by magnolia_eic | Jul 7, 2011 | Headlines, National News
TAGBILARAN CITY, Bohol, July 6 (PIA)– Gipahayag sa tigpamaba sa Supreme Court nga siAtty. Midas Marquez nga inay nga Temporary Restaining Order (TRO), 10 ka adlaw ang gihatag sa korte sa mga respondents aron iduso ang ilang komento. Kini human mapakyas ang mga misupak sa postponement sa piniliay sa Autonomous Region inMuslim Mindanao (ARMM) sa TRO batok sa planong pagbalhin sa regional elections sa sunod nga buwan.
Kagahapon, nihangyo sa SC ang mga Muslim groups kauban si kanhi Senate President Aquilino Pimentel nga magpagawas kini og temporary restraining order batok sa implementasyon sa Republic Act No. 10153. Ubos sa balaod, ibalhin una ang lokal nga piniliay aron idungan sa May 2013 mid-term elections. Gihatagan usab niini og gahum si Presidente Aquino nga magbutang og mahimong officer-in-charge sa regional government.
Sa naunang pahayag ni Commisison on Elections Chairman Sixto Brillantes, miingon kini ngamanginahanglan sila og duha ka buwan aron mapangandaman ang piniliay sa ARMM. Bisan kulang sila sa panahon, giingong andam pa gihapon ang poll body nga mosunod kun unsaman ang imando sa SC. (PIA-Bohol/ecb)
by magnolia_eic | Jul 6, 2011 | Headlines, National News
TAGBILARAN CITY, Bohol, July 5 (PIA)–Migawas sa mga dokumento gikan sa Philippine Charity Sweepstakes Office (PCSO) nga sila si Kongresista Erico Aumentado ug Talibon Mayor Roberto Cajes milampos sa pagpagawas sa mga ambulansya alang sa ilang mga dapit isip mga gipaboran nga kaalyado sa administrasyon ni kanhi Presidente Gloria Macapagal Arroyo.
Ang maong taho napatik sa mga nasudnong pamantalaan nga mihingan ni Aumentado nga apil sa 65 ka mga gobernador nga Pro-Arroyo nga nakakuha sa labing daghang ambulansya atol sa katapusang upat ka tuig sa administrasyong Arroyo. Si Aumentado nakadawat sa 12 ka ambulansya isip gobernador sa Bohol diin ang lalawigan mipas-an sa 40% nga kantidad sa ambulansya. Samtang si Cajes nga naapil sa 29 ka mga Kongresista nga gipaboran sa mga tawo ni Arroyo nakadawat og usa ka ambulansya alang sa iyang distrito sa Bohol.
Ang tanang 29 ka mga Kongresista ug pipila ka mga gobernador, gawas ni Aumentado gikataho nga nakadawat sa mga ambulansya nga walay local counterpart nga nagkantidad og 40% sa gasto. Ang matag ambulansya mokantidad og mga usa ka milyon ka pesos ug sa patakaran sa
PCSO, ang benepisyaryo moabaga gayud sa 40% niini. (PIA-Bohol/ecb)
by magnolia_eic | Jul 6, 2011 | Headlines, National News
TAGBILARAN CITY, Bohol, July 5 (PIA)–Miseguro ang Commission on Elections (COMELEC) nga andam silang mosunod sa mahimong desisyon sa Korte Suprema sa mga petisyong gipasaka nga mikuwestyon sa balaod nga nagbalhin sa piniliay sa Autonomous Region in Muslim Mindanao (ARMM) sa Agosto 8.
Matud pa ni Comelec Chairman Sixto Brillantes, gihulat na lamang nila ang mahimong pinal nga aksyon sa Korte Suprema ug andam silang mosunod niini. Kun imando sa Korte Suprema nga ipadayon ang piniliay sa ARMM, mangayo sila og dugang duha ka buwan aron maandam ang tanang mga kinahanglanon apan mahimong mano- mano na lamang kini og dili na automated tungod sa kakulang sa preparasyon.
Gipahayag ni Brillantes nga apil sa mga pagpangandam sa Comelec ang bidding ug printing process nga nanginahanglan og igong panahon. (PIA-Bohol/ecb)
by magnolia_eic | Jul 6, 2011 | Headlines, National News
TAGBILARAN CITY, Bohol, July 5 (PIA)–Gimando sa Office of the Ombudsman ang pag- imbestiga kang kanhi presidente ug karon Pampanga Congresswoman Gloria Macapagal-Arroyo sa isyu kalabot sa P728 milyong fertilizer fund scam.
Sa gipagawas nga kamanduan ni acting Ombudsman Orlando Casimiro nga gibasa sa tigpamaba sa Ombudsman nga si Atty. Mary Rawnsle Lopez, gi-aprubahan ni Casimiro an pagtukod og fact-finding team aron mag-imbestiga kang Arroyo base na usab sa reklamo nga gisang-at ni kanhi Solicitor General Attorney Frank Chavez ug sa grupong Kilusang Magbubukid ng Pilipinas (KMP).
Samtang gibasura usab ni Casimiro ang nauna nang rekomendasyon nga ma-dismiss ang maong kaso batok kang Arroyo tungod sa kakulang og lig-on nga ebidensya. Pasabot sa Ombudsman, tataw nga ang secretary mao ang alter ego sa presidente nga adunay direktang kontrol ug nagduma sa mga cabinet secretary.
Tuyo sa maong kamanduan sa Ombudsman nga mahibaw-an kun unsa man ang tulobagon ni Arroyo sa paggasto sa fertilizer fund ug diin kini padung. Gawas kang Arroyo, kauban usab nga pa-imbestigahan sa Ombudsman si kanhi Agriculture Undersecretary Jocelyn ‘Joc-joc’ Bolante.
Posible usab nga ipatawag sa gitukod nga fact-finding team sa Ombudsman si Arroyo. (PIA Bohol/ecb)
by magnolia_eic | Jul 5, 2011 | Headlines, National News
THE Judicial and Bar Council has voted on the list of nominees to fill up the shoes vacated by resigned Ombudsman Merceditas Gutierrez.
Included in the JBC’s shortlist is former Supreme Court Justice Conchita Carpio-Morales,believed to be the favorite of President Benigno Aquino III among the 27 aspirants. Moralesadministered President Aquino’s oath of office last year.
Also included in the list are Justice Undersecretary Leah Armamento, former Justice SecretaryArtemio Tuquero and Presidential Commission on Good Government Commissioner Gerard Mosquera, according to Supreme Court spokesperson Jose Midas Marquez.
Their names will be submitted to President Aquino who has 90 days to make his choice.
by magnolia_eic | Jul 5, 2011 | Headlines, National News
TAGBILARAN CITY, Bohol, July 4 (PIA)– Pormal nang nanumpa sa katungdanan si kanhi Senador Mar Roxas isip bag-ong kalihim sa Department of Transportation andCommunications (DOTC). Mismong si Presidente Benigno “Noynoy” Aquino III ang nagpanumpa sa katungdanan ganinang buntag kang Roxas sa usa ka hamubong seremonya sa Malakanyang kauban ang uban pang mga bag-ong gibutang nga opisyal gikan sa ubang departamento.
Kauban ni Roxas sa iyang oath taking ang asawang si Korina Sanchez, inahan nga si JudyAraneta-Roxas ug anak nga si Paolo.
Sa pakighinabi sa mga tigbalita kang Roxas, miingon kini nga sa wala pa sila mideretso sa Malakanyang, niadto una sila sa lubnganan sa iyang amahan og igsuon aron sa pag-ampo.
Giseguro sa bag-ong kalihim nga makigpulong dayon siya sulod ning semanaha sa mga ahensyang ubos sa DOTC aron makisayud sa sitwasyon ug problema sa maong mga ahensya. Giingong mopahigayon usab siya og assessment kun maayo ba ang nahatag nga serbisyo-publiko sa matag ahensya ug isapinal ang mga priority projects niini aron makahimo og coherent program.
Gitataw usab sa kalihim nga personal niyang inspeksyunon ang mga bus terminal aron maimbentaryo ang mga prangkisa ug masolbad na ang problema sa colorum. (PIA-Bohol/ecb)
