GIMANDO na ang “radioactive scan” sa mga produkto gikan sa Japan nga mosulod sa
nasud.
Matud pa ni Philippine Nuclear Research Institute (PNRI) Director Dr. Alumanda dela Rosa,
niabot na sa ilaha ang impormasyon nga nakitaan na og agi sa radiation ang mga produktong
gatas ug spinach gikan sa Fukushima, Japan. Apektado na usab ang tubig sa dagat sa
palibot sa planta nga gigamit sa mga otoridad aron pabugnawon ang nagbagang mga
nuclear reactor.
Gamiton sa North ug South Harbour sa Port of Manila ang radiation portal monitor nga
donasyon sa Pilipinas sa United States of Energy.
Giingong igo sa maong “high tech” nga aparato ang usa ka container van aron masusi kun
adunay radioactive materials ang sulod niini. Aduna usab tulo ka radioactive scanner sa
laboratoryo sa PNRI nga adunay katakos nga mosusi sa tig-walo ka samples sa produkto
matag adlaw.
Sa mga pantalan nga wa-lay igong kahimanan aron mosusi sa mga radioactive nga mga
produkto, tambag sa PNRI nga ipadala sa ilaha ang mga samples sa mga produkto aron sila
ang mosusi niini.
Apil sa gipasusi sa ilang buhatan ang mga noodles, chocolates, tea, gatas ug uban pa.
(ecbPIA-Bohol)
