Mihangyo ang Department of the Interior and Local Government (DILG) sa Kamara nga dugangan ug P24 milyones ang pundo sa ilang buhatan, kini aron mapadayon ang gikinahanglang pagbansay-bansay ug “career advancement” sa mga polis sa ilang promosyon sunod tuig.
Mao kin ang gihangyo ni DILG Kalihim Ronaldo Puno sa Kamara nga gipa-agi kang Senador Edgardo Angara sa pagtuki kabahin sa 2009 DILG budget.
Matud pa ni Angara, sa iyang pag-uyon sa maong hangyo, gikinanghalan pag-ayo ang maong dugang pundo. Kini aron paggamit sa mga pasilidad sa maong pagbansay-bansay. Ang Philippine Public Safety College kon PPSC, mobalhin sa laing lugar gikan sa Fort Bonifacio para sa maong kalihukan.
Ang PPSC, usa ka sangay’ng ahensya sa DILG, nga mao ang mohimo sa pagbansay-bansay, “human resource development” ug padayong edukasyon sa mga kaubanan sa Philippine National Police (PNP), Bureau of Jail Management and Penology (BJMP) ug Bureau of Fire Protection (BFP).
Kada tuig, ang PPSC mohimo ug pagbansay-bansay sa dul-an 27,000 ka polis sa tibuok nasud, diin 4,000 niini migamit sa pasilidad sa Fort Bonifacio. (PIA/Bohol)
