TAGBILARAN CITY, Bohol, Sept. 26 (PIA)–Gipahinomdoman sa Commission on Elections (Comelec) ang publiko sa hugot nilang pagpatuman sa gun ban nga magsugod na sa Setyembre 28, adlaw nga Sabado alang sa gitakdang barangay elections sa Oktubre 28.
Ang gun ban matapos sa Nobyembre 12, usa ka buwan human sa adlaw sa piniliay.
Matud pa ni Comelec Spokesperson James Jimenez, sa maong mga petsa suspendido usab ang permit to carry firearms outside residence ug ang gitugotan lamang nga magdala og pusil kadtong mga nakakuha og COMELEC gun ban exemption.
Dugang pa ni Jimenez nga gawas sa gun ban, magsugod na usab sa Setyembre 28 ang appointment ban ug ang pag-promote og posisyon sa trabaho sa bisan kinsang empleyado sa gobyerno.
Tungod niini, gipahinomdoman sa Comelec ang katawhan nga sundon gayud ang maong mga patakaran.
Ang filing sa certificates of candidacy (COC) magsugod sa Oktubre 11 hangtud Oktubre 17.
