GIHAGIT ni Provincial Environment and Natural Resources Officer Nestor Canda ang katawhan nga makigbulig sa mga tinugyanan aron pagpanalipud sa kalikopan.
Partikular nga gipasabot ni PENRO Canda ang pagsumbong nagdto sa mga otoridad ang walay pagtugot nga pagtukod ug mga istraktura nga sementado sulod sa 20 metros gikan sa tampi sa bisan unsang tubigan
Matud ni Canda didto sa Kapihan sa PIA, dili kinahangalang sa baybay sa dagat lang ang bantayan kay lakip usab ang tampi sa mga suba, sapa ug lanao ang naapil sa gipanalipdan sa Water Code of the Philippines.
Ang 20 metro nga gitawag usab ug environmental protection zones, gilatid nga libre alang sa tanan ug walay gitugotan nga manag-iya niini isip pribadong kabtangan.
Dili maatol sa kapolisan ug sa mga taga DENR, pasabot ni Canda.
Kon pannaglit may nakuha mang nga permiso ang nagtukod niini, lagmit mahimo kasohan ngadto sa Ombudsman ang municipal engineers nga naghatag sa pagtugot kay kini tataw nga supak sa balaod, butyag niya. (rachiu/PIA)
