by admin | May 3, 2016 | Headlines, National News
MANILA, May 03 (PIA)–Magpakatap ang Commission on Elections (Comelec) og information materials alang sa mga botante dungan sa pagsugod sa final testing ug sealing sa vote-counting machines (VCM) nga gisugdan kagahapon, Mayo 2 hangtud Biyernes.
Matud pa sa tigpamaba sa Comelec nga si James Jimenez, tumong niini nga mahibaw-an sa mga botante ang proseso sa piniliay gamit ang VCM.
Una niini, gi-awhag sa Comelec ang mga botante nga karon pa lamang, pangitaon na daan ang ilang polling precinct aron dili mausik ang ilang oras sa pagpangita pa lamang sa ilang presinto sa adlaw mismo sa piniliay.
Gawas niini, una nang gitambagan ni Comelec Commissioner Andres Bautista ang mga botante nga maghimo na daan og listahan sa mga ibotar nga kandidato aron dili sila malangan sa pagbotar.
Giingong mas maayo usab nga susihon og maayo ang credentials sa mga kandidato ug hunahunaon og maayo ang pangalan sa mga ibotar nga mosunod nga lider sa nasod. (ecb/PIA7-Bohol)
by admin | May 3, 2016 | Headlines, National News
MANILA, May 03 (PIA)–Nipasidaan ang Commission on Elections (Comelec) sa mga online bullies dungan sa nagsingabot na pinliay sa Mayo 9.
Matud pa ni Comelec Commissioner Rowena Guanzon, ang hate speech, hulga sa rape o pagpanakit ug uban pang matang sa pag-bully online mahimong basehan sa pagsang-at og kaso.
Gihimo ni Guanzon ang pasidaan sa iyang Twitter account dungan sa nagkadaghang kaso sa online bullying tungod sa mga isyu sa eleksyon.
Miingon kini nga maatubang sa election offense ang bisan kinsang mapamatud-ang nang-bully ubos sa Omnibus Election Code ug kasong libelo ubos usab sa Revised Penal Code.
Kun migamit sa tinuod nga pangalan ang violator, mahimong pangitaon kini sa Comelec sa listahan sa mga rehistradong botante. (ecb/PIA7-Bohol)
by admin | May 3, 2016 | Headlines, Local News / Bohol Balita
TAGBILARAN CITY, May 03 (PIA)–Adunay bag-ong Loan Restructuring Program ang Social Security System (SSS) aron tabangan ang mga naapektuhan sa kalamidad.
Ubos niining bag-ong programa, mahimong bayran sa miyembro nga naapektuhan sa kalamidad ang principal ug interes sa ilang utang pinaagi sa installment ug full payment.
Human mabayran ang principal ug interes sa utang, mahimo nang matanggal ang penalty.
Usa sa mga tuyo sa Loan Restructuring Program nga mabalik sa good standing ang status sa usa ka miyembro ug makuha og bulto ang ilang mga benepisyo.
Mahimong mopaubos niining programa ang mga naapektuhan sa niaging bagyo ug kalamidad nga: Ondoy, Sendong, Pedring, Quiel, Pablo, Labuyo, Maring, Santi, Zamboanga City armed conflict, linog sa Bohol ug Cebu, Yolanda, Agaton, Glenda, Mario, Senyang, Lando, Ruby, ug Nona.
Kinahanglan lamang sa miyembro nga buot mopaubos niining programa og affidavit of residency nga pagmatuod nga sila nagpuyo o nagtarabaho sa lugar nga nadeklara og National Disaster Risk Reduction and Management Council (NDRRMC) nga naapektuhan sa maong mga kalamidad.
Gipasabot sa SSS Assistant Vice President for Member Loans, Boobie Angela Ocay nga dili lamang calamity loans ang mahimong bayran ubos sa Loan Restructuring Program.
Nahisulod usab niini ang salary loan, salary loan early renewal program (SLERP), emergency loan, voc-tech loan, Y2K loan, investments incentive loan, “study now, pay later” plan, ug educational loan nga ni-due na sa nakalabay nga unom ka buwan.
Samtang dili pa mabayran og bulto ang utang nga gipaubos sa Loan Restructuring Program, dili mahimong makakuha og bisan unsang loan ang usa ka miyembro.
Usa usab sa mga tuyo nga maabot sa Loan Restructuring Program mao ang mga mag-pension apan dili kini makuha tungod kay naa pa sila’y utang nga wala pa nabayran.
Ang Loan Restructuring Program sa SSS gipatuman sugod niadtong Abril 28 ning tuig hangtud Abril 27 sa sunod tuig. (ecb/PIA7-Bohol)
by admin | Apr 29, 2016 | Headlines, National News
MANILA, April 29 (PIA)–Gipahinumdoman ni Ombudsman Conchita Carpio Morales ang tanang empleyado ug opisyal sa gobyerno sa pag-file na sa ilang Statement of Assets, Liabilities and Networth o SALN hangtud sa April 30 nga deadline alang sa tuig 2015
Ubos sa 1987 Constitution, Section 8(a) sa Code of Conduct and Ethical Standards for Public Officials and Employees, nakalatid didto nga ang mga empleyado ug opisyal sa gobyerno kinahanglang mo-file sa ilang SALNs sulod sa 30 ka adlaw o hangtud Abril 30 matag tuig.
Samatang walay labot sa filing sa SALN ang mga kawani sa gobyerno nga adunay honorary capacity, laborers ug casual o temporary workers.
Ang SALN mao ang gipanumpaan nga deklarasyon sa mga bahandi ug katigayonan sa mga empleyado ug opisyal sa gobyerno, asawa ug anak nga ulitawo ug dalaga pa nga nag edad 18 anyos paubos nga kauban pang namuyo sa ilang panimalay. (ecb/PIA7-Bohol)
by admin | Apr 29, 2016 | Headlines, Local News / Bohol Balita
BOHOL, April 29 (PIA)–Nangayo og tabang si Danao Mayor Natividad Gonzaga sa Department of Environment and Natural Resources (DENR) sa pagpatuman sa iyang damgo sa pagbukas og modelong proyekto nga community-based reforestation sa mga turista.
Sa gipahigayong Kapihan sa PIA sa Danao Adventure Park (DAP) sa barangay Magtangtang kagahapon, si Gonzaga nipasabot nga ang komunidad nakigbisog sa pag-impelentar sa greening program nga bentaha sa ilang lungsod nga sa kataposan mapahimoslan ra gayud nga magamit sa turismo gikan sa government protected area nga ilang gipalambo ngadto na sa 75 ektaryas nga lasang karon.
Gisugyot ni Gonzaga nga sanglit ang komunidad sa San Miguel sa Danao mipili man sa hagit sa pagbutang sa 50 ektaryas nga lasang pinaagi sa natural nga pagpatubo, wala sila naka-kolekta og maayong kinitaan.
Samtang atol usab sa Kapihan, gipaambit ni Alberto Padilla, ang nangulo sa proyekto sa Assisted Natural Regeneration (ANR) nga sa bungtod nga natabonan og kugon sa San Miguel, ang pagsukod sa lugar pinaagi sa pagpangita sa buhing lawngon nga nagpabiling nasalot ilawom sa mga balili ug hinloan ang palibot aron dili maadto sa uban ang pagkumpleto sa nutrina sa yuta.
Si Padilla, kauban ang 43 pa ka ubang miyembro sa ilang San Miguel Association Resource Team (SMART) sa sinugdan nagtukod sa nakutlo na karon sa lungsod nga ANR nga lungsod sa tibuok nasod.
Ang lungsod sa Danao nga naila sa explosibong pagsulbong sa eco-tourism market tungod sa DAP eco-tourism nga kalihokan, karon gustong maglakip sa model ANR sa ilang tour package.
Tungod niini, plano ni Mayor Gonzaga nga mag-abli og trails sa ANR, restawran, maningil og entrance ug environmental fee samtang ang mga miyembro maghimo og mga souvenirs gikan sa mga materyales sa maong lugar. (ecb/PIA7-Bohol)
by admin | Apr 29, 2016 | Headlines, National News
MANILA, April 29 (PIA)–Gipahibalo na sa Department of Budget Management (DBM) nga makadawat na ang mga kawani ug opisyal sa gobyerno sa ilang midyear bonus o 14th month pay karong Mayo.
Matud pa ni DBM Kalihim Butch Abad nga base sa Executive Order No. 201 nga gilagdaan ni Presidente Benigno ‘Noynoy’ Aquino III niadtong Pebrero, makadawat og 14th month pay ang mga kawani sa gobyerno nga kapareho sa usa ka buwan nga basic salary.
Nakalatid sa EO 201 ang umento sa suholan sa mga sibilyang empleyado, apil na ang bag-o ug nadugang nga allowance alang sa mga militar ug uniformed personnel.
Madawat kini pareho sa mga sibilyang empleyado ug mga militar sugod Mayo 15.
Samtang mao gihapon ang yearend bonus nga nagkantidad og usa ka buwan nga sweldo nga may kauban pang cash gift nga P5,000 nga madawat usab sugod Nobyembre 15.
Samatang walay labot niini ang mga empleyado sa government owned and/or controlled corporations tungod kay may lahi man sila nga Compensation and Position Classification System (CPCS).
Matud pa sa DBM nga tuyo sa maong executive order nga ipareha ang kompensasyon nga gitanyag sa mga pribadong kumpanya aron ma-aghat ug magpabilin ang mga civil servants sa gobyerno. (ecb/PIA7-Bohol)
