International Fusion Nights,
gibalik na usab gikan Okt. 15-18
TAGBILARAN CITY, Bohol, Oct. 16 (PIA)–Ang malamposon nga International Fusion Nights sa niaging Sandugo niadtong Hulyo gibalik na usab karon gikan Oktubre 15 hangtud 18, 2015 sa Plaza Rizal, ning dakbayan sa Tagbilaran.
Kini isip parte sa mga kalihokan sa Oktubre Kinse: The Bohol Earthquake Memorial.
Bukas ang maong mga food stalls gikan alas 5 sa hapon hangtud na sa tungang gabii.
Ang upat ka adlaw nga food bazaar mopasundayag sa 10 ka food stalls nga nagtanyag og lamian apan resonable nga presyo sa mga pagkaon gikan sa mga lokal nga nagnegosyo og kan-anan.
Ang mga food exhibitor naglakip sa Bialetti Café, Gavroche French Bakery, Tarsier Botanika, Villa Formosa, Just Sizzlin’, Not Just Tacos, Cuisina ni Tisay, Shiang Ma Nou, Egay’s Farm ug Amorita Resort.
Ang maong food bazaar gi-organisa sa Provincial Government of Bohol ug sa City Government of Tagbilaran.
Gipangunahan sa Bohol Investment Promotion Center (BIPC), Bohol Association of Hotels, Resorts and Restaurants (BAHRR) ug kauban sa Coca-cola isip major sponsor. (ecb/PIA7-Bohol)
