MANILA, Feb. 09 (PIA)–Nagpagawas na ang Commission on Elections (Comelec) og listahan sa mga gibawal himuon karong pormal nang gibuksan ang pangampanya alang sa mga national candidates alang sa piniliay sa Mayo 9, 2016.
Ang mga mosunod ang mga gibawal nga may silot kun molapas sugod karong adlawa, Peb. 9:
1. Pagpahimo og mga materyales sama sa pamphlet, leaflet, card, decal, sticker ug uban pa nga molapas sa 8.5 pulgadas x 14 pulgadas ang gidak-on
2. Pagpagawas og mga poster nga molapas sa 2 feet x 3 feet ang gidak-on
3. Paggamit og mga political rally streamers nga molapas sa gidak-on nga 3 feet x 8 feet
4. Paggamit og mga materyales nga wala ang mga linyang “political advertisements paid by” nga sundan sa pangalan sa kandidato o sa partido
5. Paggamit sa mga materyales sa pangampanya nga donasyon nga walay nakabutang nga
“printed free of charge” o “airtime for this broadcast was provided free of charge by” nga sundan sa pangalan sa nihatag niini
6. Bisan unsang salida o pasundayag sa estorya sa kinabuhi sa kandidato
7. Pagpanghatag sa mga kandidato og donasyon, regalo, o kontribusyon alang sa konstruksyon o pagpaayo sa mga kalsada o bisan unsang establisyimento nga gamiton sa publiko o bisan unsang religious o civic organization
8. Pagpahigayon og mga pasayaw, raffle, lotto, pasabong, o bisan unsang aktibidad nga ang tumong makakolekta og pondo alang sa pangampanya
9. Pagbutang og campaign materials sa gawas sa common poster areas, pribadong kabtangan nga wlay pagtugot sa tag-iya ug mga pampublikong lugar sama sa mga:
– nag-unang kalsada, tulay, overpass, underpass, flyover, center island
– mga eskwelahan, public shrines ug uban pa
– terminal nga gipanag-ya sa gobyerno
– waiting shed, poste sa suga ug kuryente bisan sa mga wire niini, traffic signages ug uban pang signboards nga gipanag-iya sa gobyerno
– sakyanang gipanag-iya sa gobyerno ug mga gov’t-owned and controlled corporations (GOCCs)
– pampublikong sakyanana sama sa MRT, LRT, PNR ug uban pa
– pampublikong electronic announcement board
Samtang gibawal usab hangtud sa paghuman sa election period sa Hunyo 8, 2016 ang mga mosunod:
1. Pagdala o pagbiyahe nga adunay dala nga pusil o bisan unsang armas gawas kun
awtorisado sa Comelec
2. Paggamit og mga security personnel o bodyguards sa mga kandidato gawas lang kun
awtorisado sa Comelec
3. Pag-organisa o pagpahigayon og reaction forces, strike forces ug uban pa. (ecb/PIA7-Bohol)
