DOE, miseguro nga igo ang supply sa kuryente sa 2015
MANILA, Oct. 31 (PIA)–Gipahayag sa Department of Energy (DOE) nga igo ang supply sa kuryente sa sunod tuig ug walay mahimong power shortage sa summer season partikular na sa buwan sa Marso hangtud Hunyo.
Matud pa ni Energy Secretary Jericho Petilla, dili na kinahanglang mo gasto og P6 milyon hangtud P10 milyon nga pondo gikan sa Malampaya Fund nga ipalit og generator sets bisan gamay na lamang ang reserbang kuryente.
Tungod niini, gitapos na usab sa Senado ang debate sa paghatag og emergency powers kang Presidente Benigno ‘Noynoy’ Aquino III alang sa gikahadlokang krisis sa enerhiya.
Sa pagkakaron, nakatutok na ang Senado sa mga pribadong kumpanya nga mosalmot sa interruptible load program ug kun unsaon kini pag-subsidize aron dili mosaka ang presyo sa kuryente. (ecb/PIA7-Bohol)
