Aron masiguro nga ang mga bata ana-a sa eskwelahan, gilusad sa Departmento sa Edukasyon (DEPED) ang “Project REACH” (Reaching all Children).
Matud pa ni Kalihim Jesli Lapus, bisan ug libre ang edukasyon, daghan’g mga bata ug batan-on ang wala mo-eskwela.
Base sa tala-n sa DepEd, adunay kapin sa 5.6 milyones nga bata ug batan-on ang wala karon sa mo-tungha.
Ang Project REACH, matud ni Lapus, usa ka proyekto nga nagkinahangla’g kooperasyon ug suporta sa mga nagkalain-laing sektor aron pagpangita, pag-awhag ug paghawid sa kabataan nga mo-eskwela.
Sa maong proyekto, adunay gitawag ug Child Find, diin ang prinsipal sa eskwelahan makig-tinabangay sa mga opisyales sa komunidad aron ma-ilhan kining mga bata ug pamilya nga wala mopa-eskwela sa ilang mga anak. Mohimo sila ug pulong-pulong, “survey”, ug uban pa.
Ang laing bahin sa REACH mao ang “Innovative Interventions”, diin mohimo og programa ang DEPED aron magpabilin ang bata sa eskwelahan. (PIA/Bohol)
