mga lugar nga adunay kagubot.
Niadtong Sabado pa miulbo ang kagubot sa London nga nagsugod sa pakapatay sa mga pulis sa usa ka gidudahang drug dealer nga usa ka Afro-Carribean. (PIA-Bohol/ecb)
by magnolia_eic | Aug 12, 2011 | Headlines, National News
TAGBILARAN CITY, Aug. 11 (PIA) – GIBUTANG na sa Senado sa Witness Protection Program (WPP) sa kagamhanan ang duha ka negosyanteng nitudlo kang kanhi First Gentleman Mike Arroyo nga maoy utok sa pagbaligya sa segunda-manong helikopter sa Philippine National Police (PNP) sa presyong brand new.
Gi-aprubahan ni Senate President Juan Ponce Enrile ang pagbutang sa WPP nilang Lionair President Archibald Po ug Manila Aerospace Products Trading Corp. (MAPTRA) President Hilario de Vera.
Sa iyang pagbalik og atubang sa pagdungog sa Senate Blue Ribbon Committee, gitumbok ni Po nga wala siya bisan kanus-a man nalambigit sa bisan-unsang maanomalyang transaksyon sa PNP nga giingong gipasulod ni De Vera
Gitataw pa ni Po nga aduna siya’y gigunitan nga mga dokumento nga magpamatuod nga si Mike Arroyo ang tinuod nga nanag-iya sa lima ka chopper.
Gi-prisintar pa sa General Manager sa Lion Air nga si Rene Sia ang usa ka wire transfer certificate gikan sa Lourdes T. Arroyo (LTA) Incorporated nga gipanag-iya ni Arroyo, alang sa $500, 000 deposit alang sa pagpalit sa lima ka Robinson chopper niadtong tuig 2003.
Gahapon, gipasakaan ni Arroyo si Po og kasong perjury, false testimony ug offering a false testimony tungod sa maong alegasyon. (PIA-Bohol/ecb)
by magnolia_eic | Aug 12, 2011 | Headlines, National News
TAGBILARAN CITY, Aug. 11 (PIA) – GIPASIDUNGGAN ni Presidente Benigno “Noynoy” Aquino III og pinakataas nga pag-ila ang namatay na nga national scientist nga si Dr. Fe del Mundo. Gihatag ni PNoy ang “Order of the Golden Heart” nga adunay ranggong “Grand Collar” sa gihimong necrological service sa buhatan sa Department of Science and Technology (DOST) sa Taguig.
Giila sa Presidente ang dedikasyon ni Del Mundo sa larangan sa pediatrics ug medisina aron mahatagan og kaayohan ang mga bata.
Gibubo ni Del Mundo ang halos 20 ka tuig sa iyang kinabuhi sa pagtuon ug pagdukiduki kalabot sa viral diseases sa mga bata.
Gihatod na sa iyang lubnganan sa Libingan ng mga Bayani si Del Mundo nga gihatagan og full military honors.
Ang Order of the Golden Heart usa ka presidential award nga gimugna niadtong tuig 1954 ni Presidente Ramon Magsaysay ug gipanghatag sa mga tawo nga naghatag og dalaygon’g serbisyo ug kontribusyon sa pag-uswag sa marginalized sectors sa nasud. (PIA-Bohol/ecb)
by magnolia_eic | Aug 12, 2011 | Headlines, National News
PRESIDENT Benigno S. Aquino III will convene the members of the Legislative Executive Development Advisory Council (LEDAC) where they are expected to discuss the common legislative agenda, the new administration measures to be proposed and the Philippine Development Plan.
In a media briefing at the Palace on Thursday, Presidential Deputy Spokesperson Abigail Valte said that the second LEDAC meeting is schedule to be held on Tuesday (August 16) adding that the bills that were left behind during the first meeting will be re-submitted.
“The second LEDAC meeting will be on the 16th, that is a Tuesday and the agenda will (include) updates on the common legislative agenda, new bills to be proposed, and a discussion on the Philippine Development Plan,” Valte said.
During first LEDAC meeting held last February 28, the majority of the 23 priority bills gained a “broad consensus” among the members during the discussions.
Among the priority bills that were discussed were the proposed creation of Department of Housing and Urban Development, the amendments to the National Health Insurance Act, the postponement of elections in the Autonomous Region in Muslim Mindanao (ARMM), modernization of the Armed Forces of the Philippines (AFP) and the proposed reorganization of the National Food Authority (NFA), among others. (PCOO)
