by aimee | Sep 2, 2013 | Health and Medicine, National News
TAGBILARAN CITY, Bohol, Sept. 2 (PIA)–Gipasidan-an sa Food and Drugs Administration (FDA) ang publiko sa pagpalit og Citrange vitamin syrup.
Sa gipagawas nga FDA Advisory No. 2013-030, sa online report nga nadawat sa ilang buhatan pinaagi sa ilang eReport system, nakadawat sila og sumbong gikan sa usa ka inahan gikan sa Cagayan Valley kalabot sa gidudahang Citrange syrup nga gibaligya sa mga tunghaan sa ilang lugar.
Giingong sa presyong P380, maayo ang mga batang adunay hubak ug molagsik pa tungod sa giingong sangkap niini nga may vitamin C, honey bee ug royal jelly.
Nakumbinsi ang mga ginikanan sa pagpalit niini tungod na usab sa usa ka sulat nga gipakita sa nagbaligya nga giingong gikan sa Department of Education (DepEd).
Apan sukwahi sa gisaad nga epekto, mireklamo ang mga ginikanan tungod kay gipangduka ug gikapoy pagtungha sa klase ang ilang mga anak human miinom sa maong supplement.
Padayon pa kining gi-imbestigahan sa FDA karon. Apan sa inisyal nga pakisusi, dili rehistrado sa FDA ang Citrange vitamin syrup.
Ang giinong manufacturer niini, ang Linderbergh Food Products Valley sa Valenzuela City, expired na ang FDA License to Operate (RDII-MM-F-2454) ug nihunong na sa ilang operasyon sukad Disyembre 2008.
Gitambagan sa FDA ang publiko ilabi na ang mga ginikanan nga magbantay gayud aron dili mailad niini.
Alang sa ubang kasayuran ug pangutana, mahimong mo email sa FDA pinaagi sa info@fda.gov.ph. Kun motaho sa mga unregistered health product, mahimong mo email lang sa report@fda.gov.ph. (PIA-Bohol/ecb)
by aimee | Sep 2, 2013 | Headlines, Health and Medicine
The Food and Drug Administration (FDA) has warned the public against buying and consuming unregistered vitamin C syrups for children.
In an advisory, the FDA reported that unregistered vitamin C syrups are being sold in schools in Cagayan Valley and possibly in other regions in the country.
The FDA is investigating reports that a health product labeled as “Citrange Syrup” is being sold at P380 in cash or on installment. The product reportedly contains vitamin C, honeybee and royal jelly, but the FDA said the peddler claims that it helps cure asthma and improves memory.
The FDA said some parents were deceived into buying the product not only because of the claimed benefits but because the peddler showed a letter allegedly from the Department of Education endorsing the product.
Parents said that after their children consumed the syrup, the kids became too sleepy and lazy to attend classes.
The report is still under FDA investigation. Initial findings of the FDA Inspectorate, however, showed that Citrange vitamin syrup is not registered with the FDA. The alleged manufacturer, Linderbergh Food Products Valley in Valenzuela City, has an expired FDA License to Operate (RDII-MM-F-2454) and has stopped operating since December 2008. As an FDA-licensed food manufacturer before, it manufactured flavored drink concentrates but not Citrange vitamin syrup.
FDA warns the public and consumers, especially the children and parents, not to fall prey to the marketing schemes of unscrupulous peddlers.
For more information and inquiry, kindly email the FDA via info@fda.gov.ph. To report any unregistered health product, please email us via report@fda.gov.ph. (FDA)
by aimee | Aug 12, 2013 | Headlines, Health and Medicine
TAGBILARAN CITY, Bohol, Aug. 12 (PIA)–Giseguro ni Senate President Pro-Tempore Ralph Recto nga dakung porsyento sa gigahin sa gobyerno nga P81.7 bilyon budget sa Department of Health for the National Health Insurance Program o NHIP ma-adto sa kapin upat ka milyong kabus nga pamilya sa atong nasud.
Matud pa ni Recto, P35.3 bilyon ang gigahin aron malista sa mga programang maayong panglawas ang 14,700,000 ka “poor and near-poor families”.
Tungod niini, tanang kabus o indigenous natong mga kababayan ang masakop ug maapil na sa health insurance.
Dugang pa ni Recto, apil sa gigahinan sa pondong health program sa gobyerno ang P2.8 bilyon alang sa Family Health and Responsible Parenting, Rotavirus Vaccination sa 2,400,00 masuso, P10.2 bilyon alang sa mga tambal ug vaccines nga nagkantidad og P2.8 bilyon alang sa 2,700,000 kabataan nga mopaubos sa programang “Expanded Program on Immunization”.
Gawas sa mga benepisyong makuha sa mga kabus natong kababayan sa DOH, mahatagan usab og trabaho ang 131 ka mga doctor ug 22,500 contractual nurses apil na sa 3,000 midwives nga ipakatap sa mga baryo o health centers sa nagkalain-laing dapit sa Pilipinas.
Matud pa ni Recto, P3 bilyon usab ang gigahin alang sa maong mga health workers.
Samtang P13.3 bilyon ang gigahin alang sa rehabilitation and construction sa 2,871 health facilities ug mga bag-ong equipment nga gikinahanglan niini diin ang 9 leading specialty hospitals, hatagan og P2.3 bilyon alang sa pagpatukod og mga bag-ong building ug medical equipment samtang gitun-an pa pag-ayo ang P4.3 blyon nga kantidad sa mga gamit o apparatus nga makatabang sa kapasidad sa mga centers nga maghatag og maayong pagsusi ug pagtambal sa mga nanginahanglan.
Tuyo sa pondong pang health program nga gigahin sa gobyerno nga matubag ang panginahanglan sa 962 barangay health stations, 1,265 health centers sa probinsiya, 561 hospital nga gidumala sa local nga kagamhanan ug 60 hospital nga ubos sa pagdumala sa DOH. (PIA-Bohol/ecb)
by aimee | Jul 18, 2013 | Health and Medicine
TAGBILARAN CITY, Bohol, July 18 (PIA)–Gipahibalo sa Department of Health (DOH) ang pag-apil na sa anti-pneumonia vaccine sa libreng bakuna nga makuha sa publiko sa mga health center isip parte sa immunization program sa buhatan alang sa mga bata.
Matud pa ni Health Secretary Enrique Ona, ang pneumonia ang ikaduhang hinungdan sa sayong kamatayon sa mga bata base sa 2010 statistics diin may natalang 2,628 nga namatay mao nga gi-apil na kini sa libreng bakuna.
“We are introducing the Pneumococcal Conjugate Vaccine (PCV) to the Philippine vaccination program for infants.
This is part of our goal to achieve better health outcomes and meet our health-related Millennium Development Goals by strengthening existing public health programs, such as expanding immunization interventions,” matud pa ni Ona.
Si Ona nagkanayon nga dili kasagaran mahatagan og PCV ang mga bata tungod na usab kay mahal man kini nga mokabat ngadto sa P2,050 matag bakuna samtang mogasto usab og P23,500 ang matag ginikanan kun magkasakit og pneumonia ang ilang mga anak mao nga daku kaayong tabang nga mahatagan dayon og bakuna batok sa sakit ang mga bata.
Gipasabot sa DOH nga unahon sa paghatag og libreng PCV ang taga Autonomous Region in Muslim Mindanao ug Caraga nga may pinakadaghang kaso sa pneumonia.
Gibanabanang naa sa 333,000 ka masuso nga may edad 0 hangtud 11 ka buwan ang mahatagan og libreng bakuna sa maong rehiyon ug isunod ang ubang mga rehiyon diin giingong target sa ahensya nga mabakunahan ang 2.4 milyong bata sa tibuok nasud. (PIA-Bohol/ecb)
Mga Pinoy sa Saudi, gipasidan-an sa mga pekeng marriage certificate
TAGBILARAN CITY, Bohol, July 18 (PIA)–Hugot nga gipasidan-an sa Philippine Embassy ang mga Pinoy sa Saudi Arabia kalabot sa paggamit og pekeng marriage certificate ug uban pang mga dokumento.
Matud pa sa embahada, daghang inahan nga may mga undocumented nga anak ang wala ma-repatriate ubos sa grace period nga gi-uswag hangtud Nobyembre 3 sa gobyerno sa Saudi Arabia tungod kay walay birth certificate nga gi-isyu ang embahada.
Giingong wala itugot sa embahada ang pagpa-meke og dokumento ug kun may masakpan sila, dili kini magduha-duhang isumbong sa mga pulis.
Gikinahanglan ang birth certificate sa pag-isyu og exit visa sa Saudi passport department.
Apan wala iparehistro sa embahada ang ubang mga bata tungod kay bunga man kini sa bawal nga pakig-relasyon. (PIA-Bohol/ecb)
by aimee | Jul 5, 2013 | Headlines, Health and Medicine
TAGBILARAN CITY, Bohol, June 05 (PIA)–Nipasidaan ang Department of Health (DOH) sa mga ginikanan nga bantayan ang ilang mga anak batok sa ‘WILD’ diseases karong panahon sa ting-klase ug ting-ulan.
Matud pa ni DOH assistant secretary Dr. Eric Tayag, uso na karong panahon sa ting-ulan ang gitawag nga ‘WILD’ diseases o Water-borne diseases, Influenza, Leptospirosis ug Dengue diseases.
Ang water-borne diseases mao ang mga sakit nga gikan sa kontaminadong tubig tungod na usab sa mga pagbaha. Daling mataptan niini ang mga estudyante nga mosulod sa eskwelahan.
Matud pa ni Tayag, kun maka-inom og kontaminadong tubig, mahimong magka-diarrhea o cholera ang usa ka bata mao nga angay magbinantayon ang mga ginikanan sa dehydration.
Samtang ang Influenza o trangkaso usab adunay sintomas nga ubo, sip-on ug hilanat.
Apan kun maglisud na o paspas na kaayo ang pagginhawa sa bata, angay na kining dalhon dayon sa tambalanan tungod kay mahimo kining mauli sa pulmonya.
Ug tungod kay gipaabot ang pagbaha sa pagsulod sa ting-ulan, gipa-amping sa DOH ang publiko batok sa Leptospirosis o ang bakteryang makuha sa baha nga kontaminado sa ihi sa ilaga.
Alang usab sa Dengue, maayo nga siguradohong walay lamok nga namuyo sa palibot.
Tambag sa DOH, magsul-ob og long sleeves ug pantalon aron dili mapaakan og lamok. (PIA-Bohol/ecb)
by aimee | Jun 28, 2013 | Headlines, Health and Medicine
TAGBILARAN CITY, Bohol, June 28 (PIA)–Angay seryosohon sa publiko ang pagpatuman sa 4 o’clock habit program aron malikayan ang posibilidad sa dengue storm sa nasud.
Ubos sa maong programa, ang publiko ug mga lider sa lokal nga kagamhanan gi-aghat nga magtinabangay sa pagpahigayon og halapad nga pagpanglimpyo sa palibot ug mga panimalay aron mapakgang ang mga posibleng breeding sites sa mga lamok.
Gipasabot ni Health Assistant Secretary Dr. Eric Tayag nga kun dili magtinabangay ang tanan, dili imposible ang dengue storm sa nasud ilabi na kun may bag-ong strain sa dengue nga mahimong predominant karong tuig.
Sa dengue storm, giingong mas daghang katawhan ang nameligro nga magka-dengue virus kun mokatap ang Type 2 o Type 4 strains.
Sa niaging tuig, ang predominant strains mao ang Type 1 ug Type 3, mao nga kun mahimong predominant ang Type 2 strain karong tuig, mahimong adunay mas grabeng kaso sa dengue.
Ang Type 2 strain mao ang most virulent strain sa dengue kun itandi sa Types 1, 3 ug 4. Samtang ang Types 1 ug 3 ang nahimong most common nga dengue strains sa nilabay nga tulo ka tuig.
Dinhi sa lalawigan sa Bohol, subling gilusad kagahapon sa mga kadagkuan sa Provincial Health Office ug sa kagamhanang probinsyal sa Bohol ang kampanya batok sa pagsumpo sa dengue.
“Hunong sa imong gimbuhaton matag alas 4:00 sa palis, pangitaa ang mga itloganan sa lamok ug iyabo kini, pamati sa imong mga opisyales sa barangay aron hibaw-an ang mga katikaran sa programa pagsumpo sa lamok” tambag ni Provincial Health Officer Dr. Reymoses Cabagnot.
Gibutyag ni Cabagnot nga gikan sa buwan sa Enero hangtud ning buwana, nikabat na sa 771 ka kaso sa dengue ang natala sa ilang buhatan ug 6 na ang gikataho nga namatay.
Gitahasan na usab ang tagsa-tagsa ka mga lokal nga kagamhanan nga maoy mangulo sa kampanya alang sa pagsumpo sa dengue pinaagi sa pagguba sa mga dapit nga posibleng breeding sites sa mga lamok.
Ning tuiga, gisagop sa nasud ang Stop, Look and Listen, ABKD Palig-onon. (PIA-Bohol/ecb)
