TAGBILARAN CITY, Mar. 21 (PIA)–Gitay-og og magnitude 3.4 nga linog ang lalawigan sa Bohol ganinang alas 7:01 sa buntag, Marso 21.
Matud pa sa Philippine Institute of Volcanology and Seismology (PHIVOLCS), natala ang epicenter sa linog sa gilay-ong 8 kilometro, amihanang sidlakan sa lungsod sa Danao.
Nabati ang Intensity 4 sa syudad sa Tagbilaran, Bohol; Intensity 2 sa syudad sa Lapu-lapu, Cebu; samtang Intensity 1 sa syudad sa Sugbo.
Tectonic ang origin sa linog ug walay gipaabot nga aftershocks. (ecb/PIA7-Bohol)
