by admin | Aug 12, 2016 | Headlines, Major Events, National News
MANILA, August 12 (PIA)–Magpagawas ang Malakanyang og listahan sa mga opisyal sa mga lokal nga kagamhanan nga nagpatuman og sakto sa ilang katungdanan.
Kini binali na usab sa listahang gipagawas ni Presidente Rodrigo Duterte sa mga opisyal nga giingong nalambigit sa operasyon sa ilegal nga droga sa nasod.
Matud pa ni Presidential Communications Office (PCO) Kalihim Martin Andanar, angayan lamang nga ilhon sa gobyerno ang mga tarong nga mga opisyal sa local government units.
Dugang pa ni Andanar nga base sa gigunitan nilang naunang listahan karon, mas daghan pa gihapon sa mga lokal nga opisyal sa nasod ang limpyo og records ug ginahimo og sakto ang ilang katungdanan sa pag-alagad sa katawhan.
Base usab sa impormasyon nga naggikan kang Department of Interior and Local Government (DILG) Kalihim Mike Sueno, naa pa sa verification process ang listahan ug wala pa’y ispesipikong criteria ang mga opisyal sa mga lokal nga kagamhanan. (ecb/PIA7-Bohol)
by admin | Aug 12, 2016 | Headlines, Major Events, National News
MANILA, August 12 (PIA)–Gamiton na usab sa nasodnong polisya ang bag-ong teknolohiya sa paggukod ug pagpangita sa mga krimial.
Kini pinaagi sa ilusad nga mobile application sa mga smartphones nga pagatawagon og Bantay Krimen App.
Gibutyag ni S/Supt. Fausto Manzanilla, pangulo sa PNP Directorate for Investigation and Detection Management (DIDM) nga ipareho sa nisikat karon nga reality game app nga Pokemon Go ang ilang ilusad nga mobile application.
Giingong makita sa maong app ang mga insidente sa mga na-report nga krimen ug mapasidan-an usab ang mga tiggamit sa maong app kun naa sila sa high crime area.
Usa lamang ang Bantay Krimen App sa mga online services sa PNP aron magiyahan ang publiko batok sa kriminalidad. (ecb/PIA7-Bohol)
by admin | Aug 12, 2016 | Headlines, National News
The Department of Trade and Industry has encouraged chief executives of big companies to develop and promote the involvement of micro, small, and medium enterprises (MSMEs) in the ASEAN region’s production network and supply chain.
“I enjoin you to continue partnering with us, this time with single-minded focus on MSMEs to develop and promote their involvement in mainstream business.” Secretary Ramon Lopez told the participants of the 47th National Marketing Conference at Pasay City.
Secretary Lopez underscored the Inclusive Business model, which proved to significantly enhance business bottom lines through supply-demand gap linkages, while contributing substantial impact to the poor and low-income segment.
“The integration of these communities into global value chain improves their quality of lives and makes for better business with diversified supply and distribution systems. For business and investors, Inclusive Business is not only the new mindset for innovation and market leadership, but a key contribution of the private sector to communities and sustainable development goals.” Secretary Lopez said.
Noting MSME’s crucial role in ASEAN Economic Integration, Secretary Lopez shared DTI’s plan to strengthen this sector to be able to join the global value chain.
“We intend to increase the competitiveness of MSMEs so they can be part of the domestic, regional, or global value chain as manufacturing entities in their own right, whether involved in the production of parts and components that have backward linkages within the production network, or through the provision of services in manpower, logistics, transportation, or communications.” He told.
MSMEs serve as the backbone of most Asian countries, accounting for more than 96% of all enterprises and contributing between 30%-53% to gross domestic product (GDP).
To be able to support MSMEs, Secretary Lopez outlined the 7Ms, DTI’s comprehensive program covering the following interventions:
Mindset change towards entrepreneurial attitude; Mastery and competence on entrepreneurship; Mentor access consisting of management and technical requirements; Market link improvement which entails creation of networks and links with big business (Inclusive Business); Money Access comprised of microfinance programs; Machine , addressed by Shared Services Facilities (SSF); and lastly, Models of Negosyo Concept as supported by Negosyo Centers nationwide.
“Our guiding principle therefore is to provide opportunities for our MSMEs to participate in the region’s production network and supply chains to unlock the benefits of integration.” Secretary Lopez added.
For more information on the services of the DTI, log-on to http://www.dti.gov.ph
by admin | Aug 5, 2016 | Headlines, National News
MANILA, August 5 (PIA)–Kasamtangan nang gihimo ang bag-ong National Communication Policy sa pagpanguna sa Presidential Communication Office (PCO).
Kini matud pa sa bag-ong Director General sa Philippine Information Agency (PIA) nga si Harold Clavite.
Matud pa ni Clavite nga kini aron masiguro nga han-ay nga mapaabot ang mga mahinungdanong kasayoran nga angay masayran sa publiko ilabi na sa mga aktibidad sa gobyerno.
Giingong magpahigayon og mga pagbansay ang mga kawani sa PIA aron mas hingosgan pa ang kapasidad niini.
Matud pa nga mogamit na ang PIA sa mga mosunod nga mga adlaw og mga bag-ong kagamitan sa komunikasyon sama sa digital communication facility.
Ning bag-o lang, gilagdaan ni Presidente Rodrigo Duterte ang Executive Order kalabot sa freedom of information diin tumong niining masayran sa publiko ang mga transaksiyon ug uban pang aktibidad sa gobyerno.
Naglibot karon ang mga bag-ong opisyal sa PIA sa ilang mga rehiyonal ug probinsiyal nga buhatan aron masayran ang mga problemang angay sulbaron aron makahatag og mga maayong impormasyon sa katawhan. (ecb/PIA7-Bohol)
by admin | Aug 5, 2016 | Headlines, National News
MANILA, August 5 (PIA)–Gi-alerto sa Department of Health (DOH) ang publiko batok sa sakit nga dengue nga makuha gikan sa pinaakan sa lamok human sa pagdaghan sa mga kaso sa dengue nga ilang natala sa nasod niining nakalabay nga ¬pito ka buwan ning kasamtangang tuig.
Base sa datos nga gipagawas sa DOH, makaalarma ang datos nga sa ¬unang pito ka buwan lamang ning tuig 2016 gikan Enero 1 hangtud Hulyo 16, nikabat na sa 66,299 ang dengue cases nga natala.
Mas taas kini og 22.9 porsiyento kun itandi sa natalang kaso sa dengue sa susamang petsa niadtong tuig 2015, nga nikabat lamang sa 53,938 ka kaso.
Aron malikayan nga mapaakan sa dengue-carrying mosquitoes, gitambag sa DOH ang paggamit og mosquito-repellent lotion ug pagsuot og tag-as nga mga sapot sama sa long sleeve ug pantalon nga luspad og kolor.
Bisan walay gipiling panahon ang dengue, ang buwan sa Agosto ug Setyem¬bre ang gikonsiderar nga ‘peak season’ sa maong sakit, tungod sa kanunay nga pag-ulan ug pag-abot sa mga bagyo. (ecb/PIA7-Bohol)
by admin | Aug 5, 2016 | Headlines, National News
MANILA, August 5 (PIA)–Nipasidaan si Department of Public Works and Highways (DPWH) Kalihim Mark Villar sa mga contractor sa mga proyekto sa gobyerno nga wala nakatapos sa gitakdang panahon sa ilang mga proyekto.
Matud pa sa kalihim, agresibong implementasyon ang himuong stratehiya sa pagpahigayon sa mga proyekto nga nagpasabot nga target nilang himuong 24/7 ang operasyon aron mahuman dayon ang mga trabaho.
Giingong makonsiderar nga ‘golden age of infrastructure’ ang Duterte administration ug sa pagkakaron, may mga nakalinya nang mga proyekto nga himuon ang ahensya.
Samtang ipaubos usab sa performance audit sa kalihim ang mga kawani ug opisyal sa ahensya aron dili maimpluwensyahan og politika ang pagbutang og mga opisyal sa DPWH sa nagkalain-laing lugar sa nasod.
Usa usab sa tutokan ni Villar ang pagsugpo sa kurapsiyon sa buhatan base na usab sa mandato ni Presidente Rodrigo Duterte.
Human niluwat isip magbabalaod, pormal nang nangalagad isip bag-ong kalihim sa DPWH si Villar nga kanhi Kongresista sa Las Piñas. (ecb/PIA7-Bohol)
