MANILA, November 2 (PIA)–Gibarugan sa Malakanyang nga dili makaapekto sa ekonomiya sa nasod ang giduso nga kabag-ohan sa foreign policy ni Presidente Rodrigo Duterte, sukwahi sa kahadlok sa credit watchdog nga Moody’s Investor Service.
Matud pa kagahapon ni Presidential Communications Office (PCO) Kalihim Martin Andanar, nagpabiling lig-on ang economic fundamental sa nasod.
“The economic fundamental remain strong. The poverty rate has dropped, Inflation rate is stable. Government-private contracts continue to be honored. We will be okay,” matud pa ni Andanar.
Ang maong pahayag gihimo sa Kalihim human sa pasidaan sa Moody’s nga posibleng mohinay ang ekonomiya sa nasod kun magbaton og kalit nga polisiyang ipatuman ang administrasyong Duterte sama sa foreign policies.
“Risks are emerging in terms of the banks’ increasing exposure to real estate-related loans and higher yielding small and medium enterprises,” matud pa sa Moody’s.
Apan gitaho usab sa Moody’s nga sulod sa 12 ngadto sa 18 ka bulan, magpabiling lig-on ang Philippine banking system.
“Asset quality will remain broadly stable, supported by stable macroeconomic factors, and the stable debt servicing metrics of borrowers,” matud pa sa gipagawas nga taho ni Alka Anbarasu, Moody’s vice president ug senior analyst kagahapon. (ecb/PIA7-Bohol)
