by aimee | Feb 25, 2013 | Headlines, National News
TAGBILARAN CITY, Bohol, Feb. 25 (PIA)–Gikumpirmar sa Department of Foreign Affairs (DFA) nga may barko nang gipadala aron mopahigayon og “humanitarian mission” aron kuhaon ang mga Pinoy nga tua sa Lahad Datu sa Sabah, Malaysia.
Matud pa ni DFA spokesman Raul Hernandez, gipahibalo na nila ang gobyerno sa Malaysia sa maong lakang sa Pilipinas aron kuhaon ang mga Pinoy ilabi na ang mga kababayen-an, bata ug ang napabalita nga kapin 20 ka mga armado.
Gigamit sa gobyerno ang Navy ship nga AT 296 nga gikan sa Bongao, Tawi-Tawi nga mo-diretso sa Tanduo, Lahad Datu.
Katuyuan sa maong misyon nga maluwas ang mga sibilyan sa posibleng mahitabo kun magkagubot man didto.
Giingong i-posisyon ang barko sa baybayon sa Lahad Datu samtang gipahigayon ang negosasyon.
Sakay sa maong barko ang pipila ka Filipino-Muslim leaders, social worker ug medical personnel.
Apil sa humanitarian mission ang pagpadala og barko human makadawat og report nga may lima ka babaye ug pipila ka sibilyan ang nagpabilin sa Lahad Datu.
Gi-aghat sa DFA ang mga Pinoy nga tua didto nga mosakay na sa barko aron makabalik na sila sa ilang panimalay samtang gi-plantsa pa sa DFA ang isyu sa pag-angkon sa mga Moro sa giingong parte sa Sultanate sa Sulu. (PIA-Bohol/ecb/sjp)
by aimee | Feb 22, 2013 | Headlines
PRESIDENT Benigno S. Aquino III assured that the government is fast-tracking the construction of school classrooms to ensure that there would be no classroom shortage by the end of 2013.
In his speech during a meeting with local leaders and the community held at the Pavia Plaza, Poblacion, in Iloilo, on Thursday, the Chief Executive said that the institutionalization of educational reforms remain his administration’s top priority in order to improve the country’s educational system.
“Dati po may 66,800 na kakulangan sa silid-aralan. Ngayon, may sapat na po tayong mesa, upuan, aklat para sa ating mga estudyante. At bago po matapos ang taong ito tapos na rin ang classroom shortage ng bansa,” the President said.
He said the government would continue to implement programs such as the improvement of public schools’ infrastructure, equipment, facilities, among others.
The President noted that the Technical Education and Skills Development Authority (TESDA) launched several initiatives with the aim of providing more jobs and employment opportunities for the TESDA graduates.
“Ngayon po ay may halos 481,000 na indibidwal ang pinapanday ng training-for-work scholarship program,” he said.
He said that the government remains committed to strengthen the country’s fiscal position, intensify investments in infrastructure and enhance the business, agriculture and tourism sectors.
The President thanked the people of Iloilo who affirm his administration’s commitment to tread the straight and righteous path in transforming the Philippines into a progressive nation.
The President, likewise, reiterated his administration’s commitment to strengthen its efforts in ensuring that the benefits of the country’s growth are both equitable and inclusive. (PND)
by aimee | Feb 22, 2013 | Headlines
TAGBILARAN CITY, Bohol, Feb. 22 (PIA)–NAGPAGAWAS na usab og sumbanan ang Commission on Elections (Comelec) kalabot sa nagkadaghang political advertisement sa mga social networking sites.
Gawas pa kini sa hugot nga aggregated airtime limits nga gipatuman sa radyo ug telebisyon.
Matud pa ni Comelec Spokesman James Jimenez, gitugotan ang usa ka kandidato og tulo ka online advertisement matag semana sa usa ka website.
Gi-angkon sa poll body nga naglisud sila og monitor sa tanang mga online ads tungod kay bisan ang mga local candidates, halos nakig-dungan na usab sa ilang mga propaganda gimmicks.
Apan giingong nisalig ang Comelec nga tabangan ang ilang buhatan sa mga volunteers ug citizens arm aron matumbok ang mga magpabadlong nga politiko.
Kahinumdoman nga 120 minutes lang ang gitugtang TV ads, samtang 180 minutes usab sa radio ads sa mga national candidates. (PIA-Bohol/ecb/i-gg)
Peb. 25, walay klase sa tanang tunghaan tungod sa EDSA 1 anniversary
TAGBILARAN CITY, Bohol, Feb. 22 (PIA)–Walay klase sa mga tunghaan sa tibuok nasud sa umaabot nga Lunes, Pebrero 25, alang sa ika-27 ka tuig nga anibersaryo sa EDSA-1 People Power uprising.
Kini base sa gilagdaan ni Presidente Benigno “Noynoy” Aquino III nga Proclamation 459 diin nakapatik nga “special holiday for schools” ang Pebrero 25.
Sa maong proklamasyon, nakabutang nga, “EDSA-1 revolt had restored and ushered political, social and economic reforms” sa Pilipinas ug “serves as an inspiration to Filipinos everywhere as a nation and as a people.”
Tungod sa EDSA 1 revolt, nakalingkod ang nitaliwan nang inahan ni PNoy nga si kanhi Presidente Corazon “Cory” Aquino.
Kini usab ang nahimong dalan sa pagkahagsa sa diktaturyang rehimen ni kanhi Presidente Ferdinand Marcos.
Nipahinumdom usab niini ang Department of Education (DepEd) pinaagi sa ilang Twitter account nga nag-ingon: “February 25 (Monday), EDSA People Power Revolution Anniversary, is a special holiday for all schools nationwide.”(PIA-Bohol/ecb/i-gg)
by aimee | Feb 19, 2013 | Headlines
TAGBILARAN CITY, Bohol, Feb. 19 (PIA)–GISUGDAN na karong adlawa sa Commission on Elections (Comelec) ang pagpadala sa kopya sa ballot image sa ilang mga buhatan sa tibuok Pilipinas, partikular na sa mga lagyong probinsya.
Gituyo kini aron mahimong pamilyar ang publiko sa mahimong hitsura sa balotang gamiton sa May 13, 2013 midterm elections.
Nahisulod sa kasamtangang ballot sheet ang 33 ka senatorial candidates, 136 ka partylist groups ug mga local nga kandidato.
Bisan ang numero sa ilang mga gustong ibotar nga kandidato, mahimo na nilang timan-an aron dali nalang sa actual voting.
Kahinumdoman nga niadtong 2010 presidential elections, daghan ang nagkaguliyang sa pagbotar tungod kay niadtong adlawa lamang nila nakita ang hitsura sa balotang gamiton. (PIA-Bohol/ecb/i-gg)
Honorarium sa mga magtutudlo, ihatag dayon sa Comelec
TAGBILARAN CITY, Bohol, Feb. 19 (PIA)–MADAWAT na dayon sa mga magtutudlo nga mo-alagad isip board of election inspectors (BEIs) sa nagsingabot nga piniliay ang ilang honorarium.
Matud pa ni Comelec Chairman Sixto Brillantes, Jr., pagkahuman sa trabaho sa mga magtutudlo human sa piniliay, ihatag nila dayon ang bayad pinaagi sa cash cards o mahimo usab nilang i-withdraw sa mga ATM outlets.
Kaniadto, cash ang ginabayad sa Comelec sa mga BEIs nga gina-distribute sa election officers diin may mga insidente nga giingong nangawala mao nga walay nakaabot sa mga magtutudlo.
Nakig-alayon na ang Comelec sa Land Bank of the Philippines alang sa usa ka memorandum of agreement diin didto e-deposito ang kwarta.
Adunay 240,000 ka mga magtutudlo nga mo-alagad sa piniliay sa Mayo 13 ug matag usa nila makadawat og P4,000 allowance alang sa ilang poll duties.
Gibansaybansay na sa Comelec ang mga trainor nga maoy ipakatap sa tibuok nasud aron mao usan ang mobansay sa mga magtutudlo.
Bansayon usab ang mga BEIs sa teknikal nga aspeto sa piniliay aron masiguro nga bisan usa man lamang sa tulo ka magtutudlo nga ibutang sa may 77, 829 clustered precincts, adunay teknikal nga kahibalo sa mga PCOS machines.
Sugdan na usab sa Comelec ang ilang voters education sa unang semana sa Marso. (PIA-Bohol/ecb/i-hd)
by aimee | Feb 18, 2013 | Headlines
TAGBILARAN CITY, Bohol, Feb. 18 (PIA)–GIPAGAWAS sa Department of Education (DepEd) ang DepEd Order Number 9 Series of 2013 sa tanang pampublikong tunghaan sa tibuok nasud agig pagpahinumdom nga bawal maningil og bisan unsang graduation fee.
Kini nagpasabot nga dili mahimong mangolekta ang school administrator, mga magtutudlo ug non-teaching personnel og bisan unsang kontribusyon alang niini.
Apan mahimong mohatag og donasyon in cash o in kind ang Parents-Teachers Association (PTA) nga gamiton alang sa commencement exercises.
Bawal magpahimo og mga non-academic projects aron lang makatapos ang usa ka estudyante.
Dili angay obligahon ang mga motapos nga magsul-ob og mga nindot nga saput ug kun mahimo, uniporme na lang.
Bawal usab ipahigayon ang seremonya sa usa ka espesyal o mahal nga venue.
Kun adunay yearbook, kinahanglang voluntary basis ang kontribusyon alang niini.
Angay lamang nga tinuoray, disiplinado ug memorable ang graduation rites alang sa mga estudyante ug ilang ginikanan apan dili kinahanglang bongga o mahal.
Og labi sa tanan, bawal gamiton sa mga kandidato ang graduation rites alang sa ilang pagpangampanya. (PIA-Bohol/ecb/p-hd)
by aimee | Feb 18, 2013 | Headlines, Health and Medicine
TAGBILARAN CITY, Bohol, Feb. 18 (PIA)–GI-ALERTO sa Department of Health (DOH) ang tanang tambalanan sa tibuok nasud batok sa giingong usa ka matang sa virus nga susama sa Severe Acute Respiratory Syndrome (SARS).
Kini human sa labing bag-ong nakumpirmang impeksyon nga Novel Coronavirus (NCOV) sa United Kingdom.
Matud pa ni DOH Spokesperson Assistant Secretary Dr. Eric Tayag, gimanduan na nila ang tanang tambalanan sa tibuok nasud nga i-report dayon ang mga grabeng kaso sa pneumonia nga nag-negatibo sa influenza virus ug bacteria aron matino kini dayon.
Sa labing ulahing taho, giingong mikabat na sa 11 ang kumpirmadong kaso sa NCOV sa tibuok kalibotan diin lima na ang namatay sa Saudi Arabia ug Jordan.
Nakitaan ang mga apektadong pasyente og mga respiratory illness nga may kaubang hilanat, ubo ug lisud sa pagginhawa.
Apan giseguro sa DOH nga wala pay natalang kaso nga NCOV sa nasud mao nga walay angay ikabalaka ang publiko.
Sa pagkakaron, gitun-an pa sa mga health officials sa tibuok kalibotan ang NCOV infection.
(PIA-Bohol/ecb/i-gg)
