PH elected chair of 65th WHO Regional Committee Meeting

TAGBILARAN CITY, Bohol, Oct. 16 (PIA)–Nanghinaot usab ang mga Bol-anon kang Pope Francis nga maka-bisita sa lalawigan sa Bohol atol sa opisyal niining pagbisita dinhi sa nasud sa Enero 15 hangtud 19, 2015.

Matud pa ni Bohol Gob. Edgar Chatto atol sa pakighinabi niini sa mga tigbalita nga nanghinaot gayud sila nga i-apil sa 2015 visit itinerary sa Santo Papa ang pagbisita sa Bohol.

“We invited the Pope. We hope that he will consider. But as far as the last coordination with Tagbilaran Bishop Leonardo Medroso, this might not be possible. And we understand,” matud pa ni Chatto.

Usa ka imbetasyon pinaagi sa Diocese of Tagbilaran ang gipadala na sa Santo Papa alang sa maong katuyoan sa mga Bol-anon nga mahimamat kini.

Gibutyag sa Gobernador nga ang mga lugar nga grabeng naapektuhan sa linog dinhi sa lalawigan sa niaging tuig adunay representasyon pinaagi sa 5 ka napiling nakalingkawas sa maong linog nga ika-uban sa pagkaon si Pope Francis sa Palo, Leyte.

Ang probinsiya sa Bohol gitay-og sa magnitude 7.2 nga linog niadtong Oktubre 15, 2013 sa alas 8:12 sa buntag. Apektado niini ang tibuok rehiyon sa Central Visayas, ilabi na ang Bohol ug Cebu.

Gihandom gahapon ang unang tuig nga anibersaryo sa linog pinaagi sa pag-ampo ug pasalamat ug nagkalain-laing kalihokan. (ecb/PIA7-Bohol)