DoH, gi-uswag ang kampanya sa measles-rubella-polio hangtud Oktubre 10
MANILA, Oct. 03 (PIA)–Gipahibalo sa Department of Health (DOH) kagahapon nga ang mga batang wala pa nakadawat sa supplemental dose sa measles, rubella (MR) ug oral polio vaccine (OPV) mahimo pang moadto sa mga health centers hangtud Oktubre 10, 2014.
“We are appealing to parents and caregivers who know that children aged 0-5 years old under their care have not received the vaccines to go to the nearest health center to have them immunized,” matud pa ni Health Secretary Enrique Ona.
Niadtong Setyembre 30, ang national coverage status nikabat sa 84% (9.6M) sa 11 milyong angay makadawat sa MR ug 81% (10.9M) sa 13 milyong angay makadawat sa OPV.
Ang mga rehiyon nga top achievers sa MR ug OPV vaccinations mao ang Caraga region- 91%, Region 9 (Zamboanga Peninsula)- 90%, Region 11 (Davao) ug Region 12 (SOCCKSARGEN)-parehong 87% ug Region 5 (Bicol)- 86%.
Sa mga probinsiya, ang mga mosunod ang top achievements sa MR: Lanao del Sur – 112%, Agusan del Sur – 100%, Saranggani – 100%, Surigao del Sur – 96%, ug Nueva Vizcaya – 96%. Alang sa OPV: Lanao del Sur – 110%, Agusan del Sur – 98%, Saranggani – 95%, Surigao del Sur – 94% ug Davao Oriental – 93%.
Ang mga nag-unang syudad usab sa MR top performers mao ang: Cebu City – 128%, Dapitan City – 119%, Tandag City – 117%, Calamba City – 107%, ug San Fernando City – 103%. Alang sa OPV: Cebu City – 126%, Tandag City – 117%, Dapitan City – 107%, Lapu-lapu City – 102% ug Calamba City – 101%.
Ang DOH, kauban sa private volunteers, World Health Organization, US Centers for Disease Control, ug ang Church of the Latter-Day Saints magpadayon sa rapid coverage assessment ug door to door surveillance ug mop-up nga mga kalihokan aron pagtino kun nakab-ot ba ang target niini sa pag-abot ngadto sa kada purok.
Nanawagan ang DoH sa mga inahan nga hatagan og prayoridad ang pagpabakuna sa ilang mga anak kay giingong makamatay kun kulang ang bakuna. (ecb/PIA7-Bohol)
