MANILA, Feb. 23 (PIA)–Andam na ang Malakanyang sa mga aktibidad sa pagsaulog sa ika-30 nga anibersaryo sa 1986 People Power Revolution sa Pebrero 25.
Nagdala kini sa tema nga “Pagbabago: Ipinaglaban N’yo, Itutuloy Ko!”
Matud pa ni Presidential Communications Development and Strategic Planning Office (PCDSPO) Undersecretary Manolo Quezon III, magsugod ang programa pinaagi sa flag-raising ceremony sa alas 7:30 sa buntag, pagpanumpa sa bandila, sundan sa ecumenical prayer, awarding ceremony, tradisyonal nga pagsugat ug mohatag og mensahe si Presidente Benigno ‘Noynoy’ Aquino III.
Isunod ang inagurasyon ug guests tour sa People Power Experimental Museum sa Camp Aguinaldo nga magpakita sa mga kabataan sa tinuod nga kasinatiaan sa mga Pilipino niadtong panahon sa Martial Law.
Giingong mahinungdanon nga masabtan sa mga kabataan ang tinuod nga diwa sa malinawong rebolusyon ug ngitngit nga kaagi nga gibilin sa balaod sa militar.
Ang EDSA People Power Commission mi-awhag sa publiko sa pagbisita sa People Power Experiential Museum sa Pebrero 25 hangtud 26 sa Camp Aguinaldo.
Ang pagsaulog sa EDSA Uno ning tuig gigahinan og P35 milyon. (ecb/PIA7-Bohol)
