TAGBILARAN CITY, May 4, (PIA) –Himoon na sa Commission on Elections (COMELEC) ang dinungan nga pagsuway kon motrabaho ba ang Vote Counting Machines (VCM) segun sa gilagda niini sa dili pa kini selyohan aron dili na matandog.
Ang pagtesting ug pagselyo mahitabo sa 1,546 ka mga presinto nga ma-abtan sa VCM, himoon sa Mayo 6, alas 9:00 sa buntag, segun pa ni Atty Jerome Brilliantes, election supervisor sa Bohol.
Didto sa Kapihan sa PIA, gibutyag ni Atty Brilliantes, kinsa maoy natumbok nga election supervisor sa Bohol sa piliay sa 2016, nga nadeliver na sa COMELEC ang tanang mga ballot boxes ngadto sa Buhatan sa mga Municipal Treasurers sa kalungsuran.
Kini himoan gilayon sa pagsuway kon motrabaho ba segun sa gitakda niini, sa Mayo 6, o tulo ka adlaw sa dili pa himoong ang piliay, segun pa ni Brillaintes.
Napulo ka mga balota ang pun-on sa mga mapili nga mga botante ug ihungit sa VCM, suwayan kon mogawas pa ang resibo nga gipatik ug kon nagtugma ba ang mga unod niini segun sa gipili sa botante.
Kon mapamatud-an nga tugma na, iphon ang mga balota ug kon mapamatud-ang nagsibo na kini, sugdan na usab ang pagselyo niini aron wala si bisan kinsa pa nga makahilabut sa program hangtud nga kini buksan sa panahon sa eleksyon, pasabot sa COMELEC.
Tungod niini, alang samg may mga kahadlok sa gikataho nga mga plano sa pagpanikas pinaagi sa CVM, mahimong maniid sa mga proseso sa Final Testing and Sealing sa VCM, aghat ni Atty Brilliantes
Samtang sa laing bahin, tungod sa paghukom nga mohatag nag resibo ang VCM, nagtakda og tag usa ka minute ang COMELEC alang sa pagkahuman sa mga botante sa pagfill up sa mga opisyal nga balota, hinungdan nga buksan ang presinto sa may alas 6:00 na sa buntag ug tak-opan sa alas 5:00 sa hapon.
Dala sa gitakda nga 800 ka botante sa us aka presinto, miaghat usab ang COMELEC sa pagboto og sayo aron dili mawani. (rac/PIA-7/Bohol)
