ANG duha ka kamara sa Kongreso mohimog managlahing imbestigasyon sa gipahayag ni retired Lingayen Archbishop Oscar Cruz nga adunay ubang opisyal sa administrasyong Aquino ang nagdawat og binuwang suhol gikan sa jueteng operators.
Sa Senado, si Senador Miriam Defensor-Santiago nipasaka sa Senate Resolution No. 167 niadtong Lunes aron pag imbestigar sa gikatahong pagbalik sa jueteng, usa ka inila nga illegal numbers game, ug sa giingong mga protektor niini sa mga opisina sa gobyerno.
Sa House of Representatives, si Cagayan de Oro Rep. Rufus Rofriguez ug iyang igsuon nga si Abante Mindanao party-list Rep. Maximo Rodriguez, ug Ako Bicol party-list Reps. Christopher Co, Rodel Batocabe ug Alfredo Garbin nipasaka sa Resolutions 393 ug 388, aron pag imbestigar sa mga alegasyon ni retired Lingayen Archbishop Oscar Cruz.
Ang managsuong Rodriguez nagkanayon nga gikinahanglan gayud ang labing dali nga imbestigasyon sa maong mga alegasyon aron pagtin-aw sa mga isyo ug aron mailhan na sa publiko ang mga giingong nagdawat og suhol gikan sa illegal numbers game. (PIA)
