by aimee | Jun 6, 2013 | Announcements, Headlines
TAGBILARAN CITY, Bohol, June 06 (PIA)–Abli ang tanang buhatan sa Social Security System (SSS) matag Sabado karong buwan sa Hunyo agig paghatag og kahigayonan sa mga amo ug kasambahay nga makaparehistro.
Kini human gilagdaan ni Presidente Benigno ‘Noynoy’ Aquino III ang Republic Act 10361 o Kasambahay Law niadtong Enero 18 ug epektibo na kini sugod adtong Hunyo 4.
Matud pa ni SSS President ug CEO Emilio de Quiros Jr., mang-isyo ang tanan nilang buhatan sa tibuok nasud og SSS number alang sa domestic workers ug household employer ID numbers sa Hunyo 8, 15, 22 ug 29.
Giingong tuyo niining mahimong miyembro ug mahatagan og benepisyo ang mga kasambahay nga naglangkob sa general househelp, yaya, kusinera, hardinero, labandera ug bisan kinsang nagbuhat og domestic work sa usa ka panimalay ubos sa Kasambahay Law ug Social Security Law.
Alang sa mga gustong magpa-miyembro, kinahanglang mag-fill out ug mosumitir og personal record form o SSS Form E-1 sa labing duol nga SSS branch.
Kinahanglang may kasukip kining photocopy sa birth o baptismal certificate, driver’s license, passport, Professional Regulation Commission (PRC) card o seaman’s book.
Gawas sa registration services, modawat usab ang SSS og bayad sa kontribusyon sa mga household employers.
Ubos sa Kasambahay Law, obligadong hatagan og mga social benefit ang mga katabang sama sa SSS, PhilHealth ug Pag-IBIG FUND.
Ang mga employer kinahanglan sa usab nga adunay kontrata sa mga katabang ug ipatala ang pangalan niini sa barangay.
Obligado na usab ang mga amo nga mohatag og 13th month pay sa ilang katabang kun usa ka tuig na kining nanilbihan ug hatagan og 5 ka adlaw nga leave with pay sulod sa usa ka tuig. (PIA-Bohol/ecb)
by aimee | Jun 5, 2013 | Headlines, Health and Medicine
TAGBILARAN CITY, Bohol, June 05 (PIA)–Nipasidaan ang Department of Health (DOH) sa mga ginikanan nga bantayan ang ilang mga anak batok sa ‘WILD’ diseases karong panahon sa ting-klase ug ting-ulan.
Matud pa ni DOH assistant secretary Dr. Eric Tayag, uso na karong panahon sa ting-ulan ang gitawag nga ‘WILD’ diseases o Water-borne diseases, Influenza, Leptospirosis ug Dengue diseases.
Ang water-borne diseases mao ang mga sakit nga gikan sa kontaminadong tubig tungod na usab sa mga pagbaha. Daling mataptan niini ang mga estudyante nga mosulod sa eskwelahan.
Matud pa ni Tayag, kun maka-inom og kontaminadong tubig, mahimong magka-diarrhea o cholera ang usa ka bata mao nga angay magbinantayon ang mga ginikanan sa dehydration.
Samtang ang Influenza o trangkaso usab adunay sintomas nga ubo, sip-on ug hilanat.
Apan kun maglisud na o paspas na kaayo ang pagginhawa sa bata, angay na kining dalhon dayon sa tambalanan tungod kay mahimo kining mauli sa pulmonya.
Ug tungod kay gipaabot ang pagbaha sa pagsulod sa ting-ulan, gipa-amping sa DOH ang publiko batok sa Leptospirosis o ang bakteryang makuha sa baha nga kontaminado sa ihi sa ilaga.
Alang usab sa Dengue, maayo nga siguradohong walay lamok nga namuyo sa palibot.
Tambag sa DOH, magsul-ob og long sleeves ug pantalon aron dili mapaakan og lamok. (PIA-Bohol/ecb)
by aimee | Jun 5, 2013 | Headlines, National News
TAGBILARAN CITY, Bohol, June 05 (PIA)–Bisan nalibkas na ang duha ka adlaw nga liquor ban sa niaging midterm election, bawal pa gihapon magdala ug mo-inom og mga ilimnon nga makapahubog sa mga buhatan sa gobyerno.
Kini ang pahinomdom sa Civil Service Commission (CSC) sa mga empleyado sa gobyerno base sa CSC Resolution 1100039 nga hugot nga nagbawal sa pag-inom og mga ilimnon nga makahubog sa oras sa trabaho.
Matud pa ni CSC Chairman Francisco Duque, ang pag-inom sulod sa oras sa trabaho o pagsulod sa trabaho nga nakainom apil sa administrative offenses nga gawas pa sa atubangon nga silot sa habitual drunkenness.
Gitogotan lamang nga mo-inom ang mga empleyado kun adunay programa, special events ug kun may pagsaulog sa mga local customs ug tradisyon.
Apan malt ug wine lamang ang mahimong imnon ug hugot nga gi-bawal ang paghubog-hubog.
Giingong mahimong manubag ang empleyado, apil na ang pangulo sa opisina.
Ang masakpan nga nakainom o naghubog-hubog sa oras sa trabaho mahimong masuspinde og usa hangtud 6 ka buwan sa unang higayon. Samtang kun mausab pa kini, mahimong matangtang na sa trabaho ang masakpang empleyado. (PIA-Bohol/ecb)
by aimee | Jun 4, 2013 | Headlines
TAGBILARAN CITY, Bohol, June 04 (PIA)–Gideklarar ni Presidente Benigno ‘Noynoy’ Aquino III ang buwan sa Disyembre matag tuig isip “Anti-Corruption Month” sa tibuok nasud sa tinguha nga makamugna og awareness sa mga Pilipino sa bug-at nga epekto sa korupsyon.
Gilagdaan ni PNoy niadtong Mayo 27 ang Republic Act No. 10589 o “An Act Declaring December of every year as ‘Anti-Corruption Month’ in the entire country.”
Ang bag-ong balaod tawagon usab nga “Anti-Corruption Month Act.”
Gihiusang Senate Bill No. 3376 ug House Bill No. 3005 kini nga gipasar sa Senado ug House of Representatives niadtong Pebrero 4, 2013 ug Pebrero 5, 2013.
Gimanduan ni PNoy ang tanang heads of government agencies and instrumentalities, apil na ang mga government-owned and controlled corporations, ang local government units ug mga empleyado sa pribadong sektor sa pagpahigayon ug mga kalihokan mga magmugna og awareness sa katawhan sa bug-at nga epekto sa korupsyon.
“The awareness campaign must not only contain information on what constitutes an act of corruption, but also what citizens must do when faced with such corruption,” matud pa.
Gitahasan ang Office of the Ombudsman isip lead agency para sa coordination purposes. (PIA-Bohol/ecb)
by aimee | Jun 3, 2013 | Headlines, National News
PRESIDENT Benigno S. Aquino III signed on May 29 Republic Act 10592, or “An Act Amending Articles 29, 94, 97, 98, and 99 of Act 3815, as Amended, Otherwise Known as the Revised Penal Code.
Under Article 29 of the Revised Penal Code, the local jail shall entitle a prisoner to the following deductions from the period of his sentence for good behavior:
During the first two years of imprisonment, the prisoner shall be allowed a deduction of 20 days for each month of good behavior during detention;
In the third to the 5th year, inclusive, of his imprisonment, he shall be allowed a deduction of twenty-three days for each month of good behavior during detention;
During the following years until the 10th year, inclusive, of his imprisonment, the prisoner shall be allowed a deduction of 25 days for each month of good behavior during detention;
And in the 11th and successive years of his imprisonment, he shall be allowed a deduction of 30 days for each month of good behavior during detention; and
At any time during the period of imprisonment, he shall be allowed another deduction of 15 days, in addition to numbers one to four for each month of study, teaching or mentoring service time rendered.
The law states that an appeal by the accused shall not deprive him of entitlement to the allowances for good conduct.
The implementing rules and regulations of the amended law will be promulgated by the secretary of the Department of Justice and the secretary of the Department of the Interior and Local Government within 60 days from the approval of the act. (PND)
by aimee | Jun 3, 2013 | Headlines
TAGBILARAN CITY, Bohol, June 03 (PIA–Ma-menosan na ang sentensiya sa mga binilanggo nga magbinuotan sa bilangguan human gilagdaan ni Presidente Benigno ‘Noynoy’ Aquino III ang Republic Act 10592 o “An Act Amending Articles 29, 94, 97, 98, and 99 of Act 3815, as Amended, Otherwise Known as the Revised Penal Code”.
Nakabutang sa Article 29 sa Revised Penal Code nga mahimo nang menosan sa mga local jail ang sentensiya sa usa ka binilanggo tungod sa “good behavior”.
Sa unang duha ka tuig nga pagkabilanggo, ang usa ka binilanggo mahimong menosan og 20 ka adlaw sa matag buwan kun magpakita og maayong gawi samtang naa sa bilangguan.
Sa ika-tulo hangtud sa ika-lima nga tuig, kuhaan og 23 ka adlaw matag buwan sa angay niyang pagkabilanggo kun magpakita pa gihapon siya og “good behavior”.
Samtang sa mga mosunod nga tuig hangtud ika-10 ka tuig, kuhaan og 25 ka adlaw matag buwan.
Nakalatid usab niining bag-ong balaod nga ang apela sa usa ka binilanggo dili mahimong babag aron dili siya mahatagan og allowance tungod sa maayong gawi. (PIA-Bohol/ecb)
Pagpanigarilyo, gi-bawal na sa sulod ug palibot sa mga buhatan sa gobyerno
TAGBILARAN CITY, Bohol, June 03 (PIA)–Bawal na ang pagpanigarilyo sa sulod ug palibot sa mga buhatan sa gobyerno human magkauyon ang Civil Service Commission (CSC) ug Department of Health (DOH) sa kampanya batok sa pagpanigarilyo pinaagi sa paglagda sa Joint Memorandum Circular (JMC) No. 2010-01.
Nagpasabot kini nga dili na mahimong manigarilyo ang tanang mga empleyado sa gobyerno samtang naa sa trabaho isip parte sa pag-atiman sa ilang panglawas.
Niadtong 1991 pa gi-bawal ang pagpanigarilyo sa mga government building pinaagi sa pagpagawas sa CSC Resolution No. 91-787, gawas lamang sa ubang palibot sa opisina nga gitakda isip smoking area.
Sa bag-ong kasabotan, ubos sa JMC sa CSC ug DOH, tangtanggon na ang mga smoking area sa gawas sa mga buhatan sa gobyerno aron mapatuman ang 100% smoke-free nga pagtarabaho sa mga empleyado sa gobyerno.
Gawas niini, gi-bawal usab ang pagpanigarilyo sulod sa mga sakyanan sa gobyerno.
Mahimong matangtang sa serbisyo o mag-atubang og kasong administratibo ang empleyado sa gobyerno nga mapamatud-ang mosupak sa maong kamanduan. (PIIA-Bohol/ecb)
