TAGBILARAN CITY, Bohol, Mar. 31, 2014 (PIA)–Gitun-an na karon ni Presidente Benigno ‘Noynoy’ Aquino III ang himuong mga lakang sa gobyerno sa paglisud-lisod sa Chinese Coast Guard sa civilian ship nga naghatud og supply sa BRP Sierra Madre sa Ayungin Shoal.
Matud pa ni Kalihim Herminio ‘Sonny’ Coloma Jr. sa Presidential Communication Operation Office (PCOO), dili matay-og ang gobyerno sa padayon nga paggamit og diplomasya ug malinawon nga pagsolbad sa hisgotanan sa West Philippine Sea taliwala sa gihimong pagbabag sa Chinese Coast Guard ning bag-o lang.
“Patuloy pong pinag-aaralan ng Pangulo at ng Gabinete ang sitwasyon para makabuo po tayo ng makatwirang katugunan,” matud pa ni Coloma.
Human gi-ipit sa Chinese ang civilian nga barko nga maghatud og supply sa BRP Sierra Madre, nahimo sa Armed Forces of the Philippine (AFP) pinaagi sa pagsakay sa civilian fishing vessel nga maghtud og supply didto.
Nahitabo kini human niduso ang gobyerno sa Pilipinas og ‘memorial’ o summary of arguments sa UN Arbitral Tribunal sa The Hague batok sa China tungod sa excessive claims niini sa South China Sea.
Samtang gisiguro usab ni Chinese President Xi Jinping nga walay mahitabong kagubot sa South China Sea gawas na lamang kun adunay manghagit kanila. (PIA7-Bohol/ECB)
