by admin | Jan 6, 2017 | Headlines, National News
MANILA, January 6 (PIA)–Opisyal nga ilusad sa gobyerno ang ASEAN Summit 2017 sa syudad sa Davao sa Enero 15 aron ipasabwag ang kaamogan kalabot sa pag-host ug ang mga benepisyo nga makuha sa atong nasod niini.
Matud pa ni Presidential Communications Operations Office (PCOO) Kalihim Martin Andanar, opisyal nga ilusad ang ASEAN Summit 2017 sa Davao SMX Convention Center ug ang PCOO nakigkumbuya sa nagkalain-laing ahensiya sa gobyerno nga gipangunahan sa Department of Tourism (DOT) aron magmugna og mga halandomong kalihokan.
Gidugang usab sa Kalihim nga ang PCOO ang lead committee sa media affairs and communications nga mopasabwag sa kasayoran ug edukar sa publiko kalabot sa ASEAN.
Ang tema karong tuig sa ASEAN 2017 mao ang: “Partnering for Change, Engaging the World.”
Gibutyag usab ni Andanar nga mahimong i-summarize ang mga benepisyo nga atong makuha sa unom ka agenda sa pagpulong sa mga ASEAN leaders.
Una na niini ang paghimong “people oriented and people-centered” sa ASEAN diin himuong prayoridad ang kahimsog ug nutrisyon sa mga lumulupyo sa ASEAN ug ang social protection sa mga kababayen-an ug mga senior citizens.
Apil usab nga hisgotan ang “regional peace stability” diin tanang miyembro sa ASEAN magtinabangay aron mapatunhay ang kalinaw ug mahunong ang pagkatap sa mga ilegal nga droga ug terorismo.
Parte usab sa ASEAN meeting ang isyu sa “Maritime Security and Cooperation” diin hisgotan ang territorial dispute sa West Philippine Sea.
Apil usab sa hisgotan ang paghimong inclusive sa ASEAN alang sa sektor sa ekonomiya ug seguridad; “resilient ASEAN” o ang pagpakusog sa rehiyon batok sa mga kalamidad ug Climate Change. (ecb/PIA7-Bohol)***Jan. 5 PCO release
by admin | Jan 6, 2017 | Headlines, National News
MANILA, January 6 (PIA)–Giseguro sa Malakanyang nga walay sayangon nga sentimo ang Presidential Communications Operations Office (PCOO) aron makaabot sa pinakasuok nga parte sa nasod ang kamahinongdanon sa pagpahigayon sa ASEAN Summit 2017 dinhi sa nasod.
Matud pa ni PCOO Kalihim Martin Andanar, gamiton sa iyang buhatan ang Philippine Information Agency (PIA) aron mahatod sa grassroot level ang kasayoran kalabot sa ASEAN aron mapasabot kini sa matag Pilipino.
Dugang pa ni Andanar, mogamit ang PIA og mga komiks ug uban pang reading materials o basahon sama sa pampleta o mga pamphlets ug leaflets nga ipangapud-apod sa mga barangay aron masabtan sa matag Pilipino ang ASEAN 2017 ug kun unsa ang matabang niini sa nasod.
Gikumpirmar ni Andanar nga daghan pang lugar sa nasod ang dili maabot sa telebisyon, radyo, pamantalaan ug ilabi na ang social media o internet.
Ipahigayon ang kickoff sa Chairmanship sa Pilipinas sa ASEAN 2017 sa Enero 15 sa SMX sa syudad sa Davao samtang ipahigayon ang roadshow sa PCOO sa Enero 14 nga parte gihapon sa awareness program kalabot niini. (ecb/PIA7-Bohol)***
by admin | Jan 6, 2017 | Headlines, Malakanyang Updates, National News
A Palace official on Thursday, January 5, welcomed the Japan Times article carrying the CNN story stating Asia’s Best Year goes to President Rodrigo Duterte.
“It’s heartening to know that certain media agencies are able to notice the good things the President is doing,” Presidential spokesperson Ernesto Abella said.
Japan Times is the most widely read English language newspaper in Japan.
It will be recalled that CNN had named President Duterte as “Asia’s Big Winner” in 2016.
“For now, the Philippine leader’s unconventional moves seem a harbinger of things to come. This is no pivot to China, but a disruption of the old normal,” the article read.
“Rodrigo Duterte ended 2016 seeking to rebalance his nation’s ties, improve the life of the average Filipino and make the Philippines — a one-time economic and trade powerhouse — great again. And for that Asia’s Best Year goes to Duterte,” it added.
Just very recently, President Duterte was also named Person of the Year for 2016 by the Chinese Magazine Yazhou Zhoukan, the equivalent of Time magazine in the Chinese-speaking world.
Meanwhile, at the same press briefing, Abella said several government agencies would be working together to secure the celebration of the Feast of the Black Nazarene on January 9.
The government agencies that would work to ensure a successful and secured holding of the Feast of the Black Nazarene include the Philippine National Police, Armed Forces of the Philippines, Philippine Coast Guard, Department of Public Works and Highways, Department of Health and the Manila City Department of Public Services.
The Feast of the Black Nazarene of Quiapo is among the biggest and oldest Catholic religious celebrations in the country.
Every January, the statue of the Black Nazarene laid on a carriage, is pulled around the streets of Quiapo by devotees, many who swear to the fulfillment of miracles or personal wishes.
The event’s growing popularity continues to attract more believers and devotees. It is estimated that this year’s event would be attended by millions of devotees.
Interior Secretary Ismael Sueno, in the same briefing, added that the concerned government agencies have laid out their plans to keep the devotees of the black Nazarene safe from harm.
“We will try our best to really keep our people safe. This is why we have the PNP, the military, and the other armed groups in our government to really maintain peace and order and keep our people safe,” Sueno said.###PND
by admin | Jan 5, 2017 | Headlines, National News
MANILA, January 5 (PIA)–Gi-awhag sa Malakanyang ang mga lokal nga kagamhanan ug mga ahensiya sa gobyerno nga suportahan ang Miss Universe beauty pageant nga ipahigayon dinhi sa nasod karong bulana.
Base sa Memorandum Circular number 13 nga gilagdaan ni Executive Secretary Salvador Medialdea, gi-awhag niini ang tanang mga lokal nga kagamhanan nga ihatag ang tibuok suporta ug kooperasyon alang sa Miss Universe pageant.
Gitumbok usab dinhi ang gahom sa Department of Tourism (DOT) aron ipatawag ang usa ka buhatan, kawanihan o ahensya sa gobyerno ug mga LGUs alang sa kinahanglanong tabang kun kinahanglanon kini.
Hugot usab ang direktiba sa mga local executive ug sa tanang ahenisya sa gobyerno sa dili paggamit sa pondo sa gobyerno alang sa Miss Universe pageant.
Gipaabot nga sa sunod semana na mangabot sa kaulohan ang mga kandidata sa nagkalain-laing nasod nga mosalmot sa maong beauty contest. (ecb/PIA7-Bohol)
by admin | Jan 5, 2017 | Headlines, National News
TAGBILARAN CITY, January 5 (PIA)–Ang Department of Social Welfare and Development (DSWD) bukas sa pagdawat og bisan unsang reklamo kalabot sa ilang disaster response services pinaagi sa Disaster Response Assistance and Management Bureau’s (DReAMB’s) e-Reklamo nga platform.
Ang e-Reklamo usa ka web-based complaints management ticket system nga gi-disenyo aron modawat og mga reklamo sa Disaster Risk Reduction and Management (DRRM) services sa departamento.
Kini ma-access pinaagi sa mga mosunod nga ICT channels: Una ang ereklamo.dswd.gov.ph website diin matag reklamo gi-assign sa usa ka unique ticket number nga magamit sa pagsubay sa progreso ug tubag online. Usa ka valid email address ang kinahanglanon aron makagamit niining sistema.
Ikaduha, ang SMS gamit ang mosunod nga syntax: Text DSWDereklamo “Pangalan sa Complainant”lokasyon”Complaint Message” ug ipadala sa 3456 (bisan unsang network). Ang matag text message nagkantidad og P1.00.
Ug ang ikatulo mao ang pag email ngadto sa ereklamo@dswd.gov.ph.
Ang departamento hingpit nga mag-monitor sa response efforts sa mga local government units aron ang relief assistance moabot gayud ngadto sa mga naapektuhan sa bagyong Nina, dili lamang pinaagi sa FFPs apan pinaagi usab sa ubang food ug non-food items (FNIs).
Ang mga issues pinaagi sa relief distribution, kinahanglan ang hingpit nga koordinasyon sa mga LGUs sa departamento pinaagi sa ilang nagkadaiyang Field Offices (FOs). (ecb/PIA7-Bohol)
by admin | Jan 4, 2017 | Major Events, Malakanyang Updates, National News
MANILA, January 4 (PIA)–Makuti pang gitun-an ni Presidente Rodrigo Duterte ang planong dugang nga P2,000 sa Social Security System (SSS) pension alang sa mga miyembro niini.
Kini ang tubag sa Palasyo sa nagkadaghang panawagan nga aprubahan na ni Duterte ang maong pension hike.
Matud pa ni Presidential Communications Office (PCO) Kalihim Martin Andanar, nangita pa ang presidente og usa ka “win-win solution” aron masulbad na kining diskusyon nga nasugdan gikan pa niadtong administrasyong Aquino.
Giingong gitakda na usab nga makigpulong si Duterte sa iyang mga economic managers nga gilangkoban nila Department of Finance (DOF) Kalihim Carlos Dominguez, National Economic and Development Authority (NEDA) Director General Ernesto Pernia ug Department of Budget and Management (DBM) Kalihim Benjamin Diokno, aron pangayuon ang ilang tambag kalabot sa dugang pension sa SSS.
Giseguro ni Andanar nga tinguha sa gobyerno nga balansehon ang interes sa mga pensioners ug ang kaayohan usab sa ahensiya.
Pasabot pa ni Andanar, dili usab gusto sa Palasyo nga gamiton ang kwarta sa mga nagbayad og buhis ilabi na sa mga dili miyembro sa SSS, aron lang mahatag ang pension increase.
Kahidumdoman nga nagduha-duha si Presidente Duterte nga aprubahan ang moang plano ilabi na nga miingon ang mga economic managers sa administrasyon nga posibleng mabangkaruta ang SSS kun himuon kini. (ecb/PIA7-Bohol)
