by admin | Jul 20, 2016 | Headlines, Major Events, National News
MANILA, July 20 (PIA)–Gitahasan na ni Presidente Rodrigo Duterte ang Bureau of Internal Revenue (BIR) ug Bureau of Customs (BoC) nga unahon og gukod ang mga dato o oligarkong naglikay ug wala nagbayad og buhis.
Matud pa mismo sa Presidente, sila ang mga nagpahimos sa mga prebilihiyong gihatag kanila sa mga korap nga kawani ug opisyal sa gobyerno.
Gusto ni Duterte nga tangtangon ang tax exemptions sa pipila ka mga negosyante partikular na sa mga mahilig magpalusot sa ilang mga kargamentong mosulod ug mogawas sa nasod.
Kini base sa nadawat nga kasayoran sa Presidente nga P300 milyon matag adlaw ang alkansi sa gobyerno sa mga mosulod nga kargamento tungod sa pagpakigkunsabo sa pipila ka korap nga opisyal sa mga pantalan.
Gipasabot ni Duterte nga mapondohan ang panginahanglan sa katawhan sa mga nag-unang serbisyo kun maayo lamang ang pangolekta sa buhis. (ecb/PIA7-Bohol)
by admin | Jul 19, 2016 | Headlines, National News
MANILA, July 19 (PIA)–Gidili na sa tanang mga opisyal ug kawani sa gobyerno ug ilang pamilya ang pagsulod o pagduwa sa mga casino ug uban pang matang sa pasugalan sa tibuok nasod.
Kini human gimando ni Presidente Rodrigo Duterte nga i-ban ang mga empleyado sa gobyerno sa pagsulod sa mga casino.
Gimando sa Presidente sa Philippine Amusement and Gaming Corp. (PAGCOR) nga i-ban ang mga government employees ug ilang pamilya sa tanang casino nga gipadagan niini sa tibuok nasod.
“I would like to ask Pagcor to prohibit lahat ng taga-gobyerno, pati yung mga asawa, pamilya, to deny them entrance sa mga casinos. I do not want people lalo na sa gobyerno, papasok-pasok dyan…” matud pa ni Duterte.
Gimando usab sa Presidente ang pagsibak sa mga government employees nga masakpang wala sa ilang mga puwesto sa oras sa trabaho.
Matud pa ni Duterte nga sa higayong ma-activate na ang hotline 8888, mahimo nang mo-reklamo ang katawhan og direkta kaniya batok sa mga trabahante sa gobyerno nga magpasagad ug mo-abusar sa ilang katungdanan. (ecb/PIA7-Bohol)
by admin | Jul 19, 2016 | Headlines, National News
MANILA, July 19 (PIA)–Misaad si Presidente Rodrigo Duterte nga walay mahitabong demolisyon sa panahon sa iyang administrasyon kun walay relokasyon nga ihatag alang sa mga maapektuhang informal settler.
Gitumbok ni Duterte nga dili niya tugotan nga gub-on ang balay sa usa ka pamilya nga mura lang og iro kun walay klarong padungan.
“During my time, there will be no demolition pag walang relocation. Hindi ako papayag. Kasi ‘yung walang mapuntahan, sirain mo ang bahay. Parang aso. E saan pupunta ‘yung mga tao? Where will they find another shelter? But I would be very generous to them,” matud pa ni Duterte sa iyang mensahe atol sa fellowship dinner sa San Beda College of Law alumni sa batch 1971 ug 1972.
Miingon ang Presidente nga mangita una siya og pondo nga igahin sa relokasyon sa mga mawad-an og panimalay mao nga importanteng maayo ang kundisyong pang-ekonomiya sa nasod.
Dungan niini, gimanduan ni Duterte si Bureau of Internal Revenue (BIR) Commissioner Caesar Dulay nga hugtan ang pagkolekta sa buhis.
Partikular na sa tax-free importation sa mga produkto sa mga datong negosyante nga naglikay sa pagbayad og saktong buhis. (ecb/PIA7-Bohol)
by admin | Jul 19, 2016 | Headlines, Local News / Bohol Balita, National News
BOHOL, July 19 (PIA)–Gipasidunggan kagahapon sa local government unit sa Candijay, ning lalawigan ang nisikat na karon sa social media nga Bol-anong janitor sa Ninoy Aquino International Airport 2 (NAIA 2) nga si Julito P. Amoy.
Si Amoy, 36 anyos usa ka janitor sa Terminal 2 sa NAIA gipasigarbo sa mga taga-lungsod sa Candijay sa pagpakita sa kaligdong sa pagkamatinud-anon pinaagi sa pag-uli ngadto sa tag-iya sa bag nga nagsulod og mga credit/debit cards nga may pin numbers ug uban pang importanteng kabtangan nga iyang nakit-an sa iyang gi-trabahuan.
Gihatagan ni Mayor Christopher Tutor ug mga miyembro sa Sangguniang Bayan sa Candijay si Amoy og Certificate of Appreciation ug cash incentive atol sa seremonya nga gipahigayon sa munisipyo sa maong lungsod niadtong Lunes.
Gisaksihan kini sa amahan ni Julito nga si Jacinto Amoy, Barangay Kapitan sa Tambongan nga si Agripino Mapute, mga kawani sa lokal nga kagamhanan sa Candijay, PNP, BFP ug local-based government agencies nga nitambong sa regular flag raising ceremony sa maong lungsod.
Atol sa maong seremonya, gipasidunggan ni Mayor Tutor ang integridad ug disiplina sa kaugalingon ug nitumbok ni Amoy isip ‘role model’ sa matag konstituwente nga angay sundogon.
Si Amoy, minyo na ug adunay upat ka anak nga lumad nga taga Purok 2, Tambongan, lungsod sa Candijay apan kasamtangang nagpuyo karon sa syudad sa Pasay. (MPIO-Candijay/ecb-PIA7-Bohol)
by admin | Jul 19, 2016 | Edukasyon Updates, National News
Education technology startup Edukasyon.ph and the Philippine Business for Education has signed a Memorandum of Agreement to seal its joint commitment to provide industry-based information on careers for high school students through the “Career Conversations” section of the website www.edukasyon.ph.
“We are excited with this partnership with the Philippine Business for Education that will help in delivering job market and education information needed to make informed career and education decisions. Through these joint efforts with industry associations, we believe that we are able to guide students in what industries expect from them as jobseekers and what they need to know to prepare for these jobs,” said Linartes M. Viloria, CEO, Edukasyon.ph.
Edukasyon.ph is a website (www.edukasyon.ph) that empowers students by giving them choice, advice and convenience in discovering, selecting and applying to the school that will best equip them for their dream career. The Philippine Business for Education maintains FutureYou, a free online career exploration tool that provides you information needed to be able to get the right opportunity where a student’s passions, skills, and interests can be turned into a great job and a great future. The two sites have agreed to combine its online efforts through Edukasyon.ph’s Career Conversations.
Love Basillote, Executive Director of Philippine Business for Education (PBEd) with Henry Motte-Muñoz Edukasyon.ph founder sign MOA on July 11, 2016.
“Deciding on what you want to be when you grow up is a difficult decision a high school student has to make. Without the right industry information on careers and the world of work, students will find themselves confused on the education they need to have to prepare for their dream careers. Through these collaborative efforts with the Philippine Business for Education we can deliver to students job information that they can understand and appreciate for better career decision making,” said Henry Motte-Muñoz, Founder, Edukasyon.ph.
Under the partnership students can check out Edukasyon’s Career Conversations portal ( http://edukasyon.ph/en/career_conversations) where they can find a variety of careers they can choose and read about. This section includes hard-to-fill and most popular jobs, job descriptions, entry-level salaries for these jobs and the requisite education for these jobs.
“It is our dream that every Filipino student gets a quality and relevant education that leads to a career. This partnership brings us closer to realizing that dream and ensuring that young people get better chances to employment,” said Henry Motte-Muñoz, Founder, Edukasyon.ph
At the joint site, students can discover the recommended senior high tracks, college courses, and technical vocational education for these selected careers. To give them first hand information on preparations for their career journey in these jobs, students can watch Career Conversation videos of professionals in different industries.
###
Edukasyon.ph was established by French-Filipino Henry Motte-Muñoz in 2014. A graduate of the London School of Economics and Harvard Business School, Henry was inspired to launch an education website in the Philippines because of the poor sources of information on academic opportunities in the country and overseas. He is the only Filipino who made it to the Class of 2015 Asia 21 Young Leaders, a network of young leaders from across the Asia Pacific, representing the private, public, and non-profit sectors. Henry is one of 10 Filipinos included in the Forbes 30 under 30. The list features young entrepreneurs, innovators, and leaders in Asia across 10 fields.
by admin | Jul 18, 2016 | Headlines, Major Events, National News
MANILA, July 18 (PIA)–Bawal na karon ang pagsuroy-suroy, taas nga lunch break ug siesta sa tanang buhatan sa gobyerno, matud pa ni Presidente Rodrigo Duterte.
Sa iyang pahayag nga gipagawas sa Malakanyang, miingon si Duterte nga bayad na ang unang walo ka oras sa mga empleyado sa gobyerno mao nga wala sila’y katungod nga dili kini hutdon sa trabaho.
“Bayad tayo. So pag inindian mo ang tao, wala sa opisina mo…after lunch break nasa mga mall, nagpapasyal-pasyal, pag nangyari yan uli, dismissed ka”, matud pa sa Presidente.
Matud pa nga angay huna-hunaon kanunay sa mga nasudnon ug lokal nga kawani ug opisyal sa gobyerno nga gibayran sila sa katawhan aron motrabaho og walo ka oras.
Gawas sa pagkatangtang sa puwesto, giinong mahimong pasakaan og kaso ang mga kawani ug opisyal nga hilig muole og sayo o dili tiwason ang oras sa trabaho.
Giingong makonsiderar nga estafa o swindling ang ingon niining buhat nga nahisulod sa Article 8 sa Revised Penal Code.
Gimanduan na sa Presidente si Civil Service Commission (CSC) Chairperson Alicia Dela Rosa Bala nga tun-an og maayo ang polisiya sa gobyerno kalabot sa lunch break ug uban pang isyu nga may kalabotan sa oras sa trabaho sa mga kawani ug opisyal sa gobyerno. (ecb/PIA7-Bohol)
