MISINTA ang Department of Health pinaagi ni Kalihim Francisco Duque III sa mga travel advisories nga giluwat sa Australia, Canada ug United Kingdom nganhi sa Pilipinas.
Walay basehanan, reklamo ni Duque, kay way rason nganong dili na paanhion sa Pilipinas ang mga turistang gikan sa nahisgutang mga nasud, dihang napagawas ang balita kabahin sa pag-atake sa AH1N1.
Nakapangutana si Kalihim Duque nganong ingon niini nga mas daghan pa man ang ilang kaso kon itandi sa duha nga natahong gidudahan sa sakit dinhi sa Pilipinas, Gani, pasabot niya, na-ulian na man gani ang mga pasyente nga taga dinhi ug dili swine flu ang ilang sakit.
Karon, matud ni Duque, iyang isang-at ang iyang reklamo batok sa travel ban ngadto sa Department of Foreign Affairs. (rachiu/PIA)
