by aimee | Jan 27, 2014 | Headlines
MANILA, Jan. 27, 2014 (PIA)–Nipasiaan ang Food and Drugs Administration (FDA) sa publiko pinaagi sa FDA Advisory No. 2014-008 nga magbantay ug pillion ang kaonon nga mani tungod kay posibleng magdala kini og sakit nga cancer kun makakaon og mani nga positibo sa Aflatoxin B1.
Matud pa ni FDA Director Dr. Kenneth Go, kasagarang makuha ang Aflatoxin B1 sa mga mani nga adunay amag nga dili mabantayan ug makaon sa publiko ilabi na kun adobong mani o gi-matam-is kini nga mani.
Una nang nagpahigayon og pagsusi ang FDA sa mga pre-packed peanuts nga mapalit sa merkado ug pipila niini ang nagpositibo sa Aflatoxin B1 nga resulta sa amag ug usa ka anti-nutrient toxin nga gikonsiderar nga pinakakuyaw nga carcinogen.
Giingong ang Aflatoxin ang naghatag og kapait sa mga mani mao nga sunod nga makakaon og mani nga pait, angay kining ilabay na lamang.
Wala gibutyag sa FDA ang ngalan sa mga pre-packed peanuts nga ilang gisusi apan matud pa sa maong buhatan nga padayon pa ang ilang gipahigayong imbetigasyon.
Partikular nga gipa-amping sa FDA ang publiko sa pagpalit og mani nga gibaligya lamang kilid sa kadalanan tungod kay giingong wala kini ni-agi sa quality control nga kasagarang dili mabantayan sa mga tindera nga gi-amag na diay ang ilang gibaligyang nilung-ag ug adobong mani.
Tambag pa sa FDA, sa mga FDA-registered nga mani lamang mopalit aron masiguro nga limpyo ug de-kalidad ang klase sa pagkaong mapalit. (PIA7-Bohol/ECB)
by aimee | Jan 27, 2014 | Headlines, National News
The signing of the Annex on Normalization and Addendum on Bangsamoro Waters by the Government of the Philippines (GPH) and the Moro Islamic Liberation Front (MILF) panels manifests the unshakeable commitment of the Aquino government to achieve a genuine and lasting peace in Mindanao, a Palace official said.
Presidential Spokesperson Edwin Lacierda issued the statement during the regular press briefing in Malacanang on Monday following the signing of the Annex on Normalization, the last of the four Annexes to the GPH-MILF Framework Agreement on the Bangsamoro (FAB) last Saturday.
“This was the culmination of a process that Secretary Teresita Deles described as one characterized by “painstaking deliberation,” and “discussion and internal consensus-building.” According to her, this process was “grounded on extensive consultations with concerned local government units, religious and civil society leaders, and communities especially in the conflict-affected areas,” Lacierda said.
“The news was met with an outpouring of good wishes for the Philippines. Advocates of peace here at home and abroad greeted this news with optimism.” the Presidential spokesperson said.
He said the United States, United Kingdom, Japan, Switzerland, and international bodies such as the European Union and the United Nations, praised the Philippines for this achievement.
“This milestone gives the entire nation confidence that the next steps in the peace process are on track. The work does not end here. In particular, we look forward to the signing of the Comprehensive Agreement on the Bangsamoro. The Bangsamoro Transition Commission is also working on the Bangsamoro Basic Law, which our legislators will enact, moving forward,” Lacierda said.
The Framework on the Bangsamoro, signed on October 15, 2012, serves as a roadmap for the creation of a Bangsamoro entity that will replace the current Autonomous Region in Muslim Mindanao and lays down the groundwork to achieve lasting and genuine peace in Mindanao.
“We believe that this achievement signals the unshakeable commitment of the Philippines to all stakeholders in the country, as well as people of good will in the world: that this process will come to fruition, and that lasting peace and development in Muslim Mindanao are at hand,” he said. (PND)
by aimee | Jan 22, 2014 | Headlines, National News
MANILA, Jan. 22, 2014 (PIA)–Kasamtangang gi-bawal una sa nasud ang pagpasulod og mga karne sa manok, piso, itlog ug mga domestic ug wild birds gikan sa nasud sa China tungod sa hulga sa bird flu.
Kini ang gipahibalo ni Agriculture Secretary Proceso Alcala human makumpirmar ang outbreak sa Highly Pathogenic Avian Influenza (HPAI) virus nga usa ka subtype sa H5N2 virus sa probinsiya sa Hebei sa China.
Apil usab niini ang mga pasaherong adunay dalang langgam, pato, manok ug uban pang poultry products.
Tungod sa gipatuman nga ban, gimandu dayon ni Alcala ang suspensyon sa pag-proseso, pag-evaluate ug pag-isyu sa aplikasyon ug apil na usab ang pagkumpiska sa mga barkong adunay kargang susama sa mga nahisgotang produkto gikan sa China, gawas sa heat-treated products.
Gi-alerto na usab karon sa Department of Agriculture (DA) ang tanan nilang veterinary quarantine officers o inspectors sa tanang pantalan sa nasud kalabot niini.
Apan gitataw ni Alcala nga “bird-flu free” pa gihapon ang Pilipinas. Iyang gipasabot nga dili magkulang ang suplay sa manok sa nasud tungod kay gikan man sa Amerika ug Canada nga walay kaso sa bird flu virus ang mga chicken parts nga gipasulod sa nasud ug dili gikan sa China. (PIA7-Bohol/ECB)
by aimee | Jan 21, 2014 | Headlines, National News
MANILA, Jan. 21, 2014 (PIA)–Gitambagan sa Food and Drug Administration (FDA) ang tanang konsumedor base sa FDA Advisory No. 2014-006 nga undangon na ang paggamit sa dili rehistradong Sehat Badan, usa ka food supplement nga gibaligya pinaagi sa internet ug mapalit usab sa mga street vendors sa nagkalin-laing dapit sa nasud.
Gi-alerto ang FDA kabahin sa maong produkto sa usa ka konsomedor nga nitaho pinaagi sa FDA facebook (https://facebook.com/FDAPhilippines).
Ang maong taho ang nakapa-aghat sa Field Regulatory Officers sa gitumbok nga rehiyon sa pagpahigayon og product monitoring ug pagkuha og samples.
Sa inisyal nga pagsusi, nakita nga ang maong produkto walay English translation, usa ka paglapas sa A.O. 88-B s. 1984 o The Rules and Regulations Governing the Labeling of Prepackaged Food Products Distributed in the Philippines which provides “that in case of imported food products wherein the label information are declared in foreign language, the label must also carry the corresponding English translation, otherwise such products shall not be permitted for local distribution.”
Ang mga produktong gibaligya isip food supplement nga walay English translation nagdala og kadaut sa mga konsumedor diin wala silay impormasyon sa tinuod nga kinatibok-an sa maong produkto nga ilang gipalit.
Kining maong produkto tataw nga wala nipasar sa FDA standard of safety and quality mao nga naghatag og hulga sa maayong panglawas sa katawhan.
Sa gi-advertise online, giingong ang Sehat Badan usa ka herbal drink nga nag-promote ug makapa-uswag sa kinatibuk-ang panglawas ug makaayo sa nagkalain-laing sakit sama sa hubak o asthma, urinary stones, allergy, impotence, rheumatism, toothache ug ulcer.
Ang maong mga therapeutic o health claims dili aprobado sa FDA tungod kay ang maong produkto dili man rehistrado sa maong buhatan.
Ang FDA ang tig-regulate sa tanang produktong adunay therapeutic o health claims mao nga kinahanglan una sa maong herbal drink nga mokuha og License to Operate (LTO) isip manufacturer o distributor gikan sa FDA.
Gitataw usab sa FDA nga kadtong mga health products nga nakaabot sa FDA standards lamang ang isyuhan nila og Certificate of Product Registration (CPR). (PIA7-Bohol/ECB)
by aimee | Jan 20, 2014 | Headlines, National News
MANILA, Jan. 20, 2014 (PIA)–Nipasidaan karon ang Food and Drugs Administration (FDA) sa publiko batok sa gibaligyang slimming underwear pinaagi sa internet.
Base sa FDA Advisory 2014-005 ni FDA chief Kenneth Hartigan-Go, gipasidan-an niini ang publiko batok sa pagpalit og “Onami” slimming underwear products nga giingong maka-detoxify sa lawas ug sunugon niini ang body fats.
“All consumers are hereby warned against buying the said unregistered product from the market or through online,” matud pa sa advisory.
Una niini, nadiskubre sa FDA ang pagpamantala sa maong produkto nga daghang benepisyo ang gihikyad sama sa pag-detoxify sa lawas ug pagsunog sa body fats, pagpalig-on sa immune system, pagpakusog sa metabolismo, makadugang sa mental alertness, makatangtang sa fatigue ug stress, ug mga sakit, ug makapawala og body odor.
Apan matud pa sa FDA, dili rehistrado sa ilang buhatan ang maong produkto ug wala usab kini clinical o scientific studies aron magpamatuod sa mga therapeutic claims niini.
Ang FDA ang tig-regulate sa tanang produktong adunay therapeutic o health claims mao nga kinahanglan una sa maong slimming underwear nga mokuha og License to Operate (LTO) isip manufacturer o distributor gikan sa FDA.
Gitataw usab sa FDA nga kadtong mga health products nga nakaabot sa FDA standards lamang ang isyuhan nila og Certificate of Product Registration (CPR).
Gimanduan na usab ni Hartigan-Go ang manufacturers ug distributors sa maong produkto nga tangtangon sa merkado ang produkto, apil na usab ang mga mall owners ug mga outlet nga tangtangon ang produkto sa ilang mga tindahan. (PIA7-Bohol/ECB)
by aimee | Jan 20, 2014 | Headlines, National News
MANILA, Jan. 20, 2014 (PIA)–Taliwala sa nagkadaghang kaso sa tipdas sa nasud, wala gi-rekomendar sa Department of Health (DOH) ang pagpalit og mga tambal ug bakuna sa mga online shop tungod kay posibleng peke ang produktong mapalit.
Matud pa ni DOH Assistance Secretary Eric Tayag, mas maayo pa gihapon nga moadto sa mga health center o doktor aron masusi ug mabakunahan.
“Huwag kayong kukuha ng bakunang peke… pumunta po kayo sa health center o kaya sa linsensyadong doktor para ‘di kayo naloloko,” matud pa ni Tayag.
Gitataw usab ni Tayag nga libre lamang og walay bayad ang pagpabakuna sa mga health centers.
Una niini, tungod sa padayong pagdaghan sa nataptan sa sakit nga tipdas sa nasud, gi-aghat sa DOH ang mga ginikanan nga pabakunahan ang ilang mga anak aron makalikay niini.
Niadtong Disyembre, nipagawas og pasidaan ang Food and Drug Administration (FDA) sa publiko batok sa pagpalit og mga tambal ug bakuna sa mga online shop.
Ang maong pasidaan gihimo sa FDA human madiskubre niadtong Nobyembre 2013 nga adunay kapin sa 100 ka prescription medicines ug biological products alang sa mga tawo ug mananap ang gitangtang sa online buy-and-sell website nga sulit.com.ph tungod kay giingong dili luwas gamiton.
Gipaabot pa sa DOH ang listahan gikan sa FDA sa mga advertisment nga kinahanglan pa nilang tangtangon.
Bisan pa niini, gipasalig ni Tayag nga padayon ang himuong monitoring sa DOH sa pagbaligya og bakuna ug uban pang mga tambal sa internet. (PIA7-Bohol/ECB)
