BOHOL, Mar. 31 (PIA)–Gikompirmar sa Central Visayas Regional Development Council (RDC) nga ang local government unit (LGU) sa Bohol ug Department of Social Welfare and Development (DSWD) 7 ang awardees sa Good Practice Awards (GPA) alang sa tuig 2015.
Nidaog ang Bohol isip Outstanding Project Monitor, ug ang Millennium Challenge Corporation (MCC) Portfolio sa Kapit-Bisig Laban sa Kahirapan-Comprehensive Integrated Delivery of Social Services (KALAHI-CIDSS) Project sa DSWD-7, isip Best Implemented Project.
Ang awarding ceremony gipahigayon atol sa joint meeting sa RDC ug sa Regional Peace and Order Council (RPOC) niadtong Marso 18 sa Montebello Villa Hotel, sa syudad sa Sugbo.
Nagtinguha sa pagdasig sa mga implementing agencies ug LGUs sa pagpa-usbaw sa project monitoring ug implementation strategies, ang GPA usa ka kolektibong ngalan sa duha ka award nga gihatag sa RDC Regional Project Monitoring Committee (RPMC): Outstanding Project Monitor Award- ihatag sa LGU alang sa outstanding conduct in monitoring and evaluation; ug Best Implemented Project Award- ihatag sa lead project implementor (agency o LGU) alang sa talagsaong paghimo sa project implementation ug management.
Ang Local Project Monitoring Committee sa Bohol nakutlo tungod sa pagpadayag og outstanding performance sa project monitoring ug evaluation pinaagi sa: (a) regular conduct ug documentation sa project monitoring-related activities; (b) preparation ug submission sa report ngadto sa RPMC; ug (c) pagmugna og Provincial Monitoring ug Evaluation Information System (PROMEIS).
Si Bohol Provincial Planning and Development Coordinator Atty. John Vistal ug DSWD-7 Regional Director Evelyn Macapobre ang nidawat sa maong awards. (ecb/PIA7-Bohol)
