by aimee | Jan 17, 2014 | Headlines, Local News / Bohol Balita
TAGBILARAN CITY, Bohol, Jan. 17 (PIA)–President Benigno Aquino III has appointed Atty. Virgilio Mendez, a Boholano, as the new director of the National Bureau of Investigation (NBI).
He was the NBI Deputy Director for Regional Operations Services (NBI-DDROS) before his appointment.
Mendez took his oath before Justice Secretary Leila de Lima yesterday at the Department of Justice (DOJ).
A native of Bayongan, San Miguel, Bohol, Mendez was born on March 5, 1952, to a farmer and a public school teacher.
Mendez was one of the authors of the NBI Code of Conduct and Manual of Operations.
He received commendations for the arrests of suspects in high-profile cases, including the Kristelle “Kae” Davantes murder and the fatal shooting of former Lingayen Vice Mayor Ramon Arcinue and his wife last year. He was also responsible for the solution of and the filing of charges in the bombing of an LRT train in Manila on Rizal Day in 2000.
At first, he wanted to become a priest and finished his secondary education at Immaculate Heart of Mary Seminary in Tagbilaran City.
However, Mendez instead gave in to the calling of being a “Padre de Pamilya.” He is married to Vilma Garcia and they have three children.
Mendez went on to study law at Divine Word College in Tagbilaran City and earned a degree in 1976. He passed the bar with a grade of 81.55 percent in the same year.
The Provincial Peace and Order Council (PPOC) in its meeting yesterday passed a congratulatory resolution for the new NBI director as proposed by Governor Edgar Chatto.
“It is important that the PPOC in Bohol commend a Boholano who is now the top official of the NBI,” Chatto said in a meeting held at JJ’s Seafood Village.
Mendez was one of the “outstanding Boholano” conferred during the Bohol Day celebration on 2012. (PIA7-Bohol/ECBongosia)
by aimee | Jan 17, 2014 | Headlines, Local News / Bohol Balita
TAGBILARAN CITY, Bohol, Jan. 17 (PIA)–Usa ka Bol-anon nga beterano isip field investigator ug abogado ang natudlong bag-ong pangulo karon sa National Bureau of Investigation (NBI).
Si Deputy Director for Regional Services Virgilio Mendez na ang direktor karon sa NBI nga taga Bayongan, lungsod sa San Miguel, Bohol.
Si Mendez nanumpa sa katungdanan atubangan ni Justice Secretary Leila de Lima kagahapon, susamang petsa niadtong 1978 diin nisulod siya sa maong buhatan isip NBI Agent I.
Sa iyang 36 ka tuig nga pag-alagad sa maong buhatan, si Mendez nakasikop og mga suspetsado sa mga high-profile nga kaso.
Apil sa mga malampusong pagsikop nga naghatag ni Mendez og pasidungog mao ang: Guialaludin ‘Boy Muslim’ Otto, nga wanted sa 2 counts of murder, Abdulgani “Abdul Malang” Abas kansang pagkasikop nakaingon sa interception sa mga improvised explosive device, ug ang mga suspetsado sa brutal nga pagpatay ni Kristelle “Kae” Devantes.
Niadtong 2011, natudlo siya sa kanhi posisyon isip deputy director for regional operations services. Natudlo siya isip NBI Regional Director sa Rehiyon 10 niadtong 2004.
Si Mendez usab ang responsible sa pagkasikop sa mga suspetsado sa pagkamatay ni Lingayen Vice Mayor Ramon Arcinue ug sa iyang asawa. Siya usab ang lead investigator sa Atimonan shootout ug personal nga nitutok sa imbestigasyon sa Cagayan De Oro bombing.
Siya usab ang nangulo sa imbestigasyon sa gituhuang rice smuggler nga si David Tan.
Natapos ni Mendez ang pagtungha sa sekondarya sa Immaculate Heart of Mary Seminary sa syudad sa Tagbilaran ug nilampos usab siya sa iyang pagtuon sa abogasya sa Divine Word College sa ning syudad.
Gihulipan ni Mendez si Atty. Medardo de Lemos nga nitindog isip OIC sa buhatan human niluwat sa pangatungdanan si NBI Chief Nonnatus Rojas niadtong Setyembre.
Tungod niini, ang Provincial Peace and Order Council atol sa tigom kagahapon mipasar og usa ka resolusyon nga nagdayeg sa nakab-ot ni Mendez sa natad sa panerbisyo sa katawhan.
Ang maong PPOC meeting gipangunahan ni Gob. Edgar Chatto nga mao usab ang nag-abogar sa maong resolusyon alang kang Mendez, kinsa usa sa mga “Outstanding Boholano” nga gipasidunggan atol sa Bohol Day niadtong tuig 2012. (PIA7-Bohol/ECB)
by aimee | Jan 17, 2014 | Headlines, Local News / Bohol Balita
MANILA, Jan. 17 (PIA)–Giseguro karon sa Malakanyang nga dili magamit ang mga substandard nga puthaw ug ubang materyales sa mga gitukod nga mga edipisyo nga naigo sa kalamidad.
Una nang nabulgar ang pagkuyanap sa mga substandard nga mga puthaw sa merkado ug isip pagmatuod niini ang pahayag mismo ning bag-o lang sa Philippine Iron and Steel Institute (PISI) nga maong daghang mga edipisyo ang nangahugno sa magnitude 7.2 nga linog sa Bohol ug sa bagyong Yolanda sa Eastern Visayas tungod sa mga puthaw nga gipanggamit didto.
Matud pa ni Presidential Communications Operations Office (PCOO) Sec. Sonny Coloma, dili kini tugotan sa Department of Public Works and Highways (DPWH) tungod kay hugot nga gipatuman sa gobyerno ang mga sumbanan aron lig-on ang mga edipisyo nga ipatukod sama nalang sa mga gitukod karon sa Bohol ug Eastern Visayas.
“Hugot nga gipatuman sa DPWH ang mga sumbanan aron mahimong ‘disaster resilient’ ang mga edipisyong itukod. Gipatuman kini sukad pa niadtong linog sa Bohol ug apil na ang mga lugar nga naigo sa bagyong Yolanda,” matud pa ni Coloma. (PIA7-Bohol/ECB)
by aimee | Jan 17, 2014 | Headlines, National News
MANILA, Jan. 17 (PIA)–Pangunahan ni Presidente Benigno ‘Noynoy’ Aquino III sa Enero 20, Lunes ang National Day of Prayer and Solidarity nga adunay temang ‘One Nation in Prayer’.
Usa ka yanong programa alang sa malampusong pagbangon sa nasud human naigo sa lain-laing kalamidad ang nasud gikan sa giyera sa Zamboanga, magnitude 7.2 nga linog sa Bohol ug ang labing kusog nga pagpanghasi sa bagyong Yolanda ang ipahigayon sa Malakanyang diin si Manila Archbishop Luis Antonio Cardinal Tagle ang officiating priest.
“Usa kini ka pag-ila sa katawhang Pilipinhon sa gahum sa Ginoo nga naggiya sa dungan natong panimpad paingon sa mas hayag nga kaugmaon, matud pa ni Presidential Communications Operations Office (PCOO) Sec. Herminio “Sonny” Coloma Jr.
Dugang pa ni Coloma, gipaabot nga makighiusa sa Presidente sa Lunes ang mga tinugyanan sa mga apektadong komunidad sa giyera sa Zamboanga, linog sa Bohol ug sa bagyong Yolanda, apil na usab sa mga tinugyanan sa nagkalain-laing relihiyon sama ni Cardinal Tagle, Imam Ebra Moxair sa Imam Council sa Pilipinas, Komisyoner Zenaida Pawid sa National Commission of Indigenous Peoples, Isaias Samson sa Iglesia ni Cristo ug mga representante sa Philippine Council of Evangelical Churches.
Miingon si Coloma nga apil usab sa gi-imbitar sa Malakanyang ang mga lider sa Kongreso, mga pangulo sa nagkalain-laing buhatan sa gobyerno ug mga tinugyanan sa civil society groups, apil na usab ang nagkalain-laing grupo sa pagtuo. (PIA7-Bohol/ECB)
by aimee | Jan 15, 2014 | Headlines, National News
TAGBILARAN CITY, Bohol, Jan. 15, 2014 (PIA)–Gipahibalo sa Civil Service Commission Bohol Field Office nga gitakda ang unang Career Service Examination ning tuig dinhi sa dakbayan sa Tagbilaran alang sa Professional ug Sub-Professional sa Abril 6, 2014.
Nagsugod na sa pagpangdawat og applications ang buhatan sa CSC ug ang deadline sa ilang pagpangdawat hangtud lamang sa Pebrero 20, 2014.
Makuha ang application form (CS Form No. 100, Revised 2012) sa buhatan sa CSC nga naa nahimutang sa Circumferential Road ning dakbayan sa Tagbilaran.
Apan mahimo ra usab nga ma download ang maong application form sa CSC website nga www.csc.gov.ph.
Gawas sa application form, kinahanglan usab ang 4 ka Philippine passport size I.D. pictures nga adunay handwritten (dili computer-generated) nga name tag sa atubangan nga gilagdaan ibabaw sa pangalan, original ug photocopy sa valid ID ug adunay bayaran nga P500.00 isip exam fee.
Ang dawaton nilang valid ID mao lamang ang mosunod: Driver’s license, SSS ID, GSIS ID, Philhealth ID, kasamtangang company/office/school ID, Postal ID, BIR ID, Barangay ID, Voter’s ID, Valid passport o Police clearance.
Alang sa dugang kasayuran, mahimomg tawagan ang buhatan sa CSC sa (038) 501-7046.
(PIA7-Bohol/ECB)
by aimee | Jan 15, 2014 | Headlines, National News
MANILA, Jan. 15, 2014 (PIA)–Gikunhoran na og 10 ka adlaw ang pagproseso sa identification cards sa mga miyembro sa Social Security System (SSS) ubos sa Unified Multi-Purpose Identification (UMID) System.
Tungod niini, gilauman nga mokabat sa kapin 3 milyones ka identification cards ang ma-proseso sa SSS.
Ang 10 ka adlaw nga proseso magsugod sa date of application hangtud sa adlaw nga ma-release sa Philippine Postal Corporation ang UMID card package.
Alang sa mga miyembro sa SSS nga ni-apply ug nagpaabot sa ilang UMID cards, mahimong susihon nila ang status niini sa SSS website nga www.sss.gov.ph. (PIA7-Bohol/ECB)
