DILI pugngan sa Department of Education (DepED) ang pagbukas sa klase, tungod lamang sa hulga sa swine flu.
Gipasalig na ni Education Secretary Jesli Lapus nga napahimutang na ang pagpangandam batok sa hulga sa A N1H1 sa 43 mil ka tunghaan sa tibuok nasud.
Matud niya nga gipakatap na sa mga administrador ug punong magtutudlo lakip na sa mga nurses sa mga tunghaan sukad pa sa Mayo 14 ang nga tukmang guidelines kabahin sa mga responsibilidad sa kampanya batok sa sakit. Kini ilabi na sa pagsuspindir sa klase kon may mamatikdang impeksyon.
Hinuon, miangkon usab si Lapuz nga magpaabot sila sa mandu sa Department of Health kon may katikaran bang angay nga ipatuman sama sa pag-oktaba sa pagbukas sa klase. (rachiu/PIA)
