by aimee | Dec 26, 2013 | Headlines, National News
The Philippine Overseas Employment Administration (POEA) has expanded its facilities to serve thousands of vacationing overseas Filipino workers that will need their exit clearance.
However, POEA Administrator Hans Leo Cacdac said that the additional processing centers will not process exit clearance of household service workers, undocumented workers with no existing record at the POEA database, workers who have changed employers, workers bound for restricted/banned countries, workers who are in the watchlist and workers whose employers are watchlisted.
The POEA has set up counters at PAG-IBIG in Makati City and at the OWWA central office in Pasay City aside from the Balik-Manggagawa offices in Trinoma, Quezon City, Duty Free Paranaque and SM Manila.
The POEA has also adjusted office hours in their central office in Ortigas to accommodate those who will be coming early in the morning.
On December 26 and January 2, 3 and 6, Balik-Manggagawa counters will open at 6:00 A.M. Counters will also open on January 4 (Saturday) from 8:00 A.M. to 12:00 noon.
To spare themselves from the long lines at the POEA offices, Cacdac is reminding returning OFWs to make use of the Balik-Manggagawa online appointment system available at bmappointment.poea.gov.ph.
OFWs may also get their exit clearance or OEC at the POEA regional offices while they are in their respective provinces.
The documentary requirements for those using the appointment system and walk-in processing are the same: Passport valid for 6 months from time of departure, valid working visa/work permit and proof of employment such as certificate of employment, company ID, pay slip, and other equivalent document. (POEA/PIA)
by aimee | Dec 20, 2013 | Headlines, National News
MANILA, Dec. 20 (PIA)–Gilagdaan na ni Presidente Benigno ‘Noynoy’ Aquino III karong adlawa ang P2.265-trilyon national budget alang sa sunod tuig.
Mas ubos ang gilagdaang pondo sa Presidente kun itandi sa iyang giduso nga P2.268 trilyon.
Gitangtang na sa 2014 budget ang kontrobersyal nga Priority Development Assistance Funds (PDAF) sa mga magbabalaod, human sa giingong mga maanomaliyang paggamit niini.
Ni-gamay ang maong pondo human ipatangtang sa 15 ka senador ang ilang PDAF nga nagkantidad og P200 milyon, apil na usab ang social fund ni Bise-Presidente Jejomar Binay nga P200 milyon.
Una nang gimando sa Presidente ang pagbasura sa PDAF pila ka adlaw human miboto ang giingong pag-abusar sa pila ka magbabalaod sa maong pondo.
Nidason usab niini ang Korte Suprema nga wala nahi-uyon sa batakang balaod ang PDAF mao nga gimando niining ihunong ang pagpagawas sa maong pondo.
Sa iyang mensahe human sa paglagda sa nasudnong budget, gituki sa Presidente ang kalig-on sa nasud taliwala sa mga milabay nga katalagman sama linog sa Bohol, tensyon sa Zamboanga, ug pagpanghasi sa super typhoon Yolanda sa Visayas. Tungod niini, gisaka sa P13 bilyon ang calamity fund sa 2014. (PIA7-Bohol/ECB)
Unilateral ceasefire, gideklarar sa gobyerno
MANILA, Dec. 20 (PIA)–Nagdeklarar na ang gobyerno og unilateral ceasefire sa mga rebeldeng miyembro sa Communist Party of the Philippines-New People’s Army (CPP-NPA).
Matud pa ni Presidential Spokesperson Edwin Lacierda, gi-aprubahan na ni Presidente Benigno ‘Noynoy’ Aquino III ang rekomendasyon ni Defense Secretary Voltaire Gazmin nga
magdeklara og unilateral ceasefire.
Ang maong ceasefire molanat og 26 ka adlaw gikan Disyembre 21, 2013 hangtud Enero 15, 2014.
Una nang nagdeklarar og 6 ka adlaw nga ceasefire ang CPP-NPA gikan Disyembre 24 hangtud 26 ug Disyembre 31 hangtud Enero 2.
Gipasalig ni Lacierda nga taliwala sa deklarasyon sa unilateral ceasefire, naka-defensive mode pa gihapon ang kasundalohan aron panalipdan ang publiko. (PIA7-Bohol/ECB)
by aimee | Dec 19, 2013 | Headlines, National News
MANILA, Dec. 19 (PIA)–Gipaubos na sa heightened alert status ang tibuok pwersa sa Philippine National Police (PNP) sugod karong adlawa isip pagpangandam sa nagsingabot nga Pasko ug Bag-ong Tuig.
Matud pa ni PNP Chief Alan Purisima, mahimo pa gihapong ipasaka sa full alert status sa mga regional director ang ilang lugar kun gikinahanglan.
Pasabot ni Purisima, nag-depende sa mga regional police directors kun ipasaka pa nila sa full alert status ang ilang mga lugar nga gisakupan.
Gitugyan na niini sa mga ground commanders ang pagpasaka sa alerto tungod kay sila man
ang mas nakahibalo sa ilang areas of responsibility.
Nipatawag og command conference si Purisima karong adlawa alang sa tanang mga regional police directors diin ni-report ang matag usa kanila kalabot sa gipatuman nga security measures alang sa nagsingabot nga Pasko ug Bag-ong tuig. (PIA7-Bohol/ECB)
by aimee | Dec 18, 2013 | Headlines, National News
MANILA, Dec. 18 (PIA)–Nipasidaan ang Social Security System (SSS) sa publiko ilabi na sa mga gagmay nga mga establisimyento nga magbinantayon sa pagdawat og tseke sa SSS isip bayad sa mga gipamalit nga produkto ug pagpa-ilis sa maong tseke.
Niadtong miaging semana, nakadawat ang SSS La Union Branch Officer-in-Charge Francisco F. Pentecostes og giingong peke nga tseke sa SSS nga gipalit sa usa ka grocery store nga nagkantidad og P9,000.00.
Ang maong mga pekeng tseke sa SSS gipagawas sa Land Bank of the Philippines Baguio City Branch, apan ang account diin kini na-withdraw naggikan sa Land Bank of the Philippines Tarlac Branch.
Ang maong tseke nga adunay 2 ka managlahing account numbers ug ang mga lagda niini dili lagda sa mga otorisadong signatories sa maong ahensya.
Gi-alerto sa SSS La Union Branch ang tanang sakop niini nga lugar tungod sa maong matang sa modus operandi.
Ang mga authentic SSS nga tseke adunay usa ka account number lamang nga makita sa ibabaw sa petsa sa tseke apil na usab sa tungang parte sa tseke.
Dili sama sa peke nga tseke nga adunay 2 ka managlahing account numbers. Ang SSS number sa member payee nakabutang usab sa tseke.
Ang mahinungdanon sa tanan, ang lagda sa SSS president nga mao lamang ang nag-inusarang signatory alang sa tanang benefit checks nga ginapagawas sa SSS.
“Sinisiguro namin sa mga kaanib na ang mga SSS check ay ligtas at hindi agad-agad na kayang kopyahin,” matud pa sa SSS. (PIA7-Bohol/ECB)
by aimee | Dec 17, 2013 | Headlines, National News
MANILA, Dec. 17 (PIA)–Uyon ang Malakanyang sa paggamit sa speed monitoring o limiting devices sa mga sakyanang pasaheroan sama sa mga bus aron malikayang mausab pa ang nahitabong disgrasya sa Skyway sa kaulohan niadtong Lunes sa buntag.
Matud pa ni Presidential Communications Operations Office Sec. Herminio Coloma, mahinongdanon ang monitoring device aron malikayan sa mga bus driver ang pagpadagan ug kusog.
“Puwede itong gamitin bilang monitoring o control device. Makabubuti ito sa may-ari ng bus. Pati ang pagsunod ng mga tsuper sa takdang tulin ay magiging daan din para makatipid ng gasolina ang minamaneho nilang sasakyan,” matud pa ni Coloma.
Giingong gitugyan na sa Palasyo sa mga magbabalaod ang paghimo og merito sa mga lakang alang niini ug ang pagpalig-on sa angay nga balaodnon.
Gihisgotan usab ni Coloma ang kalabot sa Seat Belt Law nga balaod na karon mao nga gipatuman na kini sa mga sakyanang pasaheroan.
Samtang, gibutyag usab sa kalihim nga gitugyan sa gobyerno sa pribadong sektor ang pagpanag-iya sa mga sakyanang pasaheroan.
Ang papel sa gobyerno dinhi alang lamang sa regulasyong adunay kalabot sa operasyong ginahimo sa pribadong sektor.
“Kung maaaring gampanan ng pribadong sektor ang paglilingkod, mas mainam na sila ang magsagawa nito nang salig sa mga tuntuning itinakda ng pamahalaan para naman pangalagaan at isulong ang kapakanang pambayan,” pasabot ni Coloma. (PIA7-Bohol/ECB)
by aimee | Dec 16, 2013 | Headlines, National News
MANILA, Dec. 16 (PIA)–Nipagawas og food safety tips alang sa nagsingabot nga pagsaulog sa Pasko ug Bag-ong Tuig ang Food and Drugs Administration (FDA).
Base sa Advisory 2013-064 sa FDA nga gilagdaan ni Acting Director General Kenneth Hartigan-Go, mahinongdanon nga mag-amping sa pag-andam sa pagkaon aron masiguro nga dili madaot sa ‘food-borne diseases’ ang mga i-andam sa mga kasaulogan.
Giingong mahimong malikayan ang mga food-borne nga mga sakit ilabi na kun mag-amping lamang ang tanan.
Gitambagan sa FDA ang publiko nga unahon una ang pag-shopping sa dili pa mamalit og mga pagkaon aron masiguro nga dili dayon madaot ang mga palitong isda, karne, utanon ug prutas.
Giingong angay usab ibutang ang mga perishable grocery items buwag sa mga pre-packaged goods ug ibutang sa mas bugnaw nga lugar sulod sa sakyanan.
Ibutang dayon ang mga karne sa freezer aron malikayan ang daling pagkadaot niini ug angay nga likayan nga motulo ang dugo gikan sa karne sa bisan asang parte sa kusina tungod kay dali kining taptan og bacteria.
Angay usab nga hugasan og maayo ang tanang utanon ug prutas tungod kay kasagaran man niini gi-ispreyhan sa mga kemikal, sa dili pa ibutang sa refrigerator aron dili kini mahimong hinungdan sa kontaminasyon sa uban pang pagkaon.
Siguradohon usab nga manghugas og maayo sa mga kamot gamit ang sabon ug igong tubig sa dili pa mopunit og pagkaon alang sa mga bata ug bantayan ang mga bata sa ilang pagkaon.
Ipaseguro usab sa FDA nga makapanghunaw og kamot ang mga bata sa dili pa mokaon ilabi na kun gikan lamang kini sa pagduwa o paggunit sa mga binuhing hayop.
Angay usab nga mogamit lamang og mga gamit sa pagpangluto ug serving utensils nga limpyo.
Tambag usab sa FDA nga ilabay og maayo ang tanang salin nga pagkaon ug kun magdala og pagkaon pagpaule gikan sa party, angay mo-diretso na sa balay aron dili kini mapan-os.
Kun nagduda sa kaluwasan sa pagkaon, mas maayong ilabay na lamang kini ug dili na ipanghatag o ipakaon pa sa uban bisan sa binuhing iro. Tambag pa sa FDA, mas maayong mokunsulta dayon sa doktor kun nagdudang na-igo sa food-borne illnesses. (PIA7-Bohol/ECB)
