MANILA, Mar. 12 (PIA)–Ang panagpulong sa niaging semana tali nila Philippine Ambassador Antonio Morales sa Singapore ug Kalihim Rosalinda Baldoz sa Department of Labor and Employment (DOLE) usa ka maayong higayon aron hisgotan ang pagduso sa reporma sa gobyerno pinaagi sa DOLE nga himuong propesyonal ang lebel sa household service worker; mahatagan sila og mas hugot nga proteksiyon ug mas maayong kabutang; ug isaka ang dignidad nila sama sa mga anaa sa pormal nga sektor sa pamuo.
Nihangyo si Baldoz kang Ambassador Morales nga tabangan ang Philippine Overseas Labor Office sa pagpangita og usa ka lugar sa Singapore diin mahimong gamiton sa mga Pilipino sa pagtapok-tapok sa adlaw sa ilang pagpahulay nga mas komportable ug mas produktibo.
Ang Lucky Plaza sa Singapore ang gi-ilang lugar karon diin magkita-kita ang mga Pilipino sa adlaw sa ilang pagpahulay,
“Isang lugar na maaari nilang gamitin para sa pagpupulong o pagsasagawa ng pagsasanay ang aking naiiisip. Ito rin ang aking nilalayon para sa iba pang bansa tulad ng Malaysia, Hongkong, at Taiwan,” pasabot ni Baldoz.
Sa niaging tuig, gimanduan ni Baldoz si Philippine Labor Attache Vicente Cabe nga susihon kun mahimo bang padak-an ang Filipino Workers Resource Center, o Bahay Kalinga, aron mahimo kining magamit alang sa mas produktibong bulohaton alang sa mga OFWs ug paspasan ang pagpaule sa mga HSW nga adunay problema. Tuyo sa FWRC nga himuong usa ka lugar nga adunay taas nga lebel sa pag-atiman ang mga OFWs base sa 22-point labor and employment agenda ni Presidente Benigno S. Aquino III.
Gipahibalo usab sa Kalihim kang Ambassador Morales ang kasamtangang gihimo sa DOLE nga ipatas ang tanan sa POLO training sa skills assessment and certification program sa Technical Education and Skills Development Authority (TESDA) aron isaka ang katakos sa mga OFW nga makakuha og maayong klase sa trabaho ug taas nga suholan.
Naglaum ang Kalihim nga dali kining mapatuman sa Singapore. Gisugdan na usab kini sa Dubai, United Arab Emirates, diin adunay 100 ka OFWs, apil na ang HSWs, ang pagpa-ubos sa skills assessment and certification on-site. Gi-planohan usab nila ang Hong Kong karong bakasyon ug mao usab unta kini sa Singapore.
Gibutyag usab ni Baldoz sa Ambassador nga ilang gibantayang pagpatuman sa Overseas Workers’ Welfare Administration sa iyang direktiba nga magmugna og usa ka training module sa pagbag-o sa OFWs, partikular na ang HSW, nga mahimong modelo sa maayong buhat o ambassador of goodwill.
Gihangyo usab sa Kalihim sa Ambassador nga magmugna og country-specific module alang sa mga OFW isip Ambassador of Goodwill sa Singapore. (ecb/PIA7-Bohol)
