by admin | Jul 18, 2016 | Headlines, National News
MANILA, July 18 (PIA)–Aron masiguro nga magamit og sakto ug dili masulod sa bulsa ang intelligence fund sa mga local government units (LGUs), usa ka special team ang ipamugna ni Presidente Rodrigo Duterte nga mosusi kun gi-unsa paggasto ang nahisgotang pondo, apil na kun asa naadto ang ilang discretionary funds.
Matud pa ni Duterte, makatabang ang himuong special team aron masubli kun asa naadto ang nahisgotang pondo sa mga gobernador ug mayor.
Giingong pinaagi niini, mahibaw-an kun gipalit lamang sa mga mahalong sakyanan ang ilang pondo o nagamit ba sa ilang nasakupan.
Kining maong lakang sa Presidente gihimo human sa mga nadawat nga pagsaway sa kadaghanan nga hugaw ang Pilipinas tungod kay walay gihimong garbage management ang mga opisyal sa mga lokal nga kagamhanan diin ang discretionary funds mahimong magamit dinhi kun walay tukmang pondo ang lokal nga kagamhanan.
Matud pa ni Duterte nga ang mga non-performing mayor angay nang mohimo og paagi aron magpabiling limpyo ug hapsay ang ilang lugar. (ecb/PIA7-Bohol)
by admin | Jul 15, 2016 | Headlines, Major Events, National News
MANILA, July 15 (PIA)–Planong ipatuman sa Department of Budget and Management (DBM) ang non-stop o 24-oras construction sa mga urban projects.
Mao kini ang gipahayag ni DBM Kalihim Benjamin Diokno human usab sa gilatag nga mga programa sa administrasyon ni Presidente Rodrigo Duterte.
Matud pa ni Diokno, base sa pagtuon sa Japan International Cooperation Agency (JICA), mokabat sa P2.4 bilyon ang nawala sa ekonomiya sa nasod matag adlaw tungod sa trapiko.
Apil sa kinaingnan sa huot nga dagan sa trapiko mao ang mga gipang-ayo nga kalsada ug mga bilding nga gitukod duol sa mga kadalanan.
Dugang pa ni Diokno, kini ang hinungdan mao nga kinahanglang dalion ang mga programa sa gobyerno sa kaulohan ug sa uban pang dapit sa nasod.
Sa proposed 2017 national budget, kapin sa 5 porsiyento sa gross domestic product (GDP) ang gigahin sa imprastruktura nga gilauman nga magpasipa sa ekonomiya. (ecb/PIA7-Bohol)
by admin | Jul 14, 2016 | Headlines, National News
MANILA, July 14 (PIA)–Gisugyot sa Department of Health (DOH) sa publiko nga mag-andam sa kanunay ilabi na kun maatubang ang nasod sa bisan unsang matang sa kalamidad.
Matud pa ni DOH Kalihim Pauline Rosell Ubial, mahinongdanon ang panaghiusa sa tanan aron dili lamang magsalig sa mga doktor, nurse ug health workers sa pagtubag sa higayong adunay emergency.
Tungod niini, miingon si Ubial nga ilang hingosgan ang pagbansay sa tanang mga non-government organization ug kawani sa gobyerno alang sa basic life support.
Gitumbok sa Kalihim nga angay magbaton og emergency kit ang matag pamilyang Pilipino nga mahimong gamiton sa panahon nga may kalamidad.
Ang emergency kit usa ka butanganan o bag nga sudlan og mga butang nga mahimong kinahanglanon sa panahon sa aksidente o kalamidad.
Kini angay naka-andam sa tanang oras ug naa sa prominenteng lugar nga daling makuha kun kinahanglanon.
Ang pamilyang may kumpletong emergency kit adunay dakung tsansa nga maluwas sa panahon sa kalamidad. (ecb/PIA7-Bohol)
by admin | Jul 13, 2016 | Headlines, Major Events, National News
MANILA, July 13 (PIA)–Gitahasan na ni Presidente Rodrigo Duterte si Presidential Communications Office (PCO) Kalihim Martin Andanar nga pangunahan ang usa ka multi-agency task force nga tuyong imbestigahan ang serye sa mga pagpatay sa mga mamamahayag sa nasod.
Matud pa ni Andanar, gipaabot nga ipagawas ni Presidente Duterte ang administrative order karong bulana nga tuyong sugdan ang pagmugna og usa ka ‘superbody’ nga motutok sa daghang kaso sa mga pagpatay sa mga mediamen.
Gipaabot nga ipagawas ang maong kamanduan sa dili pa ang State of the Nation Address (SONA) ni Duterte sa Hulyo 25.
Giingong maapil sa pagamugnaong task force ang mga law enforcement agencies sama sa National Bureau of Investigation (NBI) ug Philippine National Police (PNP) ug mga tinugyanan sa nagkalain-laing news organizations.
Giingong pinaagi niini, mahibaw-an ang motibo sa nagpaluyo sa mga media killings.
Mahimong dalan usab ang imbestigasyon aron mahatagan og tabang ug suporta ang mga pamilyang nabilin sa mga napatay nga mamamahayag. (ecb/PIA7-Bohol)
by admin | Jul 13, 2016 | Headlines, Major Events, National News
MANILA, July 13 (PIA)–Gitakdang magpagawas og memorandum ang Malakanyang nga maghatag og dalan aron pa-imbestigahan ang mga mayor ug barangay kapitan nga may taas nga kaso sa ilegal nga droga sa ilang lugar.
Sa gipahigayong press briefing sa Malakanyang kagahapon, miingon si Abella nga gi-andam na ang draft memorandum apan wala kini miingon kun kanus-a ipagawas ug kanus-a sugdan ang pagpatuman niini.
Gipasabot ni Abella nga ang maong lakang parte pa gihapon sa pagtumbok sa mga nagsilbing protektor sa ilegal nga droga ug mahimong basehan usab aron mahibaw-an kun adunay ‘neglect of duty’ o pagpabaya ang mga lokal nga opisyal mao nga mikatap ang operasyon sa droga sa ilang nasakupan.
Wala pa usab gitumbok ni Abella kun unsa ang mahimong liability sa mga lokal nga opisyal nga mapamatud-ang nagpabaya sa katungdana mao nga mikatap ang problema sa droga sa ilang lugar.
Ang Department of Interior and Local Government (DILG) ang magdumala sa himuong imbestigasyon sa mga lokal nga opisyal.
Gibutyag usab ni Abella nga target usab sa gobyerno nga magtukod og mga regional rehabilitation center sa tibuok nasod diin didto ipaubos sa rehabilitasyon ang mga naulipon sa droga. (ecb/PIA7-Bohol)
by admin | Jul 11, 2016 | Headlines, Major Events, National News
11 July 2016. Over 1,389 local government units will participate in the 4th Annual Regional Competitiveness Summit slated on 14 July 2016, 10:00 o’clock in the morning at the Philippine International Convention Center (PICC), Pasay City, where National Competitiveness Council (NCC) will recognize the most competitive cities, municipalities and provinces.
The summit will highlight the results of the Cities and Municipalities Competitiveness Index 2016, which ranks local government units (LGUs) across the country based on their performance on three pillars: Economic Dynamism, Government Efficiency, and Infrastructure Awards will be conferred to LGUs in four categories: 3rd to 6th Class Municipalities, 1st to 2nd Class Municipalities, Component Cities, and Highly Urbanized Cities. An award for the Most Competitive Province and Most Improved City and Municipality will also be given this year.
The NCC hopes that this annual report will enable LGUs to evaluate their performance yearly and share best practices across the regions. This will also allow them to benchmark their performance against local and global standards and make transformative and well-informed decisions towards sustainable development.
Apart from the awarding ceremony, the CMCI website containing the data provided by the LGUs will also be unveiled. The data may be used by potential investors in deciding where to locate their businesses. More importantly, the data may be used as a tool for policy making, planning, governance, budget management, and investment promotion.
If interested, we are highly encouraging early confirmation of attendance to the event. You may register online through this link: bit.ly/rcsummit16guests or you may email cmci@competitive.org.ph.
