MANILA, Mar. 26, 2014 (PIA)–Ang Department of Social Welfare and Development (DSWD), pinaagi sa Listahan o ang National Household Targeting System for Poverty Reduction (NHTSPR), mang-hire ug mobansay sa 1,245 ka staff nga mopahigayon og special validations alang sa mga beneficiaries sa Social Pension alang sa Indigent Senior Citizens ug Modified Conditional Cash Transfer (MCCT) Program.
Ipadala sila isip area coordinators, area supervisors, enumerators ug encoders.
Sa kinatibuk-ang gidaghanon sa nga staff nga e-hire, 878 niini ang ipadala nga mo-validate sa status sa 132,000 ka beneficiaries sa Social Pension nga wala sa listahan sa database, samtang 371 ang mo-assess sa mga potential beneficiaries alang sa MCCT Program. Target sa DSWD nga iapil ang naa sa 63,000 ka pamilya sa MCCT Program.
Ang Social Pension gi-implementar pinasubay sa Expanded Senior Citizen’s Act of 2010. Kini naghatag sa mga kwalipikadong beneficiaries og P500 nga binuwang stipend matag beneficiary aron idugang sa ilang pang adlaw-adlaw nga panginahanglan ug panginahanglang medical.
Samtang ang MCCT sa laing bahin, mohatag sa cash grants alang sa mga street ug displaced nga pamilya, nomadic indigenous peoples (IPs) o kadtong nagpuyo sa geographically isolated ug disadvantaged nga mga lugar basta lang kay mosunod sila sa mga kundisyon sa panglawas ug edukasyon.
“For the Social Pension, the purpose of the special validation is to verify the poverty status of its current recipients and ensure that only the poor senior citizens will continue receiving benefits,” pasabot ni DSWD Secretary Corazon Juliano-Soliman.
Ang DSWD Field Offices ang mo-facilitate sa recruitment ug screening sa mga aplikante sugod Abril 2014.
Ang mga interesadong aplikante mahimong moduso sa ilang aplikasyon sa pinakaduol nga buhatan sa DSWD o ngadto sa Social Welfare and Development Team Office.
Ang special validations magsugod sa ikaduhang kwarter sa 2014. (PIA7-Bohol/ECB)
