by aimee | Jun 19, 2012 | National News
TAGBILARAN CITY, Bohol, June 19 (PIA)–Hingpit nang balaod ang duha ka balaodnon nga adunay katuyoan nga mahimong transparent ang mga financial transactions sa Pilipinas.
Kini human gilagdaan na ni Presidente Benigno “Noynoy” Aquino III ang “An Act To Further Strengthen The Anti-Money Laundering Law” ug “The Terrorism Financing Prevention And Suppression Act of 2012.”
Matud pa ni Presidential Spokesperson Edwin Lacierda, mas mapakusog pa sa duha ka balaod ang katakos sa gobyerno nga malikayan ang mga transakasyong adunay kalabot sa bisan unsang iligal nga aktibidad.
Dugang pa niini, hingusgan pa sa duha ka balaod ang katakos sa gobyerno nga masayran ang mga iligal transaksyon isip tubag na usab sa sumbanan nga gitakda sa Financial Action Task Force (FATF) sa Organization for Economic Co-operation and Development (OECD). (PIA-Bohol/ecb)
Palasyo, mitanyag og ceasefire sa CPP-NDF
TAGBILARAN CITY, Bohol, June 19 (PIA)–Gi-awhag sa Malacañang ang Communist Party of the Philippines-National Democratic Front nga seryosong ikonsiderar ang paglagda og ceasefire agreement human ang informal talks niadtong miaging semana sa Oslo.
Matud pa ni Presidential Spokesman Edwin Lacierda, makatabang ang ceasefire deal aron makab-ot ang kalinaw sa mga rebelde.
Sigun pa kang Lacierda, welcome sa ilaha ang pagbalik sa CPP-NPA-NDF sa negosasyon ug naglaum nga makakab-ot og kasabotan human pila ka higayon nga nabulilyaso ang panaghisgot.
Nibalibad si Lacierda nga hisgotan ang detalye sa negosasyon ug niingon nga itugyan na lamang kini sa government chief negotiator Alex Padilla.
Una nang gisugyot sa NDF ang mga kanhi niining demand nga maoy hinungdan sa pagkadiskaril sa panaghisgot sa kalinaw sama sa pagpugos sa JASIG list nga wala giila sa gobyerno.
“This (informal talks) is a step in the right direction. We hope something can be ironed out,” matud pa ni Lacierda. “It will be in the interest of all to arrive at a peace framework. A ceasefire is worth discussing with our security forces. We certainly hope the other side as well will consider the ceasefire proposal as a mechanism to advance peace.” (PIA-Bohol/ecb)
by aimee | Jun 15, 2012 | Headlines, National News
MALACAÑANG reported Friday the increase in tax revenue collection by the Bureau of Internal Revenue (BIR) as its regional offices recorded enhanced collections as well as improvements from the large taxpayer service.
“We have been informed that the collection of the BIR from May 2012 stands at 95.55-billion which is 7.26 percent from May of 2011. In May 2011 the collection was 89.15-billion, now it stands at 95.55-billion in tax revenues,” Deputy Presidential spokesperson Abigail Valte said in a press conference in Malacanang on Friday.
Asked by reporters where the BIR attributes the rise in tax revenue collections, Valte said collections from the regional offices have consistently showed double digit growth for the first five months. Aside from this, the collections from the large taxpayer service also increased.
The BIR has stepped up its efforts to meet its collection target this year, which for the first time has reached the P1-trillion mark. (PCOO)
by aimee | Jun 15, 2012 | National News
TAGBILARAN CITY, Bohol, June 15 (PIA)–Giseguro mismo ni Presidente Benigno “Noynoy” Aquino III ngadto sa mga mag-uuma nga ipanghatag na ang tanang yuta nga napasulod sa Comprehensive Agrarian Reform Program (CARP) sa Hunyo 2014.
Gihimo kini sa Presidente dungan sa pakig-atubang niini sa Task Force Mapalad sulod sa Malacañang kagahapon.
Apil sa mga nitambong ang mga tinugyanan sa simbahan nga silang Bishop Ledesma, Bishop Cortez ug Fr. Anton Pascual sa Caritas Manila, mga mag-uuma gikan sa Negros ug mga tinugyanan sa gobyerno nga sila si Presidential Spokesman Edwin Lacierda ug Budget Sec. Florencio “Butch” Abad.
Matud pa ni Lacierda nga tanang mga yuta nga adunay gidak-on nga 25 ektarya mahatagan na og notice of coverage hangtud sa Disyembre 2012 samtang hangtud Hulyo 2013 usab ang 10 ektarya paubos.
Dugang pa ni Lacierda, nauyonan usab ang pagpatukod og multi-stakeholders mechanism nga magmonitor sa implementasyon sa mga nasabotan.
Mi-commit usab si Presidente Aquino nga magpagawas og P1 bilyon alang sa socialized credit program sa mga apektadong mag-uuma.
Gimando usab sa Presidente ang imbestigasyon sa reklamo sa mga mag-uuma nga giingong pipila sa ilang mga kauban ang gipatay taliwala sa ilang hunger strike. (PIA-Bohol/ecb)
Palasyo – walay ‘revamp’
TAGBILARAN CITY, Bohol, June 15 (PIA)–Gihimakak sa Malacañang nga adunay mahitabong ‘revamp’ sa Gabinete ni Presidente Benigno “Noynoy” Aquino III.
Matud pa ni Presidential Spokesman Edwin Lacierda sa media briefing kagahapon, walay kamatuoran nga niluwat na sa pangatungdanan si DAR Sec. Virgilio delos Reyes ug ang nabalitang paghawa ni Energy Sec. Rene Almendras aron mahimong bag-ong mangulo sa Presidential Management Staff (PMS) isip hulip ni Sec. Julia Abad.
Miingon si Lacierda nga walay nabag-o sa miyembro sa Gabinete ni Presidente Aquino ug kun aduna man gani mahitabong ‘revamp’ ay mismong ang Presidente ang mo-anunsiyo niini. (PIA-Bohol/ecb)
Balay ni CPG, usa na ka heritage ug tour destination
TAGBILARAN CITY, Bohol, June 15 (PIA)–Gisubhan sa kagamhanang probinsyal sa Bohol ubos sa pagpanguna ni Gob. Edgar Chatto ang pagpanindot sa balay ni kanhi Presidente Carlos P. Garcia isip usa na sa mga dapit nga duawon sa mga turista ug mga kabataan nga buot masayod sa kinabuhi sa Bol-anon nga kanhi pangulo sa atong nasud.
Atol sa maong kalihokan nga mao usab ang ika-41 ka tuig nga anibersaryo sa kamatayon ni CPG, mipadayag sa ilang kalipay ug pasalamat sa mga Bol-anon sa pagpanguna ni Gov. Chatto ang duha sa mga apo ni CPG nga sila si Jose Carlos ug Carla Garcia Campos.
Gidayeg sa mga apo ni CPG ang gihimo sa kagamhanang probinsyal sa Bohol nga magpabiling buhi sa panumdoman sa mga Bol-anon ilabi na sa mga kabataan ang kasaysayan sa kinabuhi sa kanhi pangulo sa atong nasud.
Tungod niini, gitunol na kagahapon sa mga apo ni CPG kang Gob. Chatto ang deed of donation sa 393 sq. m. nga maong kabtangan nga naa nahimutang sa dalan F. Rocha ug Hontanosas ning dakbyayan sa Tagbilaran.
Gikalipay usab ni Gob. Chatto nga nahatagan na og katumanan ang dugay na niyang gi-damgo nga magpabilin sa panumdoman sa mga Bol-anon ang kasaysayan sa kinabuhi ni Garcia.
Gipanghatag usab kagahapon ang mga certificates alang sa dugang 50 pa ka mga CPG scholars gikan sa mga nagkalain-laing dapit dinhi sa lalawigan sa Bohol.
Sa kinatibuk-an, aduna nay 172 CPG scholars gikan first year hangtud fourth year sa kolehiyo ang nakabenepisyo niining scholarship nga nagsugod niadtong tuig 1996. (PIA-Bohol/ecb)
by aimee | Jun 13, 2012 | Headlines, National News
MALACAÑANG allayed public fears on Wednesday about the implementation of the K+12 program saying the Department of Education made an assurance that necessary preparations were made for the successful implementation of the program this year.
A lawmaker is pushing for the deferment of the implementation of the program citing lack of proper preparation of the education department particularly the shortage of books, classrooms, and training for teachers.
In a press conference in Malacanang, Presidential Spokesman Edwin Lacierda said he was able to discuss the K+12 program with some Bulacan school officials who said they are excited about it and the DepEd has successfully trained teachers for the program.
The K+12 is an innovation from the Department of Education primarily to comply with certain accords, Lacierda said as he cited the Washington accord, which requires the country to have a 12-year basic education.
Filipino professionals wouldn’t be accepted to enter the work place if the Philippines failed to comply with this requirement, Lacierda said. He also mentioned the Bologna accord that also calls for a similar compliance.
“These two treaties are international treaties. We are not signatories because we have not complied with the requirements provided in those accords. Kaya mahalaga po sa atin to come up or comply with international standards and for purposes also of employment abroad. should someone decide to seek employment abroad…,” he said.
Currently, there is a shortage of 50,000 classrooms in the country and Lacierda said the 20,000 will be built by the local government units, and the 30,000 will be bidded out by the government through public private partnership (PPP) under DepEd.
Aside from complying with the international standards, K+12 is important because it gives students options to immediately find employment should they choose not to enroll in college, Lacierda said.
The government inked several agreements with business organizations through the Philippine Chamber of Commerce and Industry intended to absorb graduates under the K+12 program, he added. (PCOO)
by aimee | Jun 13, 2012 | Headlines, National News
TAGBILARAN CITY, Bohol, June 13 (PIA)–Gi-alerto karon ni Presidente Benigno Aquino III ang nagkalain-laing ahensya sa gobyerno kalabot sa padayon nga pag-ulan sa Mindanao nga maoy nagdala sa mga pagbaha.
Matud pa ni Deputy Presidential Spokesperson Abigail Valte, gipalihok na sa Presidente ang
mga hingtungdan nga mga opisyal aron makapangandam ug maatiman ang mga panginahanglan sa mga residente.
Dugang pa ni Valte, padayon ang ilang monitoring sa mga gibahang lugar ug mga aksyong gihimo sa gobyerno.
Una sa gitahasan ang National Disaster Risk Reduction Management Council (NDRRMC) nga tutukan ang mga posibleng pagdahili sa yuta.
Gibutyag usab ni Valte nga ‘all-set’ na usab ang DSWD ug mga LGUs aron mangapud-apod sa mga relief goods nga kinahanglanon sa mga ibakwit nga mga residente. (PIA-Bohol/ecb)
Palasyo, nagtinguha sa P2 trilyong budget sa 2013
TAGBILARAN CITY, Bohol, June 13 (PIA)–Gi-plantsa na karon sa Malacañang ang balaodnon nga national budget alang sa sunod tuig nga gilauman nga mokabat sa P2 trilyon, 10-porsyentong mas daku kini gikan sa kasamtangang budget nga P1.8 trilyon.
Matud pa ni Budget Secretary Butch Abad nga ang pagdaku sa budget makatabang usab sa gobyerno nga mapatuman ang mga proyekto sama sa mga infrastructure ug paspas nga paghatag sa pondo alang sa mga public private partnership (PPP) projects sa gobyerno.
Giingong makatabang usab kini sa social services sa gobyerno sama sa conditional cash transfer program.
Target usab nila nga sa dili pa matapos ang 2013, masulbad na ang kakulang sa mga classrooms nga 65,000 gawas sa dugang 25,000 pang mga classrooms nga ipatukod sa sunod tuig ug 63,000 nga mga bag-ong magtutudlo.
Ang rural electrification, irrigation, roads ug bridges giingong apil usab sa mga nakalinyang tapuson sa tuig 2014.
Kasagaran isumite sa Presidente ang tinuig nga proposed budget sa Kongreso paghuman sa iyang State of the Nation Address (SONA). (PIA-Bohol/ecb)
by aimee | Jun 11, 2012 | National News
TAGBILARAN CITY, Bohol, June 11 (PIA)–Nakadala si Presidente Benigno “Noynoy” Aquino III og $2.5 bilyong investment gikan sa iyang biyahe sa United Kingdom ug Estados Unidos.
Matud pa sa Presidente sa iyang arrival message kagahapon sa Ninoy Aquino International Airport (NAIA), naa sa $1.5 bilyong investment ang nakuha niya sa UK ug $1 bilyong investment usab ang gisaad gikan sa US.
“Sa kabuuan po, ang halaga ng kalakal na papasok mula sa mga kumpanyang nakapulong natin sa Britanya at sa Amerika: Hindi bababa sa dalawa’t kalahating bilyong dolyar, o humigit-kumulang 100 billion pesos. Trabaho po ang katumbas ng mga numerong ito; trabahong magdadala ng pagkain sa mesa ng Pilipino. At kasabay po ng magandang balitang ekonomiko, nagbunga rin ng mas malalim pang pakikipagkaibigan ang ating pagbiyahe sa United Kingdom at sa Estados Unidos,” matud pa sa Presidente.
Gi-anunsiyo usab sa Presidente nga dili na kinahanglang mobayad pa ang Pilipinas sa $23 milyong utang niini sa US basta maadto lamang ang maong kantidad sa pagpananum og mga bag-ong punoan sa kahoy
Gitakdang modawat usab ang Pilipinas og $30 milyon ubos sa “Partnership for Growth” program aron masolbad ang kakabus sa nasud.
Nakahigayon nga maka-one-on-one meeting sa Presidente silang British Prime Minister David Cameron ug US President Barack Obama sulod sa halos usa ka semana niyang biyahe. (PIA-Bohol/ecb)
Defense alliance sa US ug PH, gipalig-on sa panagpulong nilang PNoy ug Obama
TAGBILARAN CITY, Bohol, June 11 (PIA)–Gipalig-on pagbalik nilang US President Barack Obama ug Presidente Benigno “Noynoy” Aquino III ang defense alliance sa duha ka nasud taliwala sa tensyon tali sa Pilipinas ug China kalabot sa gi-ilogang Scarborough Shoal.
Gituki usab sa duha ka lider sa ilang pagpulong sa White House ang pagpakusog sa Mutual Defense Treaty sa US ug Pilipinas ug apil na usab ang kalinaw ug seguridad sa Asia-Pacific region.
Misaad si Obama nga suportaan sa Amerika ang planong upgrade sa Armed Forces of the Philippines (AFP) ug pagpatukod og minimum credible defense posture sa Maynila.
Gihisgotan usab ni Obama ang gihatag nga ikaduhang US Coast Guard cutter sa Philippine Navy, ang planong pagtukod og bag-ong Philippine National Coast Watch System ug padayon nga bilateral military exercises ug training programs tali sa US ug Pilipinas.
Gipasalig usab si US Secretary of State Hillary Clinton nga nagpabilin ang Estados Unidos sa posisyon niining magpabilin ang freedom of navigation, respeto sa international law ug gawasnong komersyo sa rehiyon. (PIA-Bohol/ecb)
