MAS lapad nga serbisyo sa panglawas ngadto sa mga Catigbianon, kini human ipangtunol ngadto sa tanang Barangay Health Workers (BHW) ang medical kits gikan sa kagamhanan atol sa kasaulogan sa ika 5 nga Katigbawan.
Kini usab ang gikalipay sa mga BHWs kinsa naglaum nga kapalapdan ang ilang serbisyo sa katawhan nga nagpadayong nagsagubang sa kuwang nga serbisyo sa panglawas.
Si Mayor Roberto Salinas mibutyag nga nalipay ang lungsod sa gasa sa medical kits nga naglakip sa mga himan sa blood pressure, stethoscope, bendahe ug gunting, forceps, tongue depressor, iodine, icepack, sterile gauze, gapas ug nagkadaiyang tambal.
Gidudang usab ni Dr. Jacqueline Uy nga iyang tudloan ang mga BHWS nag nakadawat sa himan sa saktong paggamit niini aron kapilo-piloan pa ang pwersa sa mga tinugyanan sa maayong panglawas sa Catigbian. (rachiu/PIA)
