by aimee | Jan 2, 2014 | Headlines, National News
MANILA, Jan. 02 (PIA)–Gilagdaan na ni Presidente Benigno ‘Noynoy’ Aquino III ang P14.6 bilyon nga supplemental budget nga gamiton alang sa padayon nga rehabilitation efforts sa mga lugar nga gi-again sa sunod-sunod nga kalamidad sa niaging tuig.
Matud pa ni Presidential Communications Operations Office (PCOO) Sec. Herminio Coloma Jr., gilagdaan na sa Presidente ang maong pondo niadto pang Disyembre 26.
Kahinomdoman nga gigahin na ang maong pondo gikan sa wala nagamit nga Priority Development Assistance Fund (PDAF) sa mga magbabalaod niadtong 2013.
Ang maong pondo gamiton alang sa paggasto sa mga calamity-related funds.
Kahinomdoman nga ubos sa naratipikahang P2.264 trilyon 2014 national budget, nahisulod usab didto ang P100 bilyon nga rehabilitation ug reconstruction fund alang sa mga lugar nga naagian sa bagyo, linog ug sa nahitabong krisis sa syudad sa Zamboanga. (PIA7-Bohol/ECB)
by aimee | Dec 27, 2013 | Headlines, National News
MANILA, Dec. 27 (PIA)–Giseguro sa Malakanyang nga himuon ang tanang lakang sa gobyerno aron masumpo ang Mexican drug cartel nga giingong naglihok na karon sa Pilipinas.
Matud pa ni Kalihim Herminio “Sonny” Coloma, Jr. sa Presidential Communications Operations Office (PCOO) nga katungdanan sa mga alagad sa balaod nga dakpon ang bisan kinsang molapas sa balaod aron mapanalipdan ang katawhan.
“Siyempre po, pag-iibayuhin ang pagsisikap para masabat o mahuli ang mga lumalabag sa batas, pigilin ang kanilang krimen at pangalagaan ang kapakanan ng mga mamamayan,” matud pa ni Coloma.
Gipasusi na sa Malakanyang sa Bureau of Immigration (BI) ang record sa Interpol sa mga nalambigit sa Mexican drug cartel nga naa sa Pilipinas karon dala ang kilo-kilong shabu aron ibaligya.
Giingong gitugyan na usab sa BI ang pagsusi sa entry records sa mga miyembro sa Mexican Sinaloa drug syndicate.
Una niini, gibutyag kagahapon ni Philippine Drug Enforcement Agency (PDEA) Director General Arturo Cacdac, Jr., nga nakasulod na sa Pilipinas ang gikahadlokang Sinoloa drug syndicate sa Mexico.
Kini human sa ilang operasyon sa Batangas diin nasakmit nila ang 84 kilos nga methamphetamine hydrochloride o shabu nga nagkantidad og P420 milyon.
Matud pa ni Cacdac nga ang nasud sa Mexico ang labing ulahing foreign country nga nag-operate og smuggled illegal drugs, partikular na ang shabu dinhi sa nasud gawas pa sa mga nasud sa China ug West African. (PIA7-Bohol/ECB)
by aimee | Dec 26, 2013 | Headlines, National News
The Philippine Overseas Employment Administration (POEA) has expanded its facilities to serve thousands of vacationing overseas Filipino workers that will need their exit clearance.
However, POEA Administrator Hans Leo Cacdac said that the additional processing centers will not process exit clearance of household service workers, undocumented workers with no existing record at the POEA database, workers who have changed employers, workers bound for restricted/banned countries, workers who are in the watchlist and workers whose employers are watchlisted.
The POEA has set up counters at PAG-IBIG in Makati City and at the OWWA central office in Pasay City aside from the Balik-Manggagawa offices in Trinoma, Quezon City, Duty Free Paranaque and SM Manila.
The POEA has also adjusted office hours in their central office in Ortigas to accommodate those who will be coming early in the morning.
On December 26 and January 2, 3 and 6, Balik-Manggagawa counters will open at 6:00 A.M. Counters will also open on January 4 (Saturday) from 8:00 A.M. to 12:00 noon.
To spare themselves from the long lines at the POEA offices, Cacdac is reminding returning OFWs to make use of the Balik-Manggagawa online appointment system available at bmappointment.poea.gov.ph.
OFWs may also get their exit clearance or OEC at the POEA regional offices while they are in their respective provinces.
The documentary requirements for those using the appointment system and walk-in processing are the same: Passport valid for 6 months from time of departure, valid working visa/work permit and proof of employment such as certificate of employment, company ID, pay slip, and other equivalent document. (POEA/PIA)
by aimee | Dec 26, 2013 | National News
MANILA, Dec. 26 (PIA)–Gipahibalo karon sa gobyerno nga mohatag kini og unom ka buwan nga gun amnesty aron sa pag-aghat sa mga nanag-iya og pusil sa tibuok nasud nga ipa-rehistro ang ilang mga pusil.
Base kini sa pagsunod sa gipahugtang balaod sa pagpanag-iya og pusil ubos sa Republic Act 10591 o ang bag-ong Gun Control Law sa nasud.
Ubos niining balaod, may unom ka buwang amnestiya alang sa mga nanag-iya og pusil nga napakyas o wala magpa-lisensya sa pusil, sa panahong ipatuman ang implementing rules and regulations (IRR) niini.
Gipahinumdoman sa Philippine National Police (PNP) ang mga sibilyan sa bug-at nga silot sa mga nanag-iya og ilegal nga pusil diin kun kaniadto 4 hangtud 6 ka tuig lamang nga pagkabilanggo ang silot sa mga masakpang nagkupot og mga low firearms o Class A firearms nga walay dokumento, gisaka na kini karon ngadto sa 10 hangtud 12 ka tuig nga pagkabilanggo og gawas pa sa multa.
Samtang adunay silot nga 6 hangtud 8 ka tuig sa mga gun owner nga masakpang magdala og armas sa gawas sa balay nga wala’y ‘permit to carry firearm outside residence’ nga kaniadto 6 ka buwan hangtud 6 ka tuig nga pagkabilanggo lamang ang silot.
Sa talaan sa PNP, naa sa 600,000 ka pusil ang makonsiderar nga dili lisensyado, samtang 25,000 usab ang giingong naa sa kamot sa mga sindikato ug kriminal. (PIA7-Bohol/ECB)
Mga pasahero sa barko, gipahinumdoman nga bawal magdala og paboto
MANILA, Dec. 26 (PIA)–Subling gipahinumdoman sa Philippine Coast Guard (PCG) ang mga pasahero sa barko nga bawal ang pagdala og mga paboto.
Nanawagan ang PCG sa tanang mo-biyahe o mosakay og barko nga sundon gayud ang mga gipatuman nga gi-dili karong Pasko ug sa nagsingabot nga Bag-ong Tuig.
Matud pa ni Coast Guard Spokesperson Commander Armand Balilo nga gawas sa mga hait nga hinagiban, ilegal nga droga ug mga pusil nga walay papeles, bawal usab ang pagdala og paboto sa mga pasahero sa barko.
Alang sa mga negosyanteng magbiyahe og paboto, kinahanglang may dala silang kumpleto nga dokumento sa kargamento ug ipadala kini sa cargo vessel lamang ug dili mahimong i-uban sa mga passenger vessel.
Samtang giseguro usab sa PCG nga hugot nilang gipatuman ang seguridad alang na usab sa publiko. (PIA7-Bohol/ECB)
by aimee | Dec 26, 2013 | National News
MANILA, Dec. 26 (PIA)–Gipalapdan pa sa Philippine Overseas Employment Administration (POEA) ang ilang serbisyo alang sa libuan ka bakasyonistang overseas Filipino workers (OFWs) nga nanginahanglan og exit clearance.
Apan matud pa ni POEA Administrator Hans Leo Cacdac, adunay mga dugang processing centers nga dili mo-process og exit clearance sa mga household service workers, undocumented workers nga walay existing record o wala sa POEA database, mga OFWs nga nag-usab og employers, OFWs nga paingon sa mga restricted/banned nga nasud, kadtong mga naa sa watchlist ug mga trabahante kinsang mga employers naa sa watchlist.
Ang POEA nagbutang ug mga counters sa buhatan sa PAG-IBIG sa syudad sa Makati ug sa OWWA Central Office sa syudad sa Pasay, gawas pa sa Balik-Manggagawa offices sa Trinoma sa syudad sa Quezon, Duty Free Paranaque ug sa SM Manila.
Gi-adjust usab sa POEA ang ilang office hours sa ilang Central Office sa Ortigas aron ma-maalagaran kadtong sayo sa buntag moadto sa ilang buhatan.
Sa Disyembre 26 ug Enero 2, 3 ug 6, abli sa alas 6 sa buntag ang Balik-Manggagawa counters. Abli usab sila sa Enero 4 (Sabado) gikan alas 8 sa buntag hangtud alas 12 sa udto.
Aron malikayan ang taas nga pila sa buhatan sa POEA, gi-awhag ni Cacdac ang mga mobalik nga OFWs nga mobisita sa ilang Balik-Manggagawa online appointment system nga makita sa bmappointment.poea.gov.ph.
Mahimo usab makuha sa mga OFWs ang ilang exit clearance o OEC sa mga POEA regional offices samtang naa pa sila sa ilang mga probinsiya.
Ang documentary requirements alang sa mga mogamit sa ilang appointment system ug walk-in processing susama lamang nga mao ang: Passport valid for 6 months from time of departure, valid working visa/work permit ug proof of employment sama sa certificate of employment, company ID, pay slip, ug uban pang equivalent document. (PIA7-Bohol/ECB)
by aimee | Dec 20, 2013 | National News
MANILA, Dec. 20 (PIA)–Nakatala og pinakadakung kabag-ohan ang Pilipinas sa larangan sa
business regulation base sa taho sa International Finance Corporation sa World Bank.
Nisaka sa 30 ka pwesto ang Pilipinas diin gikan sa ika-138, naa na karon sa ika-108 ang
Pilipinas sa mga nasud sa tibuok kalibotan.
Tungod niini, nasulod ang Pilipinas sa ‘top 10 economies improving the most in 2012-2013’.
Ang ubang nasud nga nasulod mao ang Ukraine, Rwanda, the Russian Federation, Kosovo,
Djibouti, Cote d’ Ivoire, Burundi, the former Yugoslav Republic of Macedonia, ug Guatemala.
“According to the report, the Philippines made significant improvements in the areas of securing
construction permits, providing access to credit information and streamlining the process of
paying taxes. We will continue to pursue reforms and policies that will create conditions
conducive to the growth and competitiveness of businesses that play a crucial role in the
attainment of inclusive and sustained economic growth,” matud pa ni Presidential
Communications Operations Office (PCOO) Sec. Sonny Coloma. (PIA7-Bohol/ECB)
