by aimee | Dec 14, 2012 | Headlines, National News
THE government will intensify its efforts to remove vulnerable populations in harm’s way whenever there are incoming typhoons to avoid a repeat of the devastation of Typhoon Pablo in Mindanao, President Benigno S. Aquino III said on Friday.
During the change of command ceremonies at the Philippine Coast Guard (PCG) on Friday, the President asked the support of Coast Guard personnel in carrying out the government preparations to mitigate the impact of weather disturbances to the general population.
Preemptive measures should be in place whenever there are incoming typhoons to avoid lost of lives and tremendous damage to properties, he said during his speech. This is the duty of the PCG and every government personnel, and they will be successful in assisting their fellow Filipinos as long as they have the will to lend a helping hand, the President said.
The President said he was appalled by the devastation in New Bataan, Compostela Valley, and Boston, Davao Oriental, during his visit there last week.
The President led the change of command of the PCG Friday challenging the new commandant to continue the good works of his predecessor.
Rear Admiral Rodolfo Isorena assumed office on Friday as the new commandant of the PCG replacing Vice Admiral Edmund Tan. (PND)
by aimee | Dec 14, 2012 | Headlines, National News
TAGBILARAN CITY, Bohol, Dec. 14 (PIA)–Gi-anunsyo sa Malacañang ang pagkatudlo ni Vice Admiral Jose Luis Alano isip bag-ong Flag-Officer-in-Command (FOIC) sa Philippine Navy.
Hulipan ni Alano si Vice Admiral Alexander Pama nga magretiro na sa Disyembre. 21.
Matud pa ni Deputy Presidential Spokesperson Abigail Valte, naaprubahan ang appointment ni Alano niadtong Disyembre 12.
Si Alano ang kanhi Philippine Fleet Commander ug miyembro sa PMA Class ’79.
Kasamtangan kining commander sa AFP Central Command nga nakabase sa Cebu.
“We are pleased to announce that President Aquino has approved the designation of VADM Jose Luis M. Alano as Flag Officer in Command of the PH Navy,” matud pa ni Valte. (PIA-Bohol/ecb/p-gg)
Rear Admiral Isorena, bag-ong PCG commandant
TAGBILARAN CITY, Bohol, Dec. 14 (PIA)–Gibutang na ni Presidente Benigno “Noynoy” Aquino III si Rear Admiral Rodolfo Isorena isip bag-ong commandant sa Philippine Coast Guard (PCG).
Si Isorena mao ang kanhi fleet commander sa PCG ug miyembro sa Philippine Military Academy (PMA) Class of 1982.
Sa labing-unang higayon, walay gihimong turn-over ceremony tungod kay gi-dili sa balaod nga motambong sa ingon niining panagtapok ang usa ka suspendidong opisyal nga hulipan unta ni Isorena.
Kahinumdoman nga wala na nakabalik sa pwesto si Rear Admira Edmund Tan isip pangulo sa PCG tungod sa 60 ka adlaw nga preventive suspension kalabot sa usa ka kasong gisang-at batok niya, human wala togoti nga makalayag ang usa ka barge nga walang angkla niadtong district commander pa siya sa PCG Western Visayas.
Matapos ang suspensyon ni Tan sa Enero 2013 apan karong Disyembre 16 ang compulsary retirement niini. (PIA-Bohol/ecb/p-gg)
by aimee | Dec 13, 2012 | Headlines, National News
TAGBILARAN CITY, Bohol, Dec. 13 (PIA)–Mikabat na sa kapin P15 bilyon ang kantidad sa kadaut nga gibilin sa Bagyong Pablo sa nasud.
Base sa talaan sa National Disaster Risk Reduction and Management Council (NDRRMC) ganinang alas-10:00 sa buntag, mokabat sa P15,109,881,128.05 ang kinatibuk-ang kadaut sa bagyo.
P9,695,372,515.05 sa maong kantidad ang kadaut ni “Pablo” sa agrikultura apil na ang mga dagkung sagingan sa Davao region samtang P5,365,549,200 ang kadaut sa bagyo sa mga imprastrakturang gipanag-iya sa gobyerno.
Halos 50 milyon usab niini ang sa mga pribadong kabtangan nga nadaut ni “Pablo.”
Gibanabanang mokabat usab sa 148,887 ang gidaghanon sa mga nagubang balay ug 528,750 ka pamilya ang apektado sa bagyo. (PIA-Bohol/ecb/I-cc)
by aimee | Dec 13, 2012 | Headlines
TAGBILARAN CITY, Bohol, Dec. 13 (PIA)–Gikumpirmar kagahapon sa Department of Budget and Management (DBM) nga magsugod na sa Disyembre 14 ang pagpanghatag sa P5,000 isip Productivity Enhancement Incentive (PEI) sa mga kawani sa gobyerno.
Matud pa ni Budget Sec. Florencio “Butch” Abad, tanang kawani, unsa man ang ranggo o katungdanan makadawat sa maong bonus.
Dugang pa ni Abad, apil sa mga eligible sa PEI ang mga civilian personnel nga nagtrabaho isip regular, contractual o casual positions, appointive man o elective o mga nagtrabaho isip full time o part-time.
Apil na usab niini ang mga military personnel sa Armed Forces of the Philippines, Department of National Defense ug uniformed personnel sa Philippine National Police, Bureau of Fire Protection, Bureau of Jail Management and Penology, Philippine Coast Guard ug National Mapping Resource Information Authority.
Bisan ang mga kawani sa local government units (LGUs) ug ang mga naa sa government owned and controlled corporations (GOCCs) makadawat usab sa maong bonus.
“Our efforts to reform the bureaucracy will be successful only if we can make the most of the talents of our public servants. The PEI is one of the ways through which we hope to motivate our government workers so they are better-positioned to serve the Filipino public,” matud pa ni Abad.
“Before the Administration took over, there was no set date for the release of PEI. In 2010, however, President Aquino decided to fix the release period to December each year, not only to establish national government savings in a credible, transparent way, but also to help our 1.25 million government employees deal with yuletide expenses,” dugang pa ni Abad. (PIA-Bohol/ecb/I-hd)
by aimee | Dec 12, 2012 | Headlines, National News
TAGBILARAN CITY, Bohol, Dec. 12 (PIA)–Makusganong gikondenar sa gobyerno ang pagpalupad og rocket sa North Korea ganinang buntag.
Sa opisyal nga pahayag sa Department of Foreign Affairs (DFA), giingong nisupak ang Democratic People’s Republic of Korea (DPRK) sa United Nations Security Council (UNSC) Resolutions 1695 (2006), 1874 (2009) ug 1718 (2006) nga nagdili sa paggamit o pagpalupad og bisan unsang matang sa ballistic missile technology.
Kalabot niini, gi-aghat sa gobyerno ang NoKor nga undangon na ang paggamit sa maong teknolohiya ug makig-hiusa sa international community sa pagduso sa kalinaw ug kahapsay sa Asya.
“The Philippines firmly urges the DPRK to desist from acts of provocation and to end its use or testing of ballistic missile technology.”
“The Philippines joins other governments in urging the DPRK to undertake steps towards confidence-building and engagement with the international community in order to ensure peace and stability in the Korean Peninsula and the entire Asia Pacific region.”
Una nang nagpalupad og rocket ang North Korea ganinang alas-8:49 sa buntag aron kuno maka-pwesto sa scientific satellite sa kawanangan.
Giingong mihagsa ang debris niini sa gilay-ong 300 kilometers (km) sa sidlakang bahin sa Pilipinas. (PIA-Bohol/ecb/I-sjp)
by aimee | Dec 12, 2012 | Headlines, National News
TAGBILARAN CITY, Bohol, Dec. 12 (PIA)–Gilagdaan na ni Presidente Benigno “Noynoy” Aquino III ang Armed Forces of the Philippines (AFP) Modernization Act.
Gipalapdan niini ang bag-ong 15 ka tuig nga proyektong modernisasyon sa AFP gamit ang P75 bilyon sa unang lima ka tuig.
Tungod niini, makapalit na ang Armadong Kusog sa nasud og mga bag-ong kagamitan sama sa mga eroplano ug helikopter alang sa Air Force, mga moderno ug de-kalidad nga barko alang sa Navy, mas paspas nga mga tangke ug sakyanan alang sa pagresponde sa Army ug mga de-kalibreng armas alang sa tibuok kasundaluhan.
Matud pa ni Defense Undersecretary for Finance, Munitions, Installations and Materiel Fernando Manalo, may higayon na ang nasud nga makab-ot ang minimum credible defense posture o pagmatuod nga adunay katakos kining idepensa ang teritoryo niini. (PIA-Bohol/ecb/I-gg)
Sin tax, epektibo na sa Enero 2013
TAGBILARAN CITY, Bohol, Dec. 12 (PIA)–Giratipikahan na kagabii sa Senado ang bicameral conference committee report nga nagtinguhang ipasaka ang excise taxes sa mga bino ug sigarilyo.
Matud pa ni Senator Franklin Drilon, acting chairman sa Senate Committee on Ways and Means, gipaabot nilang mahimong epektibo ang sin tax reform law sa pagsulod sa Enero 1, 2013.
Gilauman nga mokabat ngadto sa P33.96 bilyon ang dugang buhis nga makolekta sa gobyerno gikan sa bino ug sigarilyo.
Nagkauyon ang mga magbabalaod nga matag pakete sa sigarilyo ang buwis nga idugang sa pagsulod sa Enero 1, 2013 ang P12 sa matag pakete; P15/pack sa 2014; P18/pack sa 2015; P21/pack sa 2016 ug unitary rate nga P30 sa matag pakete sa 2017.
Ang upat nga porsiyentong pagsaka nga P30 sa matag pakete magsugod pa sa 2018 ug sa mga mosunod pang tuig. (PIA-Bohol/ecb/I-ed)
