SI Judge Ralph Lee sa Quezon City RTC branch 83 nipagawas niadtong Lunes og hold-departure order batok sa kanhi gobernador sa Basilan ug kongresista Gerry Salapuddin kinsa ning sayo pa lang, gi isyuhan og warrant of arrest kalabut sa tuig 2007 nga pagpang-bomba sa Batasang Pambansa complex nga nipatay og 4, apil na ni Basilan Representative Wahab Akbar.
Gi isyo ang maong hold departure order human sa mando nga pagsikop kang Salapuddin niadtong Biyernes.
Gisulayan apan napakyas ang kapolisan sa Basilan sa pagduso sa arrest order niadtong Sabado.
Ang maong pagpang-bomba niadtong tuig 2007 nikalas sa 4 ka kinabuhi, apil na ni Akbar, ug naka-angol sa 12 ka tawo, kasagaran mga trabahante sa House of Representatives.
Ang trial court nipagawas na kaniadto og arrest warrant, apan gibawi human nga nakit-an sa Justice Secretary nga walay probable cause batok ni Salapuddin. Apan gibali sa Court of Appeals ang maong ruling.
Human niadto, gipasaka ni Salapuddin ang iyang kaso ngadto na sa Supreme Court. (PIA-Bohol)
