PADAYON ang pagdaghan sa pagpagawas sa Overseas Foreign Workers, kini namatikan sa mga tinugyanan sa Department of Labor and Employment (DOLE) bisan sa naghinay nga ekonomiya sa kalibutan ug sa krisis sa Amerika.
Butyag ni Labor Secretary Marianito Roque nga stable pa gihapon ang pagpangempleyo sa OFWs, samtang gihulagway na ang Pilipinas nga halos wala matandog sa kaguliyang.
Dugang ni Roque, wala siya magpaabot nga makunhuran ang panginahanglan sa trabahanteng Pinoy ilabi na sa Tungang Sidlakan.
Kini samtang mitaas sa 18% ang OFW remittances sa buwan sa Enero ngadto sa Hulyo 2008. (rachiu/PIA)
