by aimee | Sep 2, 2013 | Health and Medicine, National News
TAGBILARAN CITY, Bohol, Sept. 2 (PIA)–Gipasidan-an sa Food and Drugs Administration (FDA) ang publiko sa pagpalit og Citrange vitamin syrup.
Sa gipagawas nga FDA Advisory No. 2013-030, sa online report nga nadawat sa ilang buhatan pinaagi sa ilang eReport system, nakadawat sila og sumbong gikan sa usa ka inahan gikan sa Cagayan Valley kalabot sa gidudahang Citrange syrup nga gibaligya sa mga tunghaan sa ilang lugar.
Giingong sa presyong P380, maayo ang mga batang adunay hubak ug molagsik pa tungod sa giingong sangkap niini nga may vitamin C, honey bee ug royal jelly.
Nakumbinsi ang mga ginikanan sa pagpalit niini tungod na usab sa usa ka sulat nga gipakita sa nagbaligya nga giingong gikan sa Department of Education (DepEd).
Apan sukwahi sa gisaad nga epekto, mireklamo ang mga ginikanan tungod kay gipangduka ug gikapoy pagtungha sa klase ang ilang mga anak human miinom sa maong supplement.
Padayon pa kining gi-imbestigahan sa FDA karon. Apan sa inisyal nga pakisusi, dili rehistrado sa FDA ang Citrange vitamin syrup.
Ang giinong manufacturer niini, ang Linderbergh Food Products Valley sa Valenzuela City, expired na ang FDA License to Operate (RDII-MM-F-2454) ug nihunong na sa ilang operasyon sukad Disyembre 2008.
Gitambagan sa FDA ang publiko ilabi na ang mga ginikanan nga magbantay gayud aron dili mailad niini.
Alang sa ubang kasayuran ug pangutana, mahimong mo email sa FDA pinaagi sa info@fda.gov.ph. Kun motaho sa mga unregistered health product, mahimong mo email lang sa report@fda.gov.ph. (PIA-Bohol/ecb)
by aimee | Sep 2, 2013 | National News
TAGBILARAN CITY, Bohol, Sept. 2 (PIA)–Mahinungdanon alang sa gobyerno ang desisyon sa France sa pagpapas sa Pilipinas sa listahan sa mga ‘non-cooperative states’ kalabot sa gipahigayong imbestigasyon sa mga kaso sa foreign aid fraud.
Matud pa ni Department of Finance Secretary Cesar Purisima, ang pagkatangtang sa nasud sa maong listahan maoy bunga sa padayon nga repormang gipatuman sa administrasyon batok sa mga anomaliya ug tax evasion.
Sa bag-ong listahan sa France, wala na naapil ang Pilipinas sa mga nasud nga gidid-an sa paggamit sa French banks isip “source” sa ilang mga development funds.
Apil sa listahan sa mga blacklist ang mga nasud nga walay gihimong aksyon batok sa mga kaso sa foreign aid fraud sama sa Bermuda, British Virgin Islands, Botswana, Brunei, Guatemala, Marshall Islands, Montserrat, Nauru ug Niue. (PIA-Bohol/ecb)
Garlic ug onion growers, magpatabang kang PNoy batok smuggling
TAGBILARAN CITY, Bohol, Sept. 2 (PIA)–Mismong kang Presidente Benigno ‘Noynoy’ Aquino III na moduol ang mga onion ug garlic growers sa nasud tungod sa giingong padayon nga pagsulod sa mga smuggled nga ahos ug sibuyas sa nasud.
Sa panagpulong nga gipatawag sa pangulo sa Sibuyas ng Pilipino Ating Alagaan (SIPAG) nga si Francisco U. Collado sa kaulohan nga gitambungan sa kapin 100 ka mag-uuma ug onion growers, gihangyo niini nga ipahunong na ni PNoy sa Department of Agriculture (DA) ang paghatag og import permit sa usa ka grupo nga giingong usa ka sindikato.
“Ang pagbaha ng imported na sibuyas at bawang sa bansa ay pumapatay sa aming kabuhayan dahil bagsak ang presyo ng mga sibuyas at bawang galing China at Vietnam o karatig bansa. Kaya kay Pangulong Aquino na namin dadalhin ang isyung ito dahil tiyak na kikilos ito para na rin sa kapakanan naming maliliit”, pasabot ni Collado.
Una nang nataho nga giingong usa ka grupo lamang nga gipangulohan sa gi-ila nga usa ka Leah Cruz ang nahatagan og import permit (IP) sa Bureau of Plants Industry (BPI) ug DA alang sa sibuyas ug ahos nga gatusan ka container kun ipasulod sa nasud matag buwan.
Giingong dugay nang gi-reklamo sa grupo kang Sec. Proceso Alcala kining maong problema apan pakyas kini sa pag-aksyun. (PIA-Bohol/ecb)
by aimee | Aug 30, 2013 | National News
TAGBILARAN CITY, Bohol, Aug. 30 (PIA)–Walay plano ang gobyerno sa Estados Unidos nga magtukod og permanenteng military base sa Pilipinas.
Kini ang gipahayag ni United States Secretary of Defense Chuck Hagel human sa ilang courtesy call kang Presidente Benigno ‘Noynoy’ Aquino III sa Malakanyang ganinang buntag.
Gibutyag ni Hagel sa joint press conference nga ang gimugna nga framework agreement usa ka bag-ong modelo lamang alang sa dugang rotational presence sa rehiyon.
Matud pa ni Hagel, sigurado siyang mapahimoslan sa Estados Unidos ug Pilipinas ang maong kasabotan.
Dungan niini, subling gipasalig ni Hagel nga magpadayon ang maayong relasyon sa Estados Unidos ug Pilipinas.
Nanghinaot usab sila nga makab-ot na ang malinawon nga resolusyon sa territorial dispute sa West Philippine Sea. (PIA-Bohol/ecb)
CA, gimanduan ang AMLC nga susihon ang 400 bank accounts ni Napoles
TAGBILARAN CITY, Bohol, Aug. 30 (PIA)–Gimanduan sa Court of Appeals ang Anti-Money Laundering Council o AMLC nga susihon ang bank ug financial accounts ni Janet Lim-Napoles, mga miyembro sa iyang pamilya, staff, ug non-government organizations nga giingong iyang hinimo.
Nakabutang sa 24 ka pahinang resolusyon nga gisulat ni CA Associate Justice Normandie Pizarro nga sakop sa maong resolusyon ang kapin 400 ka financial accounts ni Napoles.
Gihatagan usab sa appellate court ang AMLC og lima ka buwan aron susihon ang maong mga accounts ug gitahasan nga mohatag og report sa korte sulod sa 10 ka adlaw.
Gawas kang Napoles, sakop usab sa kamanduan ang mga mga miyembro sa pamilya Napoles nga silang Jo Christine Napoles, Jaime Garcia Napoles, James Christopher Lim Napoles, Jean/Jane Catherine Lim Napoles, John Christian Lim Napoles, Reynald Lim, ug Ronald Francisco Lim.
Bisan ang account sa pork barrel whistleblower nga si Benhur Luy ipasusi usab sa hukmanan apil na sa inahan niini nga si Gertrudes, ug mga accounts nila Arthur Luy, Merlina Sunas, Evelyn Ditchon De Leon, Marina Sula, Nova Kaye Dulay Batal, ug Simonette Briones.
Apil sa mga bangko nga sakop sa maong kamanduan ang Hongkong and Shanghai Bank, Citibank, Bank of the Philippine Islands, Land Bank of the Philippines, Banco De Oro, Metrobank, ug United Coconut Planters Bank.
Niadtong Agosto 16, nagpagawas og freeze order sa accounts ni Napoles ang CA human siya ang gitumbok nga utok sa multi-bilyun pisong pork barrel fund scam. (PIA-Bohol/ecb)
by aimee | Aug 30, 2013 | Headlines, National News
TAGBILARAN CITY, Bohol, Aug. 30 (PIA)–Sa ika-upat nga higayon, nitala na usab sa kapin sa 7% ang gross domestic product (GDP) sa nasud ubos sa administrasyong Aquino.
Sa pinakaulahing taho sa National Statistical Coordination Board (NSCB), nitala sa 7.5% ang GDP sa nasud sa ikaduhang kwarter sa 2013.
Tungod niini, naa sa 7.6% karon ang paglambo sa ekonomiya sa nasud sa unang unom ka buwan ning tuig.
Gikalipay kini sa Malakanyang ang 7.5 porsyento nga paglambo sa ekonimiya sa second quarter ning tuig.
Miingon si Presidential Spokesperson Edwin Lacierda nga bisan pa sa problema sa ekonomiya sa ubang nasud sa kalibotan, nagpabiling lig-on ang Pilipinas.
Dugang pa ni Lacierda, resulta kini sa maayong pagdumala sa administrasyong Aquino.
Apan dili pa kontento niini ang Malakanyang hangtud dili makab-ot ang inclusive growth sa tanan.
“We welcome the pronouncement that the Philippine economy grew by 7.5 percent in the second quarter this year, making the country the best performer among emerging economies in the ASEAN region and growing at par with the People’s Republic of China,” matud pa ni Lacierda. (PIA-Bohol/ecb)
Capt. Raul Ubando, bag-ong PSG chief ni PNoy
TAGBILARAN CITY, Bohol, Aug. 30 (PIA)–Gitudlo ni Presidente Benigno ‘Noynoy’ Aquino III isip bag-ong pangulo sa Presidential Security Group (PSG) ang iyang senior military aide nga si Navy Captain Raul Ubando sa gibiyaang puwesto ni B/Gen. Ramon Mateo Dizon.
Human sa 30 ka tuig nga pag-alagad, me-retiro na karong adlawa si Dizon.
Si Dizon mi-alagad sa PSG sa tulo ka presidente sa Pilipinas nga sila si Presidente Corazon Aquino, Fidel Ramos ug karon kang Presidente Noynoy Aquino.
Miyembro sa PMA Batch 1985, si Ubando mi-alagad sa pangatungdanan ubos nilang Presidente Cory Aquino ug Fidel Ramos.
Ganinang alas-4:00 sa hapon, gipangunahan ni Presidente Aquino ang pagpanumpa ni Ubando ug turn-over of ceremony sa PSG Grandstand sa Malacañang Park. (PIA-Bohol/ecb)
by aimee | Aug 30, 2013 | National News
Defense Secretary Voltaire Gazmin said the Philippines and the United States (US) continue to seek
ways to develop each other’s capabilities to address the security challenges of mutual concern and
contribute to regional peace and stability.
“Our alliance remains relevant today as it was before,” Gazmin said in his remarks during the press conference on the visit of U.S. Defense Secretary Chuck Hagel to Manila held at the Heroes’ Hall of Malacanang Palace on Friday.
Hagel is in Manila as part of his four-nation trip to South-East Asia.
“As fellow members of the ASEAN defense ministers’ meeting (ADMM)-plus, which was convened for the second time yesterday (Thursday) in Brunei Darussalam, the defense establishments of our two countries deemed it important to enhance our relations not only as allies but also as fellow stakeholders of regional security,” Gazmin said.
Hagel’s visit to Manila coincides with the 62nd anniversary of the signing of the Philippines-US Mutual Defense Treaty.
“The visit of U.S. Defense Secretary Chuck Hagel to the Philippines coincides with an important date for Philippines-U.S. defense relations for it was on August 30, 1951 that the Mutual Defense Treaty was signed,” Gazmin said.
“The defense relations between our two countries have evolved since then. From military-to-military relations between the Armed Forces of the Philippines and the U.S. Pacific Command, we have begun conducting policy consultations between our defense establishments,” Gazmin added.
In addition to the bilateral strategic dialogue between senior officials from the Defense and Foreign Affairs Departments of the Philippines and the US, which was first held in 2011, Gazmin said the two countries held the two-plus-two ministerial consultations between the secretaries of the Philippine and U.S. Defense and Foreign Affairs Departments in April 2012.
Gazmin said the Philippines and US Defense departments are focusing on key areas of cooperation, including maritime security, humanitarian assistance, and disaster response, and cyber security and information sharing. (PND)
by aimee | Aug 29, 2013 | Headlines, National News
TAGBILARAN CITY, Bohol, Aug. 29 (PIA)–Giseguro karon sa gobyerno nga walay special treatment nga ihatag ang mga otoridad sa negosyanteng si Janet Lim Napoles, bisan pa mismong kang Presidente Benigno Aquino III kini mitahan.
Matud pa ni Department of Interior and Local Government (DILG) Sec. Mar Roxas, sama sa ordinaryong akusado, mi-agi sa proseso si Napoles apil ang paghatag sa iyang warrant of arrest, booking ug pagkuha sa iyang mugshots ug fingerprints sulod sa Camp Crame.
Gipasabot sa kalihim nga ang seguridad nga gihatag sa Philippine National Police (PNP) sa negosyante mahinungdanon aron ma-secure kini ug mahibaw-an sa katawhan ang kamatuoran.
“Ang punto ‘di ba hinahanap siya ng buong sambayanan? Mahalaga na ma-secure siya para malaman natin ang katotohanan,” matud pa ni Roxas.
Kalabot niini, gikumpirmar ni Roxas nga gibawi na sa gobyerno ang P10 milyon reward nga unang gitanyag sa Presidente sa makahatag og impormasyon sa pagsikop kang Napoles.
Apan anaa pa gihapon ang buwag nga P5 milyon nga tanyag alang sa igsuon niining si Reynald Lim nga gipaabot nga motahan na usab sa mga mosunod nga adlaw.
Gitataw usab sa kalihim nga sa pagtahan ni Napoles kang Presidente Aquino, wala naapil sa nahisgotan ang paghimo niini isip state witness.
Giingong ang nahisgotan lamang mao ang kahadlok sa negosyante sa iyang kinabuhi.
Una niini, gikumpirmar ni presidential spokesperson Edwin Lacierda nga alas 9:37 kagabii sa dihang nitahan kang Presidente Aquino si Napoles.
Si Napoles ang giingong nagpaluyo sa P10 bilyon pork barrel scam ug kontrobersyal nga fertilizer fund ug Malampaya fund scam. (PIA-Bohol/ecb)
