by aimee | Jul 4, 2013 | Headlines
TAGBILARAN CITY, Bohol, July 04 (PIA)–Subling nanawagan ang Palasyo sa mga Pilipinong nagtrabaho sa ubang nasud nga dili gayud magpagamit isip drug mules o magdala og iligal nga droga sa mga sindikato.
Taliwala kini sa kompirmasyon sa Department of Foreign Affairs (DFA) nga nadayon gayud ang pagbitay kagahapon sa 35-anyos nga Pilipina human nasakpang nagpayuhot og pila ka kilong heroin sa China niadtong 2011.
Matud pa ni Deputy Presidential Spokesperson Abigail Valte, nanghinaot ang Palasyo nga kakuhaan kini og leksyon sa mga Pilipino.
Nanawagan ang Palasyo nga dili magpabiktima sa mga sindikato sa droga ug likayan gayud ang mga ingon niining sitwasyon.
Gipahinomdom ni Valte nga kun mahitabo man kini sa OFW, mas magpabug-at pa hinuon kini sa kahimtang sa ilang mga pamilya imbes nga magpaginhawa sa ilang kinabuhi.
“Umaasa kaming kapulutan ng aral ng ating mga kababayan para hindi magpabiktima sa mga drug syndicate at iwasan ang mga ganitong sitwasyon, na kung sakali man ay mas magpapabigat sa kalagayan ng kanilang mga mahal imbes na magpaginhawa ng buhay,” matud pa ni Valte.
Kalabot niini, gisugyot ni OFW Representative Roy Seneres nga magbutang sa mga airports ug travel documents nga pasidaan kalabot sa mga gibitay nga Pilipinong drug mule.
Si Valte nagkanayon nga gitugyan na sa Palasyo sa DFA ang maong sugyot sa magbabalaod. (PIA-Bohol/ecb)
by aimee | Jul 3, 2013 | Headlines, National News
TAGBILARAN CITY, Bohol, July 03 (PIA)–Gi-uswag sa Nobyembre 3 ang deadline sa pagpaule sa mga undocumented OFWs gikan sa Saudi Arabia.
Sa usa ka press conference, gibutyag ni Foregn Affairs Spokesperson Raul Hernandez nga gi-uswag sa Saudi government ang deadline alang sa mga illegal workers hangtud sa Nobyembre 3.
Dungan niini, gitambagan sa DFA ang mga OFWs nga pahimoslan kining kahigayonan aron tarungon ang ilang mga papeles apil na kadtong mga undocumented OFWs nga stranded nga mokuha og exit visas o di kaha tarungon ang ilang lehitimong pagpabilin sa Saudi.
Ang bag-ong extension sa mga illegal OFWs sa Saudi maoy tubag ni Saudi King Abdullah bin Abdulaziz sa hangyo sa mga nasud apil na ang gobyerno sa Pilipinas nga i-uswag pa ang gihatag nga deadline sa mga illegal foreign workers agig pagsunod sa bag-ong gipatuman nga Saudization policy sa kingdom.
Kahinomduman nga matapos unta karong adlawa, Hulyo 3 ang unang 3-months reprieve ni King Abdullah. Gikalipay sa mga OFWs ang bag-ong 4 ka buwan nga extension. (PIA-Bohol/ecb)
DFA, nipahimangno sa mga Pinoy sa Egypt taliwala sa mga lihok protesta
TAGBILARAN CITY, Bohol, July 03 (PIA)–Gipahimangnuan sa Department of Foreign Affairs (DFA) ang mga Pinoy sa Egypt nga likayan una ang mga pampublikong lugar ug dili gayud mosalmot sa mga demonstrasyon.
Taliwala kini sa padayon pang pag-monitor sa embahada sa Pilipinas sa Egypt sa nagka-grabeng tensyon sa maong nasud tungod sa halapad nga lihok protesta nga nanawagan sa pagpakanaug sa puwesto ni Egyptian President Mohammed Morsi.
Matud pa ni DFA spokesperson Raul Hernandez, padayon nga nakig-alayon ang embahada sa Cairo sa mga Filipino community sa Egypt.
Giingong updated usab ang pagpagawas og advisory sa mga Pinoy didto sa Egypt kalabot sa halapad nga lihok protesta.
Nahibaw-an nga nagpagawas na og ultimatum ang militar alang kang Morsi nga resolbahon ang krisis sa nasud. (PIA-Bohol/ecb)
by aimee | Jun 28, 2013 | Headlines, National News
TAGBILARAN CITY, Bohol, June 28 (PIA)–Subli nga nipasidaan karon ang Philippine Drug Enforcement Agency (PDEA) sa mga biyaherong Pinoy, apil na ang mga overseas Filipino workers nga likayan gayud ang mga sindikatong nagpayuhot og ilegal nga droga.
Nanawagan si PDEA director general Arturo Cacdac Jr. human sa gitakdang pagbitay sa usa ka Filipina drug courier sa China sa sunod semana.
Ang maong Pinay nga gi-aresto, nisulod isip turista sa China niadtong Enero 2011 tungod sa pagpayuhot og 12 ka kilo nga heroin.
Naalarma na ang buhatan sa PDEA sa nagkadaghang mga Pinoy nga gigamit sa sindikato isip drug courier.
“It is unwise for our kababayans to risk their life and future to bring dangerous drugs to a certain country in exchange for any amount of money,” matud pa ni Cacdac
“However, there are still those who willfully allowed themselves to be utilized as drug couriers despite repeated warnings by PDEA and other government agencies,” dugang pa sa pangulo sa PDEA. (PIA-Bohol/ecb)
by aimee | Jun 28, 2013 | Headlines, Health and Medicine
TAGBILARAN CITY, Bohol, June 28 (PIA)–Angay seryosohon sa publiko ang pagpatuman sa 4 o’clock habit program aron malikayan ang posibilidad sa dengue storm sa nasud.
Ubos sa maong programa, ang publiko ug mga lider sa lokal nga kagamhanan gi-aghat nga magtinabangay sa pagpahigayon og halapad nga pagpanglimpyo sa palibot ug mga panimalay aron mapakgang ang mga posibleng breeding sites sa mga lamok.
Gipasabot ni Health Assistant Secretary Dr. Eric Tayag nga kun dili magtinabangay ang tanan, dili imposible ang dengue storm sa nasud ilabi na kun may bag-ong strain sa dengue nga mahimong predominant karong tuig.
Sa dengue storm, giingong mas daghang katawhan ang nameligro nga magka-dengue virus kun mokatap ang Type 2 o Type 4 strains.
Sa niaging tuig, ang predominant strains mao ang Type 1 ug Type 3, mao nga kun mahimong predominant ang Type 2 strain karong tuig, mahimong adunay mas grabeng kaso sa dengue.
Ang Type 2 strain mao ang most virulent strain sa dengue kun itandi sa Types 1, 3 ug 4. Samtang ang Types 1 ug 3 ang nahimong most common nga dengue strains sa nilabay nga tulo ka tuig.
Dinhi sa lalawigan sa Bohol, subling gilusad kagahapon sa mga kadagkuan sa Provincial Health Office ug sa kagamhanang probinsyal sa Bohol ang kampanya batok sa pagsumpo sa dengue.
“Hunong sa imong gimbuhaton matag alas 4:00 sa palis, pangitaa ang mga itloganan sa lamok ug iyabo kini, pamati sa imong mga opisyales sa barangay aron hibaw-an ang mga katikaran sa programa pagsumpo sa lamok” tambag ni Provincial Health Officer Dr. Reymoses Cabagnot.
Gibutyag ni Cabagnot nga gikan sa buwan sa Enero hangtud ning buwana, nikabat na sa 771 ka kaso sa dengue ang natala sa ilang buhatan ug 6 na ang gikataho nga namatay.
Gitahasan na usab ang tagsa-tagsa ka mga lokal nga kagamhanan nga maoy mangulo sa kampanya alang sa pagsumpo sa dengue pinaagi sa pagguba sa mga dapit nga posibleng breeding sites sa mga lamok.
Ning tuiga, gisagop sa nasud ang Stop, Look and Listen, ABKD Palig-onon. (PIA-Bohol/ecb)
by aimee | Jun 27, 2013 | Headlines, National News
TAGBILARAN CITY, Bohol, June 27 (PIA)–Filipinos still need to get a visa to visit Japan, contrary to a report circulating on the internet.
On Thursday, the Japanese embassy issued a statement denying it had removed visa requirements for Filipinos.
“The Embassy of Japan in the Philippines would like to clarify to the public that Japan has not lifted the visa exemption for the Philippines contrary to the recent reports. However, Japan has opened multiple-entry Visas to Filipinos,” it said.
Japan only granted visa exemptions to nationals of Thailand and Malaysia.
Japan’s Ministry of Foreign Affairs issued a statement on June 25 saying it is granting multiple entry visas for Filipino citizens, valid for three years.
“In celebration of the 40th Year of ASEAN-Japan Friendship and Cooperation, the Government of Japan has decided to begin issuance from July 1, of multiple entry visas for short-term stay to nationals of the Republic of the Philippines (ordinary passport holders) who reside in their home country,” the MOFA said on its website.
With the visa, Filipinos may stay for 15 days in Japan. The multiple entry visa will be valid for up to three years.
Filipinos who are interested in getting a visa to Japan should apply at the Japanese embassy through accredited agencies. The Japanese embassy in the Philippines does not accept direct visa applications. (PIA)
by aimee | Jun 26, 2013 | Headlines, National News
TAGBILARAN CITY, Bohol, June 26 (PIA)–Target karon sa Department of Labor and Employment (DOLE) nga humanon sa sunod buwan ang ilang imbestigasyon kalabot sa “sex-for-fly” scandal nga gilambigitan sa mga embassy ug labor officials sa Middle East.
Matud pa ni fact-finding investigation lawyer Leah Fortuna, gikoptan na nila ang pahayag sa tulo ka Pinay overseas workers nga giingong biktima sa sexual abuse sa usa ka assistant labor attaché nga nakabase sa Riyadh.
Si Atty. Fortuna nagkanayon nga nakatakda silang mo-adto sa Middle East sa umaabot Sabado, Hunyo 29 aron manguha pa og dugang testimoniya ug ebidensiya kalabot sa kaso.
Gilauman nilang makabalik sila sa nasud sa Hulyo 13.
Giseguro usab sa opisyal nga makakuha sila og konkretong resulta sa ilang imbestigasyon sa maong petsa.
Kalabot niini, giingong gi-andam na sa duha ka overseas Filipino workers (OFWs) ang kasong sexual harassment nga ipasaka kang Philippine assistant labor attaché Antonio Villafuerte.
Positibong gi-ila sa duha ka Pinay workers si Villafuerte nga giingong nang-abuso kanila samtang tua pa sila sa OFW shelters sa Saudi Arabia.
Matud pa usab ni kanhi Labor Usec. Susan Ople, pursigido ang mga biktima nga ipadayon ang kaso batok sa opisyal aron masiguro nga dili na kini makapangbiktima pa og ubang OFWs. (PIA-Bohol/ecb)
Pasidaan sa publiko: MERSCOV, mas daling makatakod ug makamatay kaysa SARS
TAGBILARAN CITY, Bohol, June 25 (PIA)–Gipa-amping ang publiko tungod kay mas daling makatakod ug mas makamatay ang bag-ong Middle East Respiratory Symptom Coronavirus (MERSCOV) kun itandi sa pareha niini nga severe acute respiratory syndrome (SARS).
Matud pa ni Dr. Trish Perl, usa ka senior epidemiologist sa Johns Hopkins medicine, wala pa nila natumbok kun unsaon pagpasa sa sakit tungod kay anuday pipila ka positibo sa virus nga dili man unta duol sa posibleng gigikanan sa sakit.
Sa gi-imbestigahang mga kaso sa Saudi Arabia, lapas sa gipaabot nga gidaghanon sa matakdan ang natala sa pipila ka pasyente
Apil sa mga unang findings sa grupo ang mas taas nga death rate sa MERS (65%) kun itandi sa 8% death rate sa SARS. (PIA-Bohol/ecb)
