GIBUGTAW ni Presidente Gloria Macapagal arroyo ngadto sa mga sakop sa prensa nga unta mahimong instrumento sa paglaum alang sa nasud, kini samtang nia pa ang hagit sa krisis pinansyal.
Matud niya, ang media may daku nga buluhaton sa kinabuhing pampubliko sa nasud tungod kay ang katawhan nagsalig niini sa balita ug panahum.
Tungod niini, ang mga tigdumala ug tigtaho niini samag public official may daku nga obligasyon pagpatunhay sa kaayohan alang sa tanan, sumpay niya.
Bisan pag wala pa kaayo mabati sa nasud ang epekto sa krisis nga nagpamahal sa presyo sa pagkaon. Gasoline ug bugas, mipasalig ang Pangulo nga gibuhat na sa kagamhanan ang tanan niining mahimo aron kapanalipdan ang katawhan sa hitabo.
Gitabangan na sa kagamhanan ang pagpaubos sa presyo sa bugas, gasoline ug pagkaon samatng gipun-an pa niini ang pagpasugod ug trabaho ug pamuhunan nga gilantawng makahatag sa katawhan ug kita sa bag-ong kapanginabuhian. (PIA/rachiu)
