MANILA, October 17 (PIA)–Gilagdaan na ni Presidente Rodrigo Duterte ang Executive Order number 5 nga gi-ila sa tawag nga “Ambisyon Natin 2040”.
Nahisulod niining plano ang 25-year long-term anti-poverty ug anti-hunger programs sa National Economic and Development Authority (NEDA).
Gipasabot sa Presidente nga target sa programa nga mapasaka og triple ang kasamtangang real per capita income sa katawhan.
Gitunga ang proyekto sa upat ka Philippine Development Plans nga una nang gi-plano ug gitun-an sa mga economic managers sa Presidente.
Gawas sa mas maayong kinabuhi sa umaabot, miingon ang Presidente nga target sa iyang administrasyon nga sugdan ang kampanya aron makuhaan ang gidaghanon sa mga katawhan nga makonsiderar nga kabos sa nasod.
Gikan sa “poor” base sa mga gihikyad nga sumbanan sa NEDA, miingon si Duterte nga himuon nilang “middle class” ang kadaghanan sa mga kauban sa marginalized sector base sa mga nahisulod sa programa sa “Ambisyon Natin 2040”.
Dungan niini, nanawagan ang Presidente sa mga business leaders og dugang pang suporta alang sa mga poverty alleviation program sa iyang administrasyon. (ecb/PIA7-Bohol)
